مراحب.

كثير أحبكم وكثير أستفيد منكم. إنتو أول ناس أفكر فيهم لما أحتاج نصيحة لإني أثق بأرائكم.

مشكلتي مع زوجي (متملكين بس). يهملني كثيررررر ومايسأل عني. تخيلو بنكمل أسبوعين ماكلمنا بعض مكالمة طويلة؟؟؟

اللي حاصل إنه الأسبوع اللي فات كنت تعبانة وتوقعت يدق علي ويسئل لما يفقدني، لكن لا حس ولا خبر. زعلت أنا وأنقهرت بس قلت خليني أخلق له الأعذار وما أستعجل بالحكم عليه. كلمته بعد ماتحسنت صحتي وتطمنت عليه. ماكان عنده أي عذر غير مشغول. قلت لنفسي يا بنت لا تكبرين الموضوع. قلت له بس حابة أتطمن عليك وترى أشتاق لك، لاتنقطع عني.

الأسبوع هذا وضعي الصحي ماكان تمام. كلمني أمس في النهار وقلت له تعبانة وصحتي مو كويسة. قالي سلامتك ووصاني على نفسي وقالي قد إيش يحبني وكعادته كان حنون معي خلال المكالمة، قالي معليش تكلميني الليلة متأخر ونسهر سوى؟؟ قلت خلاص.

قسم بالله أمس في الليل كنت مرة منهكة لكن حاولت أسهر نفسي علشان أكلمه وأبسطه ولا ينشغل باله علي وقلت المدة هذي أحلى مدة، أبيه ينبسط فيه قد مايقدر وأنا أبي أنبسط معاه لإني أحبه وهو يحبني. لما كلمته، كان جواله مقفل، معناته الأخ نايم أصلا. عصبت كثيررررررر. ماعندي مشكلة ينام، بس كان أرسلي مسج لو بالكذب يبين إهتمامه يقولي بنام ويارب صحتك تكون أحسن . تعوذت من الشيطان وقلت يابنت يمكن راحت عليه نومة، أكيد الصبح بيدق يسئل. لا دق ولا سئل ولا أرسل حتى مسج.

المشكلة أنا مو طماعة، قسم بالله ترضيني مسج تقولي كيفك. كلمني أخوي يقولي إنه متفق مع زوجي اليوم يشترون حاجات وإتفقو إنه الترتيب يكون بيني وبين زوجي، يعني أكون أنا بالوسط بين أخوي وزوجي. انا ما أبغى أكلم زوجي الحين أبد لإني ما أبغى أترجى عطف أحد هذا أول وثانيا لإني أبغى أجرب معاه القسوة والتطنيش مدام الصراحة والحنية ماجابت نتيجة. أبغى أتركه مدة ما أرد عليه ولا أكلمه لإني تعبت وأنا أحس نفسي صديقته مو زوجته، لما يبغى ينبسط ويغير جو يدق علي ولما ينشغل أو يكون ماله مزاج، ينسى أصلا إنه متزوج. تعبت لإني أبغاه يحس بالمسؤولية ويحس إني زوجته. حاسة بالإهانة من طريقة المعاملة هذي وكأني وحدة رخيصة.

الحين أنا ما أبي أخوي يدري عن أسراري واللي بيني وبين زوجي ولا أدري كيف بقول لأخوي أنا ما أبي أكلمه. الشئ الثاني، إنصحوني، كيف أفهمه نقطة الإهمال هذي علما إني كلمته بصريح العبارة وقلت له اللي يضايقني وكان عتب بدلع وحب وشوق، ماحاولت أقسى عليه وطبعا الموضوع تكرر أكثر من مرة. صح أسلوبي في التطنيش؟

الرجال ما ينفع معاهم الإ الثقل حتى لو زوجك وفي بيته بعد

خليج في الوسط ولا تدقين عليه دوم يعني مسجات كفاية

صباح الخير ومساء الخير وهو يوم يفضى بيكلمج

ترى أنا ما أدق عليه دايم. كل يومين أو ثلاث أيام وحتى مسجات ما أرسل له لإنه أصلا ما يرد على مسجاتي وهذا طبعه. يعني لا تتوقع أو تتوقعين إني مزعجته بالإتصالات، لا والله. وحتى لما أكلمه، غالبا يكون بناء على طلبه، يعني يكلمني وأكون مشغولة، يقولي طيب دقي علي إنتي في الوقت الفلاني. أنا تاركة الإتصالات على وقت راحته بس مليت. أنا زوجته ومسؤولة منه مو صاحبته متى ماحب يقضي وقت حلو، كلم ولما يكون ماله مزاج يسحب علي أيام ولا يسئل وخصوصا لما تعبت، عادي ماهمه. والوقت هذا مهملني بزيادة لإنه مشغول، أنا عارفة شغله بس برضو أنا زوجته والمفروض يخصصلي وقت على الأقل يسئل.

حلو التطنيش بس ما يكون بقسوة,,
وبالنسبة للترتيبات لا تتركينها بالعكس هذي أشياء تخصك أدخلي في الموضوع بس كوني جديه وعملية يعني بلاش عتاب ورومانسيات وكلام حلو ,,
يمكن راح يحس بنفسه ويفتح معاك الموضوع ويبين لك سبب عدم اتصاله,,
وإذا ما فتح الموضوع معاك عااااادي لا تكدرين على نفسك ولا شي ,,ترى الرجال ما يحطون هذي الأشياء في بالهم
هذا هو الزواج لا تتخيلين أنك راح تعيشين حياة حب وغرام وعشق ويصير هيمان فيك وكل شوي يدق ويرسل..
صح ودنا بهذا الشي لكن الواقع يختلف,,
الزواج صح فيه شي حلو بس مسؤولياته أكثر

طولي بالج حبيبتي
حاولي انج توصلين له فكرة انج تتضايقين من هالاسلوب
وانج لما تنتظرين احد .. ماتحبين انه يخلف وعده ابد
لمحي بالبدايه .. لا تصرحين
ولو مثلا وعدج ونام عنج .. انتي بالصبح اتصلي له وتدلعي عليه وعاتبيه باسلوبج
قولي له انج نطرتيه وكنتي مشتاقه وايد وكان ودج تقولين له عن وايد اشيا بخاطرج
بس في سياق الكلام حطي له الاعذار
عشان ماياخذ موقف دفاعي وسيده يرد ويقول والله كنت تعبان .. ولا تلفوني ماكان مشحون وانطفا او اي عذر ثاني وتنقهرين

تدلعي عليه .. وقولي له ادري انك مشغول .. وتراني استانس وايد لما نتكلم مع بعض ..
عبري له شكثر تستانسين من مكالمتكم .. وشكثر هي ضروريه عندج .. وشكثر تنتظرين مكالمته
قولي له حتى وانا مشغوله مارحت عن بالي ..

يعني مايحتاي اقول لج عن هالكلام

ترى الرجال تختلف اطباعهم
حاولي كثر ماتقدرين انج تفهمين طبع ريلج
لان في بعض الرجال فاهمين الثقل غلط ..
لينيه بدلعج .. وخليه يطلع له وقت من تحت الارض بس عشان يكلمج وياخذ بخاطرج
ويتلهف عشان يسمع صوتج



وانتبهي لا يصير كلامج كله عتب .. ترى تمل النفس

موفقه حبيبتي

__________________
اللهم اني اعوذ بك من زوال نعمتك
وتحول عافيتك .. وفُجأةِ نقمتك
وجميع سخطك

ياحبيبة قلبي الخطوة هذي أنا سويتها، قلت له وينك حبيبي من زمان ماسمعت صوتك، حياتي أنا أشتاق موت لك وبدونك أنا أتعب، حياة عمري وحشتني، حبيب قلبي ما أتحمل غيابك. اللي أبغى أقوله لك إني دلللللللللعته ودللته وهو مبسوط بالكلام الحلو هذا بس ما أشوف فيه تغيير في الإهتمام، يعني ما أدري عاجبه العتب بغزل وحب وحنان وإلا وش سالفته. خلال المكالمة، يطول معي كثير ونجلس بالساعات لدرجة يدي تتعب وأمل منه بس ما أبين الشئ هذا، وهو يكلمني أحس بفرحته ووناسته. لكن مشكلتي بالإهمال اللي حاسته منه. أنا صرحت له بدلع وحب ومافاد الأسلوب بس ماتوقعت توصل لدرجة التطنيش خلال تعبي؟؟ والله العظيم حسيت نفسي كرسي مشتريه الأخ، مو زوجة ويخاف عليها. أبغاه يفهم الحين فيه زوجة وهو مسؤول عنها مو بس "أنثى" لما يبي ينبسط ويسمع كلام حلو، يكلمها.

قولي لي وش رأيك، أطنشه وأجرب الأسلوب الثاني؟؟ والأهم كيف أتصرف مع أخوي وأنا فعلا ما لي خاطر أكلم زوجي الحين

كثير أسعدني ردك، الله يسعد قلبك يارب

هلا فيج حبيبتي
بالبدايه ماعليج امر وضحي لي هالنقطه يجوز فهمتها غلط انتي قلتي ببداية كلامج

اقتباس:

المشاركة الأصلية كتبت بواسطة فراولة بالتفاح تخيلو بنكمل أسبوعين ماكلمنا بعض مكالمة طويلة؟؟؟

وبردج الثاني قلتي

اقتباس:

المشاركة الأصلية كتبت بواسطة فراولة بالتفاح خلال المكالمة، يطول معي كثير ونجلس بالساعات لدرجة يدي تتعب وأمل منه بس ما أبين الشئ هذا،

يعني انتي تبينه يطول في مكالماته ؟؟
ولا تبين نوعية المكالمات تختلف ؟؟
ولا شقصدج بالضبط .. لان التبست علي السالفه هني

طيب تقولين انج دللتيه ودلعتيه وهو مبسوط
مع اني اشوف فترة انكم ماتكلمون بعض بالثلاث ايام صعبه شوي ؟؟ شالمانع يعني ؟؟
حتى لو دقايق يطمنج عليه وتطمنينه عليج ماتفرق ..
بعدين هو بيحس باهتمامج اكثر بهالطريقه
حاولي تعرفين عن شغله اكثر .. مو بالتفاصيل عاد .. ام يعني مثال
عرفتي عنده اجتماع ,, او دورة .. او اي شي يخص شغله
بيني له انج معتمه .. وساليه عن اجتمعه ودورته
لا تتقصين عن اخبار شغله بالتفصيل .. مجرد رؤوس اقلام .. ولا تلحين الرياييل مايحبون تنفرض عليهم الاسئله بروحهم يتكلمون من انفسهم وايد افضل



حسيتج حبيبتي متضايقه .. تحسين انج تضحين بوقتج مرات .. وانتي مشغوله عشان تكلمينه
وقلتي تتعبين وانتي تكلمينه بس ماتحسسينه ..
هالضيق اللي قيج .. من عدم تقديره لتضحيتج .. وهالشي اذا ماحليتيه الحين راح يتراكم
وعلى اي مشكله بسيطه او حتى شي تافه راح تنفجرين ..
قولي له .. حبيبتي تراي مشغوله الحين .. او فديتك تراي تعبانه من قومتي للصبح ماريحت بس ما ابي انام قبل ما اسمع صوتك
يعني قولي له شفيج .. انتي شنو حاسه فيه .. لا تضغطين على عمرج
وبعدين لما يتعود انج تتفرغين له .. وانتي ماعاد فيج تتنازلين اكثر راح يحس بتغيير فيج
وبيسألج شفيج
هذيج الايم ماكنتي ترديني .. ماكنتي تقولين لا .. ماكنتي تقولين بنام ..
سبحان الله مع انها اشيا طبيعيه بس لانج ماعودتيه تقولينها له

اصلا بالعكس .. اذا تمللتي من هالكمكالمه الطويله ,, او كنتي تعبانه او شي
دلعيه بشوية غزل .. وودعيه ..
لا تخلين مكالماتج تطفي كل الشوق اللي فيه
خلي جمر الشوق والع ..
ماتبينه يسكر من عندج وهو بعد متملل ..

بالنسبه لاخوج ممكن تستغلينها فرصه
انج تقولين له وتتفقين معاه عن الوقت وكل التفاصيل .. وتحسسينه انج زعلانه منه بس على خفيف .. غيري من اسلوبج .. مثلا اذا انتي متعوده تدللينه بكلمة .. نقول "حبيبي" لا تقولينها بهالمكالمه .. خل يحس بتغيير منج .. وهو شلون بيدري انتي زعلانه ولا لا لو مالمحتي له .؟

انا بصراحه مو متزوجه ولا مملكه ولا شي .. وبانتظار اللي اكبر مني وافهم مني
وخصوصا ام جمانه فديتها .. احب اقرا حلولها
بس ان شاء الله افدتج

__________________
اللهم اني اعوذ بك من زوال نعمتك
وتحول عافيتك .. وفُجأةِ نقمتك
وجميع سخطك

هلا حبيبتي

أنا فكرت أرسل مسج وأقوله اللي أبغاه بخصوص الترتيبات وبعدين أقوله وعلى فكرة ترى أنا بخير وشكرا على إهتمامك وبعدها أقفل الجوال. إنتي وش رأيك؟؟

ياعمري أنا مو طلبي حب وغرام وهيام، أنا طلبي إحساس بالمسؤولية تجاهي كزوجته. طيب فرضا إحتجت شئ؟؟ فرضا زاد التعب علي؟؟. أنا عقلانية نوعا ما وأدري الزواج مسؤولية وعلى قد ما أقدر جالسة أوفي بحقوقه، تبقى مسؤوليتي أنا، أبغاه يفهم إنه أنا زوووووووووووجته مو حبيبة وسوالف أخر ليل لما يحب وبس. أنا زوجته يمكن أحتاج شئ، هو مسؤول عني، يمكن أبغى نصيحته، يمكن ويمكن ويمكن، فيه ألف إحتمال لإحتياجتي له.

تسلمين ياقمر

أهلا ياقمر

اللي أنا أبغى أقوله، بالنسبة لطول المكالمات، هو يطول معاي كثيررر لما يكلمني. أنا معترضة على الكم. نجلس بالأيام مانتكلم مع بعض. أول كنت أسمح له يغيب يومين بالكثير وبعدين يرجع يدق علي عادي، الحين السالفة صارت تطول وعذره مشغول. عمري ترى أنا ما أعاتبه بطريقة مباشرة، كلها والله بدلال وحب بس أنا مليييييت وإستحيت من نفسي وحاسة كرامتي مهانة. شخص يكلمني كل ماحب يتدلع ويسمع حب ويطنشني مدة لغاية مايحتاج يسمع كلام حب ثانية ويرجع. صرحت له وعاتبته بغنج، مافيه فايدة. وش أسوي يعني؟؟ أصارخ عليه وأعلي صوتي؟؟ ما أقدر لإنه أسلوبه معي وإحترامه لي أثناء المكالمة يجبرني على إحترامه. ما أقدر أعلي صوتي على شخص محترم معي خلال كلامة. طيب أصارحه بس بحب وهذا اللي سويته ولا فاد. يعني وش أسوي أطنشه؟؟؟

تقولين أستغل الفرصه، كيف أستغلها. هو لما يكلمني يترجاني أكون معاه وأضل معاه ومايرضى أقفل منه، توصل لدرجة الترجي والتطلب. صعبة أشوف زوجي يترجى أجلس معاه وأسكر منه. والله صعبة. الأسهل علي أرسل مسج باللي أبيه وأقفل جوالي كم يوم ولما يكلمني بقوله على اللي كان مضايقني وليش قفلت جوالي. أبغاه يحس باللي أنا أحس فيه وفيه حل ثاني، لما يكلمني الليلة علشان الترتيبات، أقوله كل اللي بخاطري بكل صراحة.

وش رأيك ياعمري؟

على فكرة بخصوص شغله، أنا أتطمن عليه من وقت لوقت، وطبيعة شغلي وحياتي أصعب من شغله مليون مرة وأطول وقت.