هلا اخواني وخواتي الأعزاء


طبعا الحمدلله ان امس عدى على خير...انا الحين جداا مرتاحه ..يعني مثل ما تقولون

هم وانزاح ولله الحمد.......المهم شفت الأم وشفت الأخت... سلمت عليهم وكل

شي...والأم نظراتها ما توقف كل ما التفت اشوفها تشوفني...وترفع يدها وتقول يالله

من فضلك...المهم...دخل الولد او الرجل...شفته الصراحه شكله كبيير في الأربعين


يعني كبر الوالد ماشالله ...ونا 22 ...هو اعتقد 31 ...وكل شوي يقولون عندنا عقارات

وعندنا بيوت في كل اماراه ومزارع ...وبنلبسها احلى الماس ...والله يا اخواني انا


من سمعت هالكلام ونا قلبي ابداا مب مطمئن...لأن بصراحه انا ما حب او ما تهمني

الفلوس وايد...وكل ما استخير احس قلبي مقبوض وودي اصيح...واليوم قمت الصبح

صليت وبعد استخرت ...وقريت قرآن واذكار...قعدت على السرير وتميت اصيح عشان

ارتاح...والحين كل ما اتذكرهم قلبي يدق وتلوع جبدي هل هذا يعتبر نتيجة

الاستخاره ؟؟... علما وحده من خالاتي قالت حق امي لاتوافقون على ناس

ماتعرفونهم ابدا ولا لكم خلفيه عنهم...وخالتي الثانيه تقول لين متى بترفضون؟؟

والله انا في حيره لا يعلمه الا الله ..ودي اصيح ..دايما اقول ياريتني صغيره

__________________

هلا حبوبة استخيري وشوفي اذا ارتحتي توكلي على الله وايد تمر فينا هالمواقف واذكر انا قبل مااملك وبعدها صحت والحمد لله زوجي ماشاء الله تبارك الله وايد خلق الله يخليه ويسخره لي ان شاء الله ....الله ييسر لج اذا كان في الموضوع خير لج ان شاء الله

هلا اختي الزاجله...


الصراحه والله انا استخرت وايد..قبل ما اشوفه وبعد ما شفته...وامي بعد تستخير معاي...وتقول انها مب مرتاحه وايد


ماعرف الصراحه


عموما شاكره لج مرورج

__________________

حبيبتي امير الذوق مادام استخرتي فاعلمي
ان الله سيسيرك على ما فيه خير لك
توكلي عليه وهو حسبك

__________________
اللهم أحفظ اخوننا المسلمين

أنتي أصلن ما ارتحتي

ولما استخرتي ما ارتحتي بعد


وغير كذا 22 سنة تعتبر صغيرة



يعني وش اللي حادك على هالرجال ؟

__________________

لموووووس: مشكوره حبيبتي والله على المشاركه الحلوه ...بارك الله فيج



زوج في المستقبل..هههه احلى شي قلته 22 صغيره...صح والله مب مجبوره اصلا...وبيني وبينك انا من اسمع حد بيي يخطبني امرض والله ماعرف ليش.......عموما شاكره لك مشاركتك الحلوه ومواساتك ^_^

__________________

بالنسبة 22 مش صغيرة ع الزواج

وبالنسبة للاستخارة الله ان شاء الله يقدم الي فيه الخير

دامج صليتي شوفي الي يريحج

الله يرزقج الزوج الصالح ان شاء الله

__________________

إذا هم أحدكم بأمر فليصلِّ ركعتين ثم ليقل : " اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به " ))

صح 22 مو صغيره

ونصيحه

ودآم انك ما ارتحتي خلااص ابعدي عنه

وربي بيعوضك ان شاء الله

لاتسوين مثلي وتندمين طووووووووول عمرك

وتعيشين بوضع نفسي صعب

__________________
((الاكاديميه الاسلاميه المفتوحه)).. طريقك للعلم الشرعي..




تعبنا نرسم {البسمة}ولو فينا الم وهموم...
ونضحك ضحكة {التزييف} ونكتم همنا فينا...
شكينا الهم والحرمان...لكن القدر مقسوم.
نصيح .. نحترق.. نتعب ..ولكن وش بأيادينا...؟!
صبرنا والشقا واضح... ترى بوجهنا مرسوم
وها الدنيا من اللوعات... نستنا {أسامينا}

يا أخية ما معنى الاستخارة هل هي ارتياح القلب أو أنقباضه ؟
لا أظن ذلك معنى صلاة الاستخارة تجيديه في دعاء الاستخارة فما هو ؟
إنه تيسير الامر أو تعسيره أنت أمضي في موضوع الزواج فإن تيسر فذا دليل إنه خير و إن جاءت أمور و تعسر فهو دليل أن التراجع أفضل و الله يوفقك إذا كان الرجل بعد سؤلكم عنه صاحب خلق و دين فلا تترديي و توكلي على الله

السلام عليكم ورحمة الله وبركاته,
أختي "أميرة الذوق" اسالي عن الرجال وخلقه وهل يصلي ؟؟
انا الي فهمته من موضوعك ان اهل الرجال ركزوا بالوضع المادي فقط وانتم اهملتم السؤال عن الرجال...اذا انت مش مرتاحة فلا تغصبي نفسك بالزواج ولكني ارجوا منك ان تسألي عنه وان تستخيري الله واذا كان لك اخوان خليهم يتعرفوا عليه أكثر.
بالتوفيق.

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند