السلام عليكم ورحمه الله وبركاته
هذا اول موضوع اكتبه
وابي مساعدتكم في مشكلتي اللي تعبت وانا افكر وش الحل؟؟
المشكله هي ابوي الله يهديه ويصلحه
ابوي انسان عصبي مايتفاهم واللي في راسه يسويه ومايحب احد يعانده
ولااحد يقدر ينصحه حاولو ناس كثير بس مافيه فايده
ابوي ماينفع معاه الكلام
وماتقدر تاخذ منه لاحق ولاباطل يقول كلام تلقيه في نفس الوقت يغيره ويقول ماقلت
كلنا تعبنا ماعدنا نتحمل وخاصه امي تعبت معاه وايد لانه ظالمنها وايد معاه
يهينها ويضربها قدامنا وقدام الشغاله ويسبها ماعنده احترام ابد
واللي يوقف معاها ضده يكره ومايضيق منه كلمه وهذا حالي لاني كل معاها
فهو مايحبني لدرجه انه عادي يطردني من البيت وهذا شيء قاله لي بلسانه
احنا متعودين على كلامه وصراخه اللي زاد علينا هو من بعد وفاه جدي الله يرحمه
فجاب جدتي عندنا بالبيت لانها مريضه شبه فاقده الذاكره ومنها زادت المشاكل
اقل حركه في البيت لاتزعجوا امي قلنا اوكى مره كبيره ومحتاجه راحه مع انها طول الوقت تهدر ماتسكت على كل حال عندنا خدامه صارت تعتني فيها وامي هم ماكانت تقصر تطبخ لها وتاكلها فاجاه قال ابوي لاتعطينها اكل انتي ماتعرفين تطبخي امي تضايقت بعد كل ها العمر يقول ماتعرفين تطبخي وقال لشغاله هي تطبخ سكتنا عن الموضوع قال انتي ماتحبي امي وماتجلسي معاها يعني صار كل شيء يدقق عليه راح زود معاش الشغاله الف وشوي يقول عان تعتني با امه وطبعا امي ممحيه من القائمه مالها مصروف نهائي وابوي مقتدر لكن مدري ليش يبخل علينا كل يقول ماعندني فلوس وهو الحمدلله وصلنا لشيء انا مااتحمله خلاص وهو تمادي الشغاله
صارت تدخل وتاخذ اللي تبي من غير استاذن ولاحاسبه احساب لاحد لان عارفه لو احد كلمها ابوي بيسفل به عاد انا ما احب ها الحركه وجات واخذت مني غرض خاص
مقدر اذكره رحت وقلت لها ليش اخذتيه هذا حقي تقولي مدري قلتها مره ثانيه اذا تبي شيء استاذني اول وميت عنها فجاه رن التلفون وترفعه امي والا صريخ والسب
كل ليش رحت وكلمتها جاء ابوي وهزاني وقالي اذا موعاجبك لاتجلس في البيت
قولولي هذا اب يقول لبنته كذا هذا شيء بسيط من اللي يسويه ولو بجلس لبكره مابخلص ساعدوني عطوني حل
تراني متحلفه بها الشغاله لاني وصلت حدي منها
اسفه على الاطاله
بس يريت تجاوبوني بسرعه

بالمعامله الطيبه كل شيء يتغير
ماأعتقد فيه اب يكون بهذه القسوة على زوجته واولاده لو كان يشعر بالاحترام والتقدير والحب

هذا موب ابو هذا عدو ..اسفه حبيبتي على هالكلام بس والله شئ يقهر ..بسالك كذا معاملته من اول والا فجاة انقلب عليكم ؟

يمكن يكون اللي فيه سحر من هالشغاله اللي عندكم وانا والله ماودي اظلمها بس اقول يمكن ... والله يكون بعونكم ... ولي عوده

__________________

وعليكم السلام ورحمة الله وبركاته

أختي الكريمة بداية ياختي بارك الله فيك من البر بالوالد عدم الكلام عليه بهذه الطريقة وان شاء الله كل موضوع وله حل وعندي بعض الاستفسارات وهي :

1 ـ هل هذا طبع والدك من يوم خرجتي على الحياة او طرات عليه حديثا ؟
2 ـ هل والدك مدخن ؟
3 ـ هل ابوك موظف او عمله حر ؟
4 ـ كم عمرك وما هو مؤهلك ؟

وفقك الله

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

"وبالوالدين احسانا" ................ احسانا يا أختى الفاضله يعنى أحسنى الى والدك أطيعيه حتى تكسبيه .

أختى الفاضله ...... ألا تريدين حب الله ورضاه عليك أحبي والديكِ وبرهما يحبك الله ويرضي عليك ويرضي والديكِ عنك.

هل سألت نفسك مره لماذا والدى يسمع كلام الخادمه ولا يحب زعلها ؟؟؟؟؟؟؟؟ لانها تحترمه وتطيعه وهل أنتى كذلك .

أختى الفاضله : اتقي الله في نفسك .... لعل ردى يثيرك وتقولى مابين نفسك هي لا تعلم كيف هو والدى وكيف معاملته لكننى أقول لكِ أنى أحسست بمعاناتك وبشعورك بالاضطهاد واليك الحل :

أولا : التوبه الى الله وطلب المغفرة لعقوقك لوالدك وتقصيرك معه " هذا حالنا مع أب مشرك فما بالك مع أب مسلم " .

ثانيا : اذهبي الى والدك وقبلي رأسه وقولى له ياوالدى أرض عنى وسامحينى بتقصيري معك ومع والدتك وسأكون من هذه اللحظه البنت الباره لك والتى ستعتمد عليها " حتى تكسبي رضاه أولا ويلين قلبه لك ثانيا " .


ثالثا: أن يكون عملك هذا وقلبك صافي من الشوائب وامراض القلوب اتجاه والدك.

رابعا: أن تتحدثي معه بكل أدب وعقلانيه لانى لمست من مقالتك انك عصبيه ولا تتحملى تصرفاته معك اكسبيه بعقلانيه وستجعلين بيدك السعاده بالبيت " ولا تقل لهما أف ولا تنهرهما وقل لهما قولا كريما "
وعن عروة أو غيره ان ابا هريرة أبصر رجلين فقال لأحدهما : ماهذا منك ؟ فقال أبي فقال " لا تسمه باسمه , ولا تمش أمامه ولا تجلس قبله " ( خد /44) صحيح.

خامسا: وما تعملينه لجدتك الا هو من باب البر " فكما تدين تدان" الا تريدين الجنه باحتضان ورعاية تلك المسنه ستكونين يوما ما بمكانها وستعاملين كما عاملتها فرقي قلبك لها وارعيها برا بوالدك وبرا لها لمن انجبت والدك ورعته بارك الله فيك."

سادسا: لا تعاملى الخادمه الا بما يرضي الله فانتى محاسبة على المعامله مع الخادمه بقسوة فلا تستعبدينها مع انى أعلم انك مافعلتى ذلك الا من رؤية والدك يفضلها عليك.


سابعا فاستعينى بالله وتوكلى على الحى الذى لا يموت المطلع على الامور وخفايا الصدور فلا تعتقدى أن والدك يكرهك انما يكره تصرفاتك معه لا شخصك فغيري من تلك التصرفات اولا باحترامه ثم باطاعته وسوف ستجدين التغيير حتما .

ثامنا : أطلب من والدتك الصبر " وبشر الصابرين الذين اذا أصابتهم مصيبة قالوا انا لله وانا اليه لراجعون" الا تريد دخول الجنه من باب الصابرين فلتصبر ولتحتسب وتخلص بالدعاء لله لعله يجد له مخرجا .
تاسعا : ومن يتقى الله يجعل له مخرجا ويرزقه من حيث لا يحتسب ومن يتوكل على الله فهو حسبه " فاتقي الله حتى يجد لك مخرجا وفرجا من كل هم وتوكلى عليه واستعينى به بالدعاء لك ولوالديكِ ولجدتك واكثري من صلاة القيام ففيها تفريج للهموم وتنفيس للكروب واجتهدى بالطاعات والدعاء وبدأيها بالتوبه الخالصه لله وطلب المغفره .

وأخيرا : أختى الفاضله ماكتبت هذا الا خوفا عليك من غضب الله فاسال الله لى ولك ولسائر المسلمين والمسلمات بالهداية والثبات.


وفقك الله لما يحبه ويرضاه وبارك الله فيكِ وفرج همك وجعلك من البارت لوالديكِ وأدخلك الجنه.

أختك في الله : اميرة الخليج .

__________________

الله يعينكم اختي
بس مثل ما قالت الاخت ميااا يمكن والله أعلم هالشغاله مسويه شي
والله كسرت خاطري امك ربي يعينها ويعينكم
حاولي تتقربي من الوالد الله يصلحه حاولي تتفهمي وش يضايقه واللي يريحه
وكثرو من الدعاء له بالهدايه والصلاح
أختك فاااتن

__________________

ياررررب تحفظ لي أولادي من كل سوء
أدعو الله مايحرمني من أولادي ولا يفرقنا ابد

عـبودي معاك حق لانك ماتعرف ابوي
بس احب اكد لك انه فيه اب كذا
ومشكور على الرد
-----------------------------------------------
مياااااااااا سحر مره وحده اعوذبالله الله لايقولها
بس يمكن يكون صدق لان مره سمعنا يفكر يمدد اقامتها 10 سنوات
الله يستر مشكوره انتظر عودتك
--------------------------------------------
هلا اخوي صاحب رأي سديد انا موقصدي اتكلم عليه بها الطريقه
بس انت موحاس باللي يصير
1 ـ هل هذا طبع والدك من يوم خرجتي على الحياة او طرات عليه حديثا ؟
لالالاكان في البدايه مشاكل بين امي وابوي خفيفه
بس العصبيه والاعناد هذ طبعه
2 ـ هل والدك مدخن ؟
لا الحمد الله
3 ـ هل ابوك موظف او عمله حر
ابوي سينير بشركه كبيره ومعروفه يعني معاشه فوق والحمدلله
4 ـ كم عمرك وما هو مؤهلك ؟
اذا كنت تقصد عمري وش دخه في الموضوع
-------------------------------------------
اميره الخليج من فينا مايحب رضا امه وابوه
بعدين الخدامه من قال انها تطيعه وتحترمه ببلاش
الناس ها الايام عطيهم الفلوس ويصيرولك اللي تبيه
صارت الدنيا مصالحه يعني لو مو شايفه خير من وراه كان ماسوت شيء انا فعلا عصبيه لكن وايد اتمالك اعصابي وخايفه انفجر وانا ماكتبت الا عشان تخففون علي شوي
الله يسامحني اذا غلطت في حق احد
والله اني ما احب المشاكل خلاص اكتفيت
بس كل شيء خارج عن اراتي لين متى ابظل ساكته
في الزمن هذاالضعيف ما اكول حقه وانا مااحب اكون ضعيفه
مشكوره وجزاك الف خير
----------------------------------------------
فاااتن اتقرب من ابوي كيف وهو مو عاطي احد فرصه
من احد قرب وبدا يتكلم صرخ عليه وقاله انقلع برى
ع العموم مشكوره
مشكورين جميعا لرد وتخفيف عني بالنهايه هذا اللي الله كاتبه

اختي الغالية رعااك الله


صدقيني انا اهنيك من كل قلبي على هذا الاب الغالي والعزيز .. واللي واضح من مشكلته انه طيب وحبوب

وانا والله اتكللم بكل جد

انا قريت مشكلتك اكثر من مررة .. وصدقيني لو دققتي بتشووفي انو الحل سهل سهل سهل سهل مررره

اختى انتى ليه ما سألتي نفسك هالسؤال

ابوك ليه زادت مشاكلة بعد ما جات امة ؟؟؟

ابوك ليه زاد معاش الخادمة؟؟؟؟

ابوك ليه صار ما يحب امك ؟؟؟؟


السر ياعزيزتي هو في جدتك ...

والدك يا اختي يريد رضى امه ... وهو يريد ان يكسب رضاها قبل موتهاااا

ولكن للأسف لا يعرف كيف يكسب رضاها .. ففكر ان طريقة كسب رضاهاااا هو بأن يحملها على كفوف الراحه على حسابكم وهو الخطاء الذي وقع به ابوك

ابوك يريد احد يهتم بأمه ... ووهو شاف انكم مطنشين .. والخادمه هي اللي تخدم وتشوف اموره ... طبعاً الخادمه ماتقدر تزعل العجوز .. فهو ظن انه هذا بر من الخادمه او احسان .. فارد ان يكافئها ... بزيادة راتبهااا


جربي انتى

اذا شفتي ابوك بيدخل البيت ... روحي اجلسي مع جدتك .. وكأنك جالسه تضحكين معهاااا

حاولي تاخذين غداك وتروحي تتغدي معهاااا

خلي ابوك يحس اك مهتمه فيهاااا

صدقيني انتى بنفسك راح تشووفي شلون ابووك يحبك ويزيد مصروفك وطلباتك ملبااه

قولي لجدتك قدام ابو ك يوم .. ياجده اليوم عشاك انا بسوويه ... ايش تطلبين

صحيح بتطلب اكله قديمه ووو

اذا ماعرفتي تسوينهااا .. حاولي تستعين بأمك ... بس لا تخلينهااا تحس ان امك هي اللي سوتها .. وشووفي ردة فعلهاا

قولي لها ياجده ابيك تدعي لي ... خليها تتعود على الدعاء لك ولو قدام ابووك

وشووفي شلون بتكون ردة فعل ابوك

اذا جلستو جلسه عائلية ... روح جنب جدتك وخليها تهذري عليك وانتى اسمعي لهاااا وابتسمي في وجههااا

خليها تقول عليك قصه وقصتين وثلاث ...انا اعرف انك راح تصدعين

لكن هي ان حست انك انتى جالسه تستمعي لها ... صدقيني بتحبك

خلي ابوك يحس انك اقرب وحده لامه

وصدقيني بتشووفي ردة فعل عجيبة

لان ابوك بهذي المرحلة مستعد يدفع عمره كله مقاابل ان امه ترضى عنه ... او انه ما احد يزعج امه

وجربي

واعطينا النتيجه

وعسا ربي يووفقك

ملاحظه (( كل الحركات اللي تسوينها مع جدتك خلي النية لله .. عشان تكتب لك بر يوم القيامه ))

حبيبتي ان شاءالله مايكون سحر بس جربي اللي قالك عليه (الاخو) وشوفي النتيجه ..

__________________

الاخو مشكور اخوي يمكن معاك حق
لان ابوي دايم قول هذي امي جنتي وناري
فعلا اغلى شيء عند ابوي امه لكن راح احاول اسوي اللي قلت به
مع اني حاسه مايهم اللي نسويه لان امي كانت كذا معاها تاكلها وتجلس معاها
وتسولف وعلى نياتها بس من صارت المشاكل ابتعدت عنها امي
امي طيبه وايد عكس ابوي وكلشي يبيه تسويه بدون ماتتشكا
والله تعبت انا وابوي نتجنب عن بعض ها الفتره
وصرت انام انهار واجلس الليل عشان اذاكر وراي اختبارات وحاسه اني بزفت
والمصيبه انها اخر سنه يعني اذا جبت نسبه زفت رحت فيها
وطبعا ممنوع الدراسه خارج المنطقه
الله يكون بالعون
اوعدك اني بحاول ارضي ابوي وبحاول مع جدتي
ادعولي بالنجاح ...