بسم الله الرحمن الرحيم

حبيت اني افتح هالموضوع عشان اعبر عن شعوري وفرحتي واللبي فخاطري ومنكم نستفيد ..

بصراحه انا جداا سعيده بمشاركتي فهذا المنتدى واستفدت كثير من الاشياا اللي بتفيدني فحياتي الزوجيه وبارك الله فيكم ويزاكم الله خير ..

انا فتاه اماراتيه من دوله الامارات وزواجي بقى عليه 6 ايام والله يتمم زواجي ع خير ان شاء الله ولكن .. يوم اشوف اي انسان يسالني شو شعورج اقول لهم عادي مب خايفه واذا قلت لهم اني مب خايفه يستغربون من هالشي .. ايلس اقول فخاطري ليش الناس تستغرب مني هالشي .. (وسبب عدم خوفي هو اني ما افكر بسوالف الجنس والخ ابداا ) ..

سؤالي هو :
ليش الناس تستغرب من رده فعلي !.؟ هل في شي هم يعرفونه وانا ما اعرفه مع اني ما شاء الله فااهمه لكل شي ... ام ماذاا وماذا ..؟!

اتريا ردودكم .. والله يوفقناا ان شاء الله

انتى مو خايفة لسببين اما انك حيل متوكلة ع الله سبحانه وان شاء الله جذي يكون
او


لانك مو عارفة ولا متوقعة بالضبط شنو رح يصير وهمن هذا زين

ليش تحاتين شيء مو بيدك تتحكمين فيه

__________________

ولله الحمد احب اني فكل خطوه اخطيها التوكل ع الله ..

اظن ان السبب الاول هو الاقرب لحل سؤالي ..

شكرا لكِ عزيزتي ع هذا الرد

بسم الله عليك الرحمن الرحيم

والله يتمم لك على خير ياعروستنا

ويألف بين قلوبكم

عزيزتي

هذا شيء طبيعي جدا

انت انسانه واقعيه والله اعطاك قدره معينه على تقدير مستوى قدرتك للتحمل

يعني انت قادره بإذن الله وعلى استعداد تام على تحمل مسؤلية الزواج وهذا يختلف من فتاة لفتاة


مثل اخذ الحقه

هناك فتيات تأخذ الحقنه بشكل عادي ولايأثر عليها ولاتخاف ولا شي

وهناك فتيات تبكي وتصرخ وووووو لمجرد حقنه



فهذا شيء طبيعي

ولكن المهم




انك لاتقولي هذا الكلام للناس

الناس ماترحم ابدا

قولي الحمدالله اكيد في توتر وخوف والله يسهل


على فكره ترى كلمة عادي ماني خايفه

بالنسبه لي موحلوه مدري ليه


لكن خذيها مني نصيحه


اي احد يسألك

قولي الحمدالله

الله يسهل

الله يعين

الله يوفق




واخيرا الله يوفقك ويريح بالك ويطمن قلبك

ويكفيكم شر الحاسدين وشر شياطين الجن والانس

حصنتكم بلا اله الا الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

انا نفسج بالضبط
صديقاتي يقولون لي مب خايفه؟ الله يعينج و الخ الخ (يبون يخرعوني و القهر انهم مب متزوجات و لا جربوا عشان يقولون هالكلام) المهم كنت ارد عليهم اي لازم بخاف

و امي قبل عرسي حاولت انها تفهمني و تفاتحني بالموضوع و انا كنت اتهرب ما ابي اعرف اكثر من اللي اعرفه عشان ما اخاف
و كانت مستغربه و قالت بنات هالزمن كل شي يعرفونه (اتحسفت اني رفضت اني اسمع لها لانها مفكره شي ثاني)

نصيحتي لج لا تخافين ترى و الله كل شي بيكون اوكي ان شا الله و مب لازم من اول ليله انا قعدت شهر تقريبا كل يوم محاولات عاااااادي جدا

و المهم لا تدورين عن سوالف الجنس و الخ الخ عشان ما اتخرعين و اتصورين السالفه كبيره


و مبروك يا عروسه

__________________

اي ترى الناس لو سمعوا منج هالكلمه بيفكرون انج ما تستحين و لج سوالف و يفسرون كلامج على كيفهم
من جي احسن لج قولي لهم اكييييد خايفه بس الله يسهل

__________________

روح الغالي :

شكرا لج عزيزتي ع هذا الكلام الطيب منج والله يبعد الحساد عني والحمدلله ..

والله يوفقج حبيبتي ..

الف الف مبروك يا عروسه الله يتمم لك بخير ويرزقك الذريه الصالحه

الله يزيدك اطمئنان يا حبيبتي طالما بتحبي زوجك وهو حنون عليكي ليش تخافي
بالعكس انا بحلم بيوم ما يجمعني الله مع زوجي احمد في بيت واحد ليش اخاف

__________________

k2k2

وانا بعد يوم امي اتحاول تفاتحني بهالمواضيع اتهرب لاني استحي اسمع هالمواضيع وقالتلي نفس كلامج بنات هالزمن كل شي يعرفون ..

احب اقرا وما احب اسمع لاني اذا اقرا اجلس روحي محد معاي بس اذا سمعت احس بخجل ..

وان شاء الله باخذ بنصيحتكم .. وشكرا لج حبيبتي ع هذا الرد الجميل والله يوفقج

زوجه احمد ..

الله يبارك فيج وفحياتك ..
وان شاء الله الله يجمعج مع زوجج بكل خير ان شاء الله ..

وشكرا عـ هذا الرد ..