السلام عليكم ياحلوين
اليوم جبت لكم طريقه حلوه وسهله للي تبي شعرها يبان انه مجعد من دون اضرار من دون استخدام الجل اللي يطيح الشعر ويخربه ولا الرغوه
اول شي اول ماتطلعين من الشور خذي اي كريم شعر بس كثري وحطي على كل شعرك
وانتي تحطين جمعي شعرك بيدك كرمشيه يعني
بعدين خذي الأستشوار ونزلي شعرك على تحت وانتي موجهه الأستشوار على شعرك برضوا كرمشي شعرك بيدك طول الوقت لحد ماينشف شوي وخلك بس تكرمشينه وتجمعينه وبعدين خذي شباصات وقسمي شعرك وجمعيه بطريقه عشوائيه كنك مسويه كعكه صغيره وارفعيه كله بشباصات بس وانتي مجمعته ولا ملفلفته بطريقه عشوائيه
وخلصي الميك اب ولبسك ومرري الأستشوار عليه وهو ملفلف وبعد ماتخلصين فكيه
ولو بغيتي عيدي عليه بالأستشوار عشان ينتفش ولو بان ناشف وماله لمعه حطي كريم زياده
من دون جل ولا وجع راس
هذي طريقه انا بنفسي مجربتها وتنفع معاي ومع كل قريباتي مره
واللي تنفع معاها لاتنساني من دعاها اتمنى اني قدمت لكم شي مفيد
تحياتي