السلام عليكم ورحة الله وبركاته
كيفكم اهل المنتدى؟؟
زمااااااااان عليكم .. وحابة استشيركم في موضوع اذا تسمحو ..!!!



انا مخطوبة من سنتين من رجال ذو اخلاق عالية لكن>> مو نفس جنسيتي ..
وحصل واتأخرت الموافقة للزواج لعدم تطابق شرط عمري
ولاتمام الشرط قدامي 3 سنين

انا شارية الرجال وهو شاريني .. والعيلتين متفاهمة لابعد حد .. وتقريبا نفس العادات ونفس البيئة ونفس المستوى الاقتصادي .. يعني الرجال مناسبني ومتمسكه بيه ..

المشكلة :
قبل 3 ايام كلمني عشان يفهمني وضع الاوراق .. ويطلب مني ان اقتنع واقنع اهلي اننا نتزوج بعد سنتين بالكتير وما نستنا 3 سنين ..

انا رفضت مجرد التفكير في الموضوع .. وحسيت ان مجرد هذا الطلب انو يفكر في فسخ الخطبة..
قلتلو ان في يدي اني استنى 3 سنين او انهي الموضوع
واصريت ان يفكر بعقله هل يقدر يستناني ويصبر لاني ما حأقبل في رأيو .. في ديك الساعة كلمته بعقلي ونسيت عاطفتي لكن.. لكن دحين خايفة خايفة من الانفصال ..اكيد حاسين فيا سنتين مو قليل

لكن هوا بدورو للان ما رد وانا مو قادرة اركز في دراستي .. خايفة اخسرو ..

واذا عندكم رأي تاني لموضوعي ساعدونا .. او ساعدوني بالاصح !!!