مراااحب اخواتي العزيزات ترددت كثير ا ً في طرح المشكله خوفا من ان لاجد حلول تساعدني في مشكلتي
اتمنى من كل واحده فيكن بعد ماتقراء مشكلتي مابي يتعاطف معي ابي حل يسد المشكله اللي انا فيها
انا يااخوات متزوجة من رجل يكبرني 25 سنة نحب بعض ومتفاهمين وعندي بنت منه طبعا ً من تزوجنا
مالنا الا سنتين وعشر اشهر وطبعا ً ماتزوجته الا عن اقتناع وانا ماتزوجته الا يوم عرفت انه محتاج زوجة
يعيش معها بحب ودلع ورومانسية وتفاهم واستقرار اللي مالقاه عند زوجاته يعني انا الزوجة الثالثة له وهن
كلهن على ذمته في خلال السنة قضيت معه اجمل ايامي نساني كل معاناتي هو مايعيبه شيء كريم
حنون طيب يحب الخير ومصلي وقايم بحقوقه على اكمل وجه وهذه شهادة حق وامانه في رقبيتي
عليه .....
كل مافي الموضوع بعد مرور سنة من زواجنا زوجي اللي اعرفه تغير ماهو الانسان اللي اعرفه برزانته بثقله
في يوم من الايام اكتشفت انه يكلم واحده واجهته اعترف لي انها نزوة واعتذر لي ووعدني انها ماراح تتكرر
ابد وسامحته وصدقت وعوده لي وتمر الايام واكتشف علاقة وعلاقتين وثلاث انصدمت اكثر وفقدت الثقة فيه
وببنفسي حاولت ادور يمكن اكون انا مقصره في حقة لفيت يمين يسار فوق تحت مالقيت شيء الله يشهد
اني ماقصرت معه لا بكلمة حلوه ولا برومانسية ولا بفراش لا باكل والله ان حتى عياله وحريمه اوصيه هو
عليهم عمري مافرقت بينه وبينهم والله يشهد علي اني انسانه مسالمة عمري ماغثيته بشيء حتى من
كثر ماشوف انه يحب يطالع كل واحدة والله اني وعدته اذا في نيته زواج اني لاخطب له اجمل الجميلات بس
يعف نفسه ومادري انا في لحظتها قلتها من قلبي ولا بس على طرف لساني ولا ندمت بوعدي له ومرت
الايام وانا اعرف انه ماهو لي لحالي اعرف انه في غيري كثير وفجأه حسيت انه بيجي ويقولي يازوجتي
العزيزة انا ابي اتزوج وفعلا ً قالها لي ولا اقدر اصف شعوري لحظتها كل الاحاسيس تجردت مني بس قلت له
الله يوفقك ويسعدك انا ماني انسانه انانية انا احبه موووت واحب اشوفه سعيد بحياته كيف ماكانت وانا
عندي ايمان بحديث الرسول ( صلى الله عليه و سلم ) " لايؤمن احدكم حتى يحب لأخيه مايحب لنفسه " ويبيني اروح معه
اشوفها وانا محتاره اقوله ايه روح تزوج ومستعدة اجي معك ولا اوقف بوجهه لاني ماقصرت معه ضحيت
باشياء كثيرة علشانه واللي حاز اللي بخاطري اكثر انه قدر يكسر قلب حبه بكل صدق واخلاص
وماللي الا معهه سنتين وشوي يعني ماخذيت حقي معه من حب وولع ودلع وانبساط ماشوفه الا كل يومين
مادري تعبت من التفكير تكفون ساعدوني نوروني يوم الخميس يبيني اروح معه وانا ماني عارفه ماقدر اعطي
انشان ماقدر يبادلني الاخلاص انا عارفه بتقولون لي مانت جيتي على راس حريمه صحيح بس انا جيت وفي
سبب قاطع يخليني اقبل فيه لكن وش السبب اللي يخليه يكسر قلبي ومشكلتي اناي حبيته حب ماهو
طبيعي يمكن لوكانت علاقتي فيه كازوج فقط يمكن ارحم لكن لو يوصل العشق مابين الزوجين صعب وانا
احتري ردود تنورني الله ينور عليكن دنيا وآخره ..........
21-10-2007, 09:02 AM
منتدي عالم الأسرة و المجتمع
ضوابط المشاركة
العرض العادي
