السلام عليكم ورحمة الله وبركاته

عندي مشكله هالايام مع زوجي،،اولا محد بالع الثاني كلللش
وثانيا كنت نايمه في عز نومي وكان باقي عن اذان الفجر ساعه وقعدني من نومي عشان ........وانه قلت له ما اقدر لاني صج كنت تعبانه من الظهر لي جريب المغرب وانه في المطبخ ومن عقب الفطور لي قبل لا انام شوي وانه اشتغل في الحجره وغسيل الملابس ........الخ حطيت راسي وماقدر حتى افتح عيوني من التعب وهو ياني وانه قلت له تعبانه ما اقدر افتح عيوني باقوم حق الصلاة وبس ،،،،،،المهم زعل مني وعطاني ظهره وانه نمت ،،،وبس منها هو ما يكلمني كللش الا في اشياء قليله اذا عنده استفسار عن اغراضه في وين بس ،،،شاسوي وانه نادمه على اللي سويته بس كنت جد جد تعبانه وهو ما قدر الظرف وان الوقت غير مناسب ،،شلون ارجع المياه الى مجاريها ،،،،،،وجزاكم الله خير مقدما

__________________

عن زيد بن أرقم رضي الله عنه قال قال رسول الله صلى الله عليه وسلم المرأة لا تؤدي حق الله عليها حتى تؤدي حق زوجها كله ولو سألها وهي على ظهر قتب لم تمنعه نفسها . صحيح الترغيب والترهيب

والحل بسيط
تروحين وتعتذرين وتبوسين راسه
وتقولين له أنك كنت تعباه جداً وما كنت حاسه بنفسك
وخلاص

حاولي اختي العزيزه انك تراضينه

وانك ندمانه على اللي سويتيه وانك فعلا كنتي تعبانه والا كان طاوعتيه

واهو ان شاء الله بيقدر الشي هذا الرجل بما انه يسالك في اشياء في اغراضه او شي اكيد بس شايل بقلبه شوي بس بس حاولي تكلمينه وتفهمينه بظروفك والله يصلح بينكم يار ب

__________________
أستغفر الله اللذي لا اله الاهو الحي القيوم واتوب اليه

السلام عليكم

إذا كلامك صحيح تعبانة. ناقشية بهدوء وستغلي وقت هو مروق فية
وبيني له إنك تعبانة ؛وقبل لا تجينه تزيني له أكيد أعرفة (شغل حريم)

وإن شاء الله تنحل المشكلة.

__________________

مايبيلها شي ياغالية وانا اختك..

جهزي الفطور اليوم مبجر.. يعني اتركي لك اقلا ساعة قبل الافطار فاضية فيها ترتاحي وتجهزي نفسك

وتزيني لزوجك والبس لبس مغري من الملابس عندك..واذا جا وقت الافطار سخني الطعام وجهزي الفطور

وصلي

وجلسي مع زوجك على السفرة.. وهو راح يفهم الرسالة وراح يفهم انك ودك ترضيه وانك مقبلة على الشي

اللي يبيه ومن نفسك بدون طلبه..

وانتي اقبلي وعليك الباقي..حسسيه بشوقك اليه.. حتى لايحس انه واجب تعمليه بل يحس بلهفتك

وان صدك المرة الاولى حاولي وحاولي حتى يجد انه كان مخطأ عندما رددتيه وان لك عذرك

هذا مكر النساء وان كيدهن لعظيم

ربي يسعدك ياعمري..

أختك

حيوزه

__________________

سلام اختي الغالية

نصيحتي ان تجدي وقتا مناسبا للتحدث معة ولكن بعد ان تشبعي رغبتة... ومن وجهة نظري انة يجب ان تناقشية في هذا الموضوع بجدية

يجب ان تفهمية ان الجنس لذة لكلا الطرفين وانة ليس واجبا

وكما يأتي ايام تعب لايستطيع مجامعتك ...كذالك انتي...

فالجنس لذة لكلا الطرفين ومتعة متقاسمة وهناك ظروف تحد احيانا من التمتع بهذة النعمة فيجب ان يكون متفهما كما انتي متفهمة لة ولظروفة

ودمتي

والله ودي اسوي اللي قلتي بس للاسف انه ساكنه مع اهل زوجي وكلنا نتفطر مع بعض وحتى لو قررنا نتفطر بروحنا عيالنا بيلحقونه

__________________

عوضيه الليله قبل الفجر أو اتصلي عليه وقولي له تعال بدري ابغاك اليوم بس كوني متأكده انه مايقدر يرجع واتركي له فرصه يردها لكي حتى لو مالك رغبه ولما يرجع قولي له رديتها لي وكلمتين حلوه كذا أو استهبلي عليه بعد اذان الفجر رغبيه فيك برغبتك فيه بس انتبهوا من الهبال الزايد عشان تشوفين شي يسرك بعد الفطور مباشرة.

الله يستر عليك وتصير في احب الحبايب.

هذي واردة في كل بيت ااعتقد لو كلمتية بتكبر السالفة اكثر

الموضوع انتي ابخص فية قميص نوم وغرفة باردة مبخرة ومعطرة وتكوني مسوية نفسك نايمة والغطا طايح نصة قبل ما يدخل والنتيجة اكيد ترجع الامور لمجاريها. ربي يوفقك.

__________________
الحمد لله

ليست بمشكلة كبيرة .. وعلاجها بسيط

رتبي له لقاء آخر دون أن تخبريه .. واجعليه مفاجأة

وهيئي الأجواء والمكان .. وهيئي نفسك بالعطور واللباس ..

الأنثى قد آتاها الله من أسباب الدلع والدلال ما تستطيع أن تخمد به ثورة البركان !

وفقك الله

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!