السلام عليكم ورحمة الله...........وكل عام وانتم بخير
ماودي اطول عليكم بقول مشكلتي واسألكم بالله تساعدوني ولو بالدعاء...........؛ـ
تزوجت احد اقاربي ظروفه على قده......................بس اهله ميسورين الحال ماعليهم الله يبارك لهم
وانا وزوجي ساكنين بعيد عنهم بس البيت ملك ابوه الله يطول في عمره
المشكله ان البيت له اكثر من 12 سنة ماتغير فيه شي الموكيت قديم ووسخ وملوث وصار البيت يحزن طبعا ماقدر اغير شي راتب زوجي اقل من الفين ريال ولو غيرت في الموجود بنقل الاثاث يكون لأم زوجي رأي
اخر....
صرت اقنع نفسي بالموجود واجاهدها خصوصا اني توي متزوجة ونفسي بشي جديد
وزيادة ان اهل زوجي بيتهم اللي ساكنين فيه يجنن والاثاث جديد ويغيرون دائما ومن اغلى شي ماشاء الله تبارك الله وانا يزعلو مني لو طلبت يساعدونا في موكيت جديد ولو من ارخص نوع ويزعلو لو فكرت اتخلص من الموكيت الوسخ
و لما يزورونا يقعدوا بالشهور وصرت ماأحس بخصوصية لان الحمام مشترك وانتم عارفين الاحرج من هذي الناحية
وكمان مايحبو يجلسوا وينامو الا عند التلفزيون يعني مالي حق في اي شي
وأم زوجي رافضة ان التلفزيون يتغير مكانة
وشغل البيت مو على كيفي لما اكون تعبانة لازم اشتغل ولا اخواته يزعلون
والله اني اشتغل من قلبي واصلا البيت ماتنظفت الا على يدي
ويشهد لي ابو زوجي بس اللي حصل قريب و خلى صبري ينفذ
ام زوجي صارت تتكلم عليا في المجالس وقدام صحباتي واقاربي وقدامي اني وسخة ومعرف انظف
انا ماني صغيرة عشان تقول كذا عمري صك الثلاثين
صرت احس بالاحراج وكرهت نفسي وما حبيت ارد عليها وصرت ما احب اواجه الحريم مالي وجه....
انا عارفة نفسي اني نظيفة والله لم تكن صادقة سامحها الله
وانا رحت زيارة لاهلي الان ومالي نفس ارجع البيت خصوصا لما اتذكر البيت اللي حاولت انظفه واغير فيه وفي النهاية طلعت وحدة وسخة
لاتقولوا اكلم اهلي لان موقفهم سلبي
وزوجي دائما سلبي
بس النفسية تعبانه ومالي نفس ارجع هناك ارجوا منكم قول مايهون على هاذي النفسية تعبها

وجه الامل خلي املك بالله كبير ودايما فكري في حياة الرسول صلى الله عليه وسلم فكان اكثر المسلمين فقرا والجئ للدعاء لله في جوف الليل بان يفرج كربك ولاتدعي على اهل زوجك .

اللهم فرج كروبنا
الله معاكي

__________________

لا اله الا انت سبحانك اني كنت من الظالمين

حبيبتي الله يفرج همك
ويسر لك

يعني أنت متزوجة؟ توقعتك مو متزوجة من موضوعك (في أحد زينا في العالم؟؟)
إذا على كلامك موظفة غيري في بيتك اتوقع مايقدرون يتكلمون إذا الأثاث من مالك يمكن هم خايفين تحملين ولدهم فوق طاقته..
كان الله يعونك...

اختي عندنا واخذت اسمي وطرحت مشكلتها هيه كمان

اختي احمدي الله انك متزوجة غيرك كتير لم يجدن الزوج و عليك بالإستغفار فإنه سبب في تفريج الهموم و سبب في زيادة الرزق بإذن الله ..


( فقلت استغفرو ربكم انه كان غفارا * يرسل السماء عليكم مدرار * ويمددكم بــأموال و بنين ويجعل لكم

جنات ويجعل لكم أنهارا )

نقل للتوجيهات مكانه الانسب


تحياتي

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الله يفرج همك ويرد كيد أم زوجك في نحرها

__________________
سبحانك اللهم وبحمدك

يا هلا ..

الله يعينك اختي .. صعبه انك تتخذين موقف من اهل زوجك خاصه ان زوجك واقف في صفهم ..

مالك الا تصبري و تخططي انك تقنعين زوجك بكل هودء على طلباتك .. طبعا اوعي انك تجيبي سيرة امه انها تتكلم عليك في الوقت الحالي .. وحاولي انك ما تنقطعين عن علاقتك الاجتماعيه مع الناس .. واذا قدرت تستفردي بام زوجك و تبيني لها انك عارفه كل الكلام اللي تقوله عنك بس لا تخبري زوجك حتى ما يتضايق ..
وربي يسعدك..

أميرات