صالونة اللحم وصلت بالصور من ايد الطباخة ام المهدي (صور)

01-08-2007, 06:01 AM

ام المهدي

موقوف

تاريخ التسجيل: Jul 2005

المشاركات: 601

صالونة اللحم وصلت بالصور من ايد الطباخة ام المهدي (صور)

السلام عليكم و رحمة الله و بركاته
من زمان ودي اشارك معاكم في منتدى الطبخ و اليوم جبت لكم طبختي المفضله الصالونه
بالصراحه هذي اول طبخه طبختها في حياتي و زوجي يموت فيها

المقادير :
لحم مسلوق (بقر او غنم او اي نوع تبون لكن احسن شيء البقر)
بصل مقطع مربعات
طماطم مقطع مربعات
بطاطس مكعبات
كوسا مكعبات
قرع ( إختياري)
باميه (إختياري)
جزر مكعبات
زُهره
فلفل حار
باذنجان مكعبات
بهارات مشكله
فلفل اسود
ملح

الطريقة:

اول شيء قطعي الخضروات و غسليهم و حطيهم في ماي على جنب

حطي الزيت في القدر و حمصي البصل لين يصير لونه ذهبي

بعدين حطي الطماطم لين يذبل شوي

تحطين الصلصل (الكميه اللي تحبينها) مع ماي دافي شوي علشان يذوب و تحطينه في القدر

تحطين الحين البهارات مع الملح و الفلفل الأسود

تحطين اللحم المسلوق سابقاً مع الفلفل الحار و تخلينه يتقلى شوي

الحين تحطين الخضروات في القدر مع شوية ماي و تخلطينهم عدل مع الصلصل علشان ياخذون طعم البهارات و اللحم و لون الصلصل بعد و تخلينهم تقريباً ربع ساعة على نار متوسطه

بعدين تضيفين الماي لين يغطي كل الخضروات و تغطين القدر و ترفعين النار عليه لمدة نص ساعه
لمن يبتدي يغلي حطيه على الحرارة المتوسطه لين ما تنسلق كل الخضروات تقريباً ياخذ ساعه او ساعه و نص

بعد ما تستوي الصالونه تاخذين الباذنجان و تقلينه و تحطينه في الصالونه (هذي آخر خطوه) علشان الباذنجان يذوب بسرعه في الصالونه

و بكذا تكون استوت الصالونه و تقدم مع الرز الأبيض وهذا شكلها النهائي

اتمنى تكون اعجبتكم الطبخه
والف عافيه على قلوبكم

التعديل الأخير تم بواسطة مستكة_مستكة ; 01-08-2007 الساعة 09:25 AM

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 05:28 AM.

روابط سريعه