السلام عليكم ورحمه الله وبركاته
صباح الخير اخواني
بنت عمتي عاشت ببيت مثل السجن ... ابوها معاق بسبب حادث ... وبسبب اعاقته صار عصبي جدا ..
وصار يشوف انه بتصرفاته مع بناته كذا وسجنهم له هو الي راح يربيهم صح ... لكن بنت عمتي قدرت ظروف
ابوها وقدرت نفسيته واسباب محافظه الشديده لهم ..مع الدراسه طبعا توسع نطاق الصداقه عندها ... لكن
فيه صديقه وحده انا اول ماصارت صديقه لبنت عمتي حذرتها منها ومن حركاتها وتصرفاتها كانت مو طبيعيه
وحتى صار موقف بينهم وانا قلت لها انهي علاقتك فيها نهائيا لكنها قلبها طيب وهاذا الي بيضيعها .. تدرون
ياخواني انها طلبت من بنت عمتي ملامسه جسدها ؟؟ لكنها تأسفت منها .. وبنت عمتي صدقتها بس انا
لا ... ضلت تقريبا سنه .. صارت تكلمها كل شهر .. بس بالاسبوعين الي راحو صارت تدق عليها كل يوم
وصار الشي الي كنت اخاف منه وكنت احذرها .. ( تقول لها ياخواني مشتهيتك وابيك ) بنت عمتي ردت
عليها وقالت لها مو انا الي اسوي حرام ومحد راح يلمسني الا زوجي .. لكن هالبنت قفلت السماعه
ياخواني هالبنت اخلاقها مو طيبه وسمعتها عندنا بالارض .. زوج عمتي ياما حذر بنته منها بس هي تقول
مايصير اقطع البنت فجأه وبدون سبب ... على فكره بنت عمتي ماتزورها ببيتها ابدا .. لكنها استقبلتها
مرتين وصارت كل مره تتعذر لها ... المهم ياخواني .. بنت عمتي اتصلت علي وقالت لي وش اسوي
انا قلت لها انها ماتقطعها على طول وفجأه .. لانه انا اعرف تصرفاتها وتصرفات اهلها والله ياكلون الناس
بقشورهم .. هذولا شر وربي .. اذا اقطعتها فجأه راح تقول عند الناس انا سويت معاها كذا وكذا
والله ياناس يسونها .. حتى انه بنت عمتي دقت على زوجه خال هالبنت .. وقالت لها نفس كلامي
وياناس اذا وصل خبر لزوج عمتي انه بنته سووت اشياء مع هالبنت وهي اصلا كذب .. والله انها يذبحها
لاني مثل ماقلت لكم هو يشوف انه معاق ومو قادر يوزن امور بيته ...ويشوف انه ذبح البنت حلال اذا صار
عليها كلام حتى لو كذب ... يقول ذبحها اهون .. واخونها نفس طريقه تفكير ابوهم .. ولا تقولو لي ابوي
الي اهو خالها .. حنا عايله شبه متفاككه .. محد فينا يحب يتدخل بالثاني ..
الي ابي اقول الحين انه بنت عمتي لو اقطعتها فجأه راح تطلع عليها كلام .. خصوصا انه راح تقطعها بعد
ما قالت لها هالكلام ... وترى هالبنت طالع عليها كلام هاليومين انها مع بنات وتوديهم للشباب .. انا ماحط
بذمتي شي .. لكن ماكو دخان من دون نار .. وانا صراحه مياعه هالبنت بالكلام وحتى لبسها يخليني اشك
فيها .. انا ادري انه بنت عمتي غلطانه انها ماقطعتها من اول اموقف صار بينهم .. لكن الطيبه وماتسوي
الحين ياخواني ابغى حل .. وش نسوي مع هالبنت .. حتى زوجه خالها تخاف منهم ومن تصرفاتهم ..
على فكره بعد .. هالبنت ماخربت اخلاقها الا بالسنتين الاخريتين .. وما صارت تنفضح الا من كم شهر ..
هي صحيح ماعجيتني من البدايه لكن انا قلت يمكن فيها دلع زايد وماحبيت احط بذمتي شي
ابغى اي حل ياخواني الله لا يحرمني منكم
ورجاء اي احد بيرد ويجرح لا يتعب حاله ويرد لاني بحاله عصبيييه جدا ومابغى ارد بعصبيه واغلط
لا تنسون طالبه حل مو تهزيئ وتجريح
هموووم