:السلام عليكم .........كيف حالكم يا اهل المنتدى.....
دار حوار انا وحده عند الفطور الصباحي بأنها تقول ما تسوي فطور لزوجها اذ راح للعمل لانه يقوم بدري وهي مالها خلق تقوم ما صدقت تنام بعد الفجر علشان تقطع نومها وتسوي فطور لزوجها ...قلت لها مالك حق هذا واجب عليك تقومين وتسوين له فطور قالت يسوي لنفسه الدعوه صاموليه ولا توسته مع كوب شاهي وهذا ما يبيله شئ البزر يسويه لنفسه ...وتقول يكفي اني اقوم الخميس والجمعه ..اسوي فطور معتبر ...قلت لها وش تسوين قالت نواشف خبز وفول ولا شكشوكه ...قلت لها هذا معتبر اللي يسمعك يقول مسويه مصابيب ولا فريك قالت يحمد ربه ...عاد هي تقول ان زوجها دايما يتهاوش معا على موضوع الفطور بس ما يهمها ........فقلت لها انتبهي لرجلك لا يتزوج عليك .......فقالك وهي تضحك خليه يتزوج وهي مستهتره بالموضوع.....
السؤال للرجال ..؟وش رايكم بهذي الزوجه ,,,يعني لو كانت زوجتك مكانها ماذا تفعل بها أو بمعنى أصح كيف يكون تصرفك معها في هذا الوقف..؟
وشكرا .......

الاخت وحيده



الفطور والغداء والعشاء

السكن والحاجات

الزيارات والنفقات

بين الزوج والزوجه هي مصالح مشتركه فاذا انعدمت العاطفه بقيت المصالح
ممكن تعمل له هذي الوجبه البسيطه لكن هو بيقلل من الهدايا والنفقات

الذكي والذكيه تجعل الحب هو الباب الأول اذا انعدم تبدأ في الباب الثاني لغة المصالح اقدم من اجل احصل


انا زوج ماعندي مانع تقصر الزوجه في بعض الامور التكميليه في المقابل تخصم عني الامور التكميليه الييجب ان اقدمها للزوجه من زيارات زائده ومشاغل واسواق وهدايا وهكذا

اذا مات الحب مات كثير من الحل

واتمنى تغيرين الاسم لاني احب الفأل الحسن قولي جنة المنزل وردة المنزل فارسة الدار