ساعدوني الله لايرد لكم دعوه ابد - منتدى عالم الأسرة والمجتمع
logo

الملاحظات

المقبلين على الزواج مواضيع تهم المقبلين على الزواج من الرجال والنساء

موضوع مغلق
أدوات الموضوع
انواع عرض الموضوع
قديم 17-05-2007, 11:11 PM
  #1
ice-ice
عضو جديد
تاريخ التسجيل: May 2007
المشاركات: 13
ice-ice غير متصل  
ساعدوني الله لايرد لكم دعوه ابد

السلام عليكم ورحمة الله وبركاته

أخوتي وأخواتي الأفاضل بتكلم بالعامية واقول كل اللي في خاطري وأنتم أعطوني رأيكم بالموضوع

وأبي رأيكم ونصايحكم الله يفرج همكم وييسر لكم كل أموركم

أنا بنت أعمل في مستشفى من سنه تقريبا ودايم أدعي ربي أنه يرزقني ولد الحلال اللي يعفني وأعفه

لي وحده من زميلاتي تشتغل في أدارة ثانيه بس بحكم طبيعة عملي لي أحتكاك كبير بأكثر الموظفين في هالادارة لكن كلامي معاهم مايطلع عن حدود الشغل

قبل أسبوع حلمت في شاب من هاادارة أني أرتب معه شقته ونحط العفش وكلش بس الحلم مش واضح مره

المهم أني يوم صحيت قلت خرابيط وأضغاث أحلام يمكن أني فكرة فيه او شيء

يوم السبت زميلتي اللي معه بنفس الادارة تفقول لي أن ام الولد كلمتها وتبغى رقم أمي طبعا أنا كنت من قبل رافضه أتزوج ولا أحب أحد يكلمني في الزواج

الا هالمره سكت ورحت وعلمت أمي عن الحلم وعن كلام زميلتي لي

طبعا الولد كثير خلوق ومحترم وماشي سيدا مايعيبه من وجة نظري الا شربه للدخان

مر أسبوع على هالكلام ورحت وكلمت واحد من أخواني وفهمته الموضوع وقابل الولد وجدا أعجبه

والولد جدا بار بوالدية لكن أهلي مره متشددين ومتعصبين ويهمهم هو ولد مين حتى لو ماكانت أخلاقه كويسه

الولد من عائلة مش من قبيله يعني مايرجعون قبائل

وهو جدا جدا ممتاز وعاجبني ويقول أن له سنين يشتغل بالمستشفى وان أخلاقي مرة عاجبته و اقسم بالله اني مابيني وبينه شيء أبد

طبعا الولد سئل عني بعدين كلم أمه لكن مااتوقع ان اهلي لو عرفوا أنه مايرج لقبيله راح يرضون

وانا ابغاه مره خصوصا زي ماسبق وقلت ان أخلاقه ماعليه كلام ولا دينه ولا حتى بره بوالديه وزميلتي تعرفه كثير وتحلف بالله أنه ماعنده خرابيط ولا علاقات

أنا ودي بطريقه انهم لاتقدموا رسمي ان ابوي واخواني يوافقون عليه لانه ماينرد ابد
ممكن احد يقول لي خلي أخوك اللي قابله يقنع ابوك

بقول ان اخوي من اصغر اخواني ولا اتوقع انهم بيسمعون له على انه قال لي بحاول معهم لاصار الكلام رسمي
وودي لو تنصحوني وتدعون ان ربي يحنن قلب أهلي واسئلكم بالله تدعون لي بظهر الغيب لين ربي يفرج همي واتم تدرون ان دعاء المسلم لأخة المسم بظهر الغيب مستجاب

وودي بعد اللي يعرف طريقة او احد كبير وعاقل وثقة ممكن يكلم ابوي ويقنعه جعل ربي يحرم وجوهكم عل النار ويرزقكم من حيث لاتحتسبون ويجعل لكم من كل هم فرج ومن كل ضيق مخرج ساعدوني

والله العظيم أني ماابي الا الحلال وتكوين اسره والستر

أختكم في الله
قديم 17-05-2007, 11:56 PM
  #2
شيخة الزيـــــن
عضو نشيط جدا
تاريخ التسجيل: Mar 2007
المشاركات: 409
شيخة الزيـــــن غير متصل  
مدري حبيبتي وش اقولك الموضوع صعب وماابي اقولك مستحيل
مالي الا اني ادعيلك
الله يوفقك
__________________
( سبحانك اللهم وبحمدك..اشهد ان لا اله الا انت..أستغفرك واتوب اليك)
قديم 18-05-2007, 02:13 AM
  #3
أمة البديع
كبار شخصيات المنتدى
 الصورة الرمزية أمة البديع
تاريخ التسجيل: Dec 2005
المشاركات: 1,737
أمة البديع غير متصل  
نقل لمكانه الأنسب ليلقى التفاعل المطلوب
__________________




ياسوريا سامحينا *** والله حقك علينا
قديم 18-05-2007, 02:20 AM
  #4
بسمة عمر
عضو نشيط جدا
تاريخ التسجيل: May 2006
المشاركات: 208
بسمة عمر غير متصل  
الله يستر عليك دنيا واخره ويحقق مرادك اذا من نصيبك راح تاخذينه والله يحنن قلب ابوك واهلك ولاتشيلي هم ادعي والله يسعدك ويكون من نصيبك يـــــــــــــــــــــــــــــــارب وعاد بشرينا بعدين مو تنسين
__________________
اللهم صلي على سيدنا محمد الحبيب المحبوب 00الذي تتعشقه الأرواح وتحن له القلوب صلاة دائمة التكرار آناء الليل وأطراف النهـــــــــار
قديم 18-05-2007, 02:48 AM
  #5
الأميره الهادئه
عضو متألق
 الصورة الرمزية الأميره الهادئه
تاريخ التسجيل: Oct 2006
المشاركات: 907
الأميره الهادئه غير متصل  
دخلت ادعيلك الله يفرج همك
وييسر أمرك ويكتب لك مافيه الخير
والزمي الإستغفار وبتشوفين النتيجه الزينه بإذن اللع
حتى بعملك لاتنسين تستغفرين
وطبعا الإستخاره
استودعك الله
__________________
سبحان الله وبحمده سبحان الله العظيم
ادعو لزوجي بالرحمه ولي بالصبر ولأبنته بالصلاح
قديم 18-05-2007, 03:18 AM
  #6
شيختكم
عضو نشيط
تاريخ التسجيل: Jan 2004
المشاركات: 111
شيختكم غير متصل  
الله يجعله من نصيبك ويوفقك ويسعدك اللهم آميـــــــــــــــــــــــــــــن
طيب لو تعرفي رقم احد الشيوخ المعروفين وتخلي اخوك الصغير يفهمه الموضوع ..
ويعطيه رقم الوالد يكلمه ويقنعه بطريقته بعد مايتقدم الشاب ..
الله يجمع مابينكم على خير ..
__________________
------أستغفر الله وأتوب إليه لي ولوالدي
وللمؤمنين والمؤمنات والمسلمين والمسلمات الأحياء منهم والأموات
عدد خلقه ورضى نفسه وزنة عرشه ومداد كلماته------
قديم 18-05-2007, 04:11 AM
  #7
sosi-h
موقوف
 الصورة الرمزية sosi-h
تاريخ التسجيل: May 2007
المشاركات: 254
sosi-h غير متصل  
ياختي اذا هو فيه خير لك ياررررررب انه يرزقك اياه زوج صالح لك ويغنيكم يحلاله عن حرامه ويجمع مابينكم والله يوفقك
قديم 18-05-2007, 06:29 AM
  #8
بائع الورد1
عضو دائم
تاريخ التسجيل: May 2007
المشاركات: 76
بائع الورد1 غير متصل  
ما أقدر أقول غير ربي يوفقك يا رب
ويجعله من نصيبك
بس صدقيني يا اختي لو فيه نصيب لك بيكون لك
ولو ما في نصيب ربي ما رايح يكتبه لك
بس تأكدي أنه لو ما كان لك .. هم بيكون خير لك
يمكن ينتظرك شي أجمل بالمستقبل وانسان فيه الخير أكثر منه
الله يهدي بال أبوك .. بصراحه حتى أنا كمان أكره العصبيه القبليه
لأن الرجال بأخلاقه مو بقبليته ..
واللي يبي يتزوج أهو .. مو قبيلته كلها
الله يستر عليك ويوفقك
__________________


قديم 18-05-2007, 07:33 AM
  #9
قلب قلبي
عضو جديد
تاريخ التسجيل: Mar 2007
المشاركات: 39
قلب قلبي غير متصل  
الله يوفقك وييسر لك امرك بأذن الله
قديم 18-05-2007, 07:47 AM
  #10
)(واقعية)(
عضو مميز ومثالي
تاريخ التسجيل: Jun 2005
المشاركات: 267
)(واقعية)( غير متصل  
مااقدر اقول غير الله يوفقج اختى ويكتب اللى فيه الخير
موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:03 AM.


images