والله يا اختي ما ادري شنو اقولج لان صراحة حياتي تشبة حياتج وايد
بس غير اقول الله يفرج عليج و ان شاء الله الاخوان و الاخوات الي بلمنتدئ ما يقصرون
ما حبيت اطلع من غير ما ارد عليج
الله كريم يا اختي

اختي ... لا ...الحل مو الطلاق

عشر سنوات مو كثيرة .. في امل يتغير ...او انك انت اللي تحاولي تتأقلمي مع طبعة

خاصة انك قلتي انه انسان طيب

اجلسي معة ...فهمية ما تحبي وما تكرهي ...يمكن هو لا يدري ما يدور بخاطرك

مستحيل تلاقي زوجين تفكيرهم متطابق 100%

لكن مع الوقت يلاقون طريق وسط يجمع بينهم

لا تستعجلي ...اقراي كثيرا عن الحياة الزوجية وكيفة التعايش مع انسان يختلق عنك

مو شرط انه مختلف عنك في التفكير معناه انه سيئ ...لا

لكن يجب ان تلاقي طريقة تجعل افكاركم تتقارب

تحياتي

هل تفصدين من كلامك أنه جاف الطبع معك ؟

أم أنه يكرهك فهناك فرق ؟

عندي لك حل أفضل من الطلاق يشغله عنك لكن صعب..
زوجيه وحده ثانية حتى يعرف الملتزمه من غيرها وينشغل عنك بإلقاء أوامره على الزوجه الأخرى==وش رايك؟؟

لا اهو ما يكرهني اكيد

بالعكس يحبي من كثر ما يحبني يدخل فني كثير


لكن تصرفاته كثير تضايقني


احاول اتهرب منه لكن دون فائده

ياتي الى مكاني ويجلس يثرثر علي انتي وانتي

يراقاب جميع تصرافتي

بدون مبالغه يمكن اكثر من مراقب اقدر اقول متحكم فيني

اقول لك يااختي اصبري انتي اخذتيه ولسا ماراهقتي بعد ولمن دخلتي المراهقه تطور الفكر عندك وعرفتي انه مو اللي تتمنيه ارضي بنصيبك وبماكتبه لك الله لان تصرفاته تصرفات كثير من الرجال وخصوصا اللي يحبو زوجاتهم ويغارو عليهم اذا كان من اللي محافظ عاى صلاته وصيامه ويخاف ربي الصبري وعلى قول المثل اصبر على قردك لا يجيك اللي اقرد منه واتمنى من الله ان يهديه ويهديك ويصلح ذريتكم من اجل اطفالك اصبري

انا فكرت شذيه

قلت في نفسي اشغله بوحده غيري

بس خوفي بدل ما اصلح شي اهدم شي

طيب الى متى اصبر

اقول في نفسي الله شرع الطلاق ليه اضغط على نفسي اكثر

والله ان يوميا يبكيني


مليت من كذا

انا عندي بس طفلين حاولت امسك نفسي ما اجيب اكثر لان حياتي مو مستقره

ارضيه من ناحيه يدخل علي من ناحيه ثانيه

يعني يأست منه ان يتغير


عشر سنوات ضاعت كله في هواش

اسال الله ان يؤلف بين قلوب وان يجمع بينكم بخير

اختي الكريمة

حاولى ان تغير من اسلوبك معه يعني لا تتهربي منه بل العكس اجلس معة واخبرية وش سويتي اليوم ومن كلمتى من اهلك وش سوى ابنك ومن ها الكلام انا عارفة حبيبتي انك راح تقولى صعبة اجلس معة ساكتة فاكيف اتكلم
اقولك اختي اضغطي على نفسك مرة وثانية وثالثة علشان ترتاحي باذن الله بعد ان يبدا با الانسحاب من نفسة حتى دون ان يشعر لانك فتحتى له قلبك واطلعتية على مابداخلك فليس بحاجة لتفتيش حالك ومايدور بخلدك
غاليتي انظري الى الجوانب الايجابية في زوجك لتتقربي الية

واخير اسال الله لنا ولك التوفيق والسداد في الدنيا والاخرة

__________________
اللهم أحفظ اخوننا المسلمين