السلام عليكم ورحمه الله وبركاته

هاذي قصه لأحدى زميلاتي

انخبطت وشافها زوجها الرؤيه الشرعيه

تملكت البنت وفي يوم الملكه طلب انه يشوفها ويجلس معها وهذا من حقه لكن أهلها ماعندهم هالعاده

وطبعا البنت رفضت انه تطلع له ,أولاُ : لانه موب من عاداتهم ,ثانياُ:لانها مااستعدت اصلاُ

طبعا هو كان جايب هديه معاه ومصر انه يسلمها لها وبعدين استسلم وعطى الهديه أخوها وأخوها سلمها لها

وكانت الهديه جوال يعني كأنه يقول ابغى أكلمك

بعد يومين فتحت الجوال وكلمها وطلب منها انه يشوفها هي قالت له أشوف أفكر واعطيك خبر

بعد كذا ارسلت له رساله وقالت ماأقدر وتكررت هالحركه 3 مرات

الرجال طفش وزعل ماعاد صار يرسل ولا يتصل حاولت تراضيه انه هاذي من عاداتنا ,,قال : انا ابي اكسر هالعاده وبعدين قال لها أنا ماارضى الا لما تعطيني موعد

وعطته موعد الاسبوع الجاي بأذن الله

وش رأيكم تعتذر له وتقدم له هديه وتبين له سبب الرفض

والا تسكت ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!! !

والا وش تسوي بالضبط

الله يجزاكم خير

الاشراف/
تم تعديل العنوان ليتناسب مع الموضوع

__________________

أختي روز السعودية أعتقد أنه ما فيه شئ لو زارة

ومثل ما قالتي أنه زعل منها من قبل

طيب ليش ما تخلي يزورهم بس تكون أمه أو أخوها معهم جالس وتكون الزيارة قصيرة
وتقدم له هدية صغيرة وفيها رسالة كلمة طيبة وتقول له
أن المقبلات صعبة بطريقة جميلة

أتصور الحل أنها تقنع اهلها!

لان طلبه من حقه!

وبالعكس هذه الأمور لها أثر طيب على علاقتهم بعدين!

إذا شافها وجلس معها فترة قصيرة صدقيني تتحرك مشاعره وهي أيضا تتحرك مشاعرها..

ويكون لها أثر حلو على علاقتهم مع بعض..

تكسر الخوف اللي في البداية وأيام حلوة حرام تخسرها!

ما أدري مسألة انها ترسل له سبب الرفض ما لها داعي لأنه عارف وسبق وبينت ورغم ذلك أصر!
يعني ما راح ينفع...
وصدقيني الأهل اذا شافوا انه مصر وانت وافقت وقلت لأهلك أن هذا الأمر مضايقه راح يغيرون طريقتهم!

بالتوفيق

هي عطته موعد الاسبوع الجاي وطبعا أهلها نقدو عليها مررررره بس واحد من أخوانها واقف معها وقال ماعليك منهم

مع العلم أن امها وابوها متوفين وأخوها هو اللي واقف معها بس خواتها معارضين


الله يجزاك خير ماقصرت شاكره مروك واهتمامك

__________________

وربي هذا رأيي اللي قلته لها

ومثل ماقلت قبل أخوها وقف معها بس خواتها نقدو عليها مرررررررررررررررررره بس قلت لها ماعليك منهم رضاه هو أهم من رضاهم وهذا شي من حقه

الله يسعدك في الدنيا والآخره ويجمعك بمن تحبين

شاكره مرورك واهتمامك

__________________

من رأي ألا تلغي الموعد

ويأتي لزيارتها وهذا سيكون له أكبر وقع على علاقتهما

سيزداد الرباط بينهما وتتوثق علاقتهما جيدا

وبما أنه أحد إخوتها واقف معها فما عليها من الباقي

وطبعا بيدها هي وضع الخطوط التي يجب عدم تجاوزها بينهما في هذه الفترة

هذا رأي الخاص وأتمنى تعمل به

لإيجابياته

دمتم بحفظ الرحمن

تحياتي

__________________

أثابك الله أمة البديع

فعلا رأي صائب

الله لايحرمك الأجر

__________________

ياأختي أنصحها وكل أخت مسلمة أن تبدأ حياتها الزوجية بطاعة الله ورسوله صلى الله عليه وسلم ، عليها أن تسأل و تتعلم الأحكام الشرعية المتعلقة بالزواج وان تلتزم بها ،وكذلك الأعراف والتقاليد ما لم تتعارض مع الأحكام الشرعية المتعلقة بالزواج ، عليه من حقه أن يلتقي بها في بيتها بعد طلب الأذن من أهلها ، ولا يحق لها ولا لأهلها الرفض ، وأنصحيها أن تستعين بأحد أفراد عائلتها من ترى فيه الصلاح والحكمة لأقناع أهلها بالقبول . أسأل الله أن يوفق بينهما على كتاب الله وسنة رسوله صلى الله عليه وسلم .

ما أعتقد انه فيه داعي انها تقدم هدية خاصة انه اول لقاء بينهم...
وأحسن هدية ابتسامتها في وجهه وحسن استقبالها له والكلمة الطيبة ولاحقة على تقديم الهدايا ...

الله يوفقها ياااارب

لا بد من الأهل أن يعوا أن زيارة الزوج حق له

وتكرار منع الزيارة ستترك آثارا سلبية في نفس الزوج كونه محروم مما أحل له

وربما يتطور الموضوع إلى نشوب خلافات من الممكن جدا تلافيها من الآن لو تنازلنا

عن بعض العادات التي ما أنزل الله بها من سلطان

أختي الكريمة .. أيام الملكة لا تتكرر..

ومن الحسرة بمكان أن تضيع هذه الأيام سدى

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!