أخي الفاضل ...

أحس المشكلة بسيطة بس واضح إنكم إنتم الاثنين حساسين شوية

إنت ذكرت إنها بدأت تتغير من ساعة لما ولدت ... عادة بعد الإنجاب بتكون المرأة حساسة جداً لأنها بتحس بإن الاهتمام كله منصب على الطفل و هيه فقدت الاهتمام بيها مع إنها كانت بس من كام شهر عروس و الناس كلها مهتمه فيها هيه . و أهم الأشخاص اللي بيأثروا فيها طبعاً الزوج . إذا حست إن اهتمامك في البيبي (الله يحفظه) أكتر من اهتمامك فيها أو حتى كان اهتمام عادي لكنها بتكون مححتاجه اهتمام منك زيادة

أنا مش عارفه إيه سوق الفيصلية لكن أعتقد إنها كانت عاوزة تشتري شئ ليها و انت رفضت و مع ذلك وقفت علشان تشوف شئ تشتريه لإبنك ، طبعاً هيه مش حللتها زي ما إنت بتقول إنك مش بتحب السوق ده لكن رجعت تفسيرها إنك وقفت و اهتميت إنك تشتري لأبنك و هيه لأ و بالتالي كان قرارها إنها عاوزة كل شهر تشتري ملابس ليها مع عدم مراعتها لمشاكلك المادية و ده لأنك مش راعيت و اهتميت باحتياجاتها (على الأقل من وجهة نظرها)

بالنسبة للقصيدة كان ممكن تحل الموضوع كله و تقولها إنك كنت كاتبها علشانها و تراضيها بكلمتين حلوين ،،، و من وجهة نظر نسائية بحتة ممكن أقولك إني لو مكانها أكيد هيكون نفسي إن زوجي يقولي إنه كاتبها علشاني حتى لو كنت منعته قبل كده من إنه يكتب قصائد

أخي الكريم ... أعتقد إن مشكلة زوجتك كلها منصب في إنها محتاجه اهتمام زيادة حبتين منك ،، بدل ما تروح لأهلك يومين و لأهلها يومين روح يوم هنا و يوم هناك و خليك 3 أيام في البيت بدل يوم واحد و قولها إنه كله علشانها و إنك علشان مبسوط معاها و مشتاقلها و كلام من ده

أقعد معاها و كلمها شوف هيه إيه اللي مدايقها و استوعب كل الكلام اللي هتقوله حتى لو حسيت إنه بسيط و مش مستاهل ده كله . حسسها بحبك ليها و إن حبك لإبنك نابع من حبك ليها ،، خرجها خروجه حلوة ،، هديه كانت نفسها فيها .... و إن شاء الله تلاقي النتيجة اللي نفسك فيها

وربنا يبارك لكم حياتكم و يبارك لكم في إبنكم و يبعد عنكم أي شر

وكاتب فيها كلام حلو وانت ماتقولي كلام حلو ابد ياحظ الي انت تكتب فيها قصايد!!!!!! انا هنا عرفت ان الدعوه كلها تبي مشكله