السلام عليكم

أخت زوجي اجت زيارة من سفر
و طبعا الكل عزموها خواتها و أخوانها وباقي دور أخوها الصغير (زوجي)
وأنا احترت ايش اعمل في العزومة

خاصة أن ماشاء الله هي و زوجها و أختها و زوج أختها ناس أكيلة كتير

و حيكون في العزومة:
اختي زوجي و زوجها
اخت زوجي و زوجها
اخت زوجي و زوجها
اخت زوجي
حماتي
حماي
زوجي و انا

و الأطفال عددهم تقريبا 10

طبعا انا لحالي و مافي احد يساعدني

اللي عملوا العزايم عملوا:
دجاج ورز
سمك ورز
كرشة
بامية
و غيره و غيره

انا محتارة ايش اعمل

ولكن تزكرت ان مرة اخت زوجي قالت ان نفسها في الكنتاكي

و انا لازم اعمله بنفسي ما ينفع اشتريه

خاصة ان عزومة و هم عندهم اللي يكرمك يطبخلك ما يشتري جاهز

كيف ممكن اعرف اعمل الكنتاكي و كم دجاجة تكفي المجموعة و كيف ممكن اعمل الرز اللي ييجي مع كنتاكي



ارجو المساااااااااااعدة
العزومة بعد يومين


شكرا

اختي الغالية انا حقيقة مش متزوجة ومابعرف بشغل العزايم بس بعرف اطبخ و حقترح عليكي

انا بتخيل لو انا الي عندي العزومة كنت حعمل التالي :::

1- ممكن تعملي جاج بالطريقة الي تحبيها بحيث الكبار عددهم 11 صح؟؟؟
اعتقد بدهم كل فردين حياكلو دجاجة(طبعا مش الكل بيقدر لكن الرجال بيقدرو ونص انت عموما خلي العدد زايد ولاينقص عليكي) يعني قولي هيك بدك 5او 6دجاجات ، اما الصغار كل 3في دجاجة يعني كمان 3دجاجات بدك يعني بالمجمل 9 او 10 دجاجات تعمليهم بالطريقة الي حاباها ،،، طبعا هادا حيكون اكتر من حاجتهم لكن للاحتياط وبعد العزومة الاكل الزائد بتخليه للايام القادمة تتصرفي فيه وتاكلوه انت وزوجك وولادك ،،، اضافة انو لو كانت الدجاج مش الاكلة الرئيسية فطبعا ماحيكون هادا العدد يعني حتختصري احسبي انو كل شخص حياكل قطعتين دجاج .

2- ممكن تعملي طبق ورق عنب ومحشي

3- صينية مكرونة بالباشاميل
اسهل واروع واسرع بشاميل(في مقلاة جيبي 2 ملعقةكبيرة سمنة او زبدة+2ملعقة طحين كبيرة قلبيهم
ثم اضيفي من 1ونص الى 2 كوب حليب سائل حسب مابدك يكون كثافتو للباشاميل وقلبي جيدا بالمضرب واضيفي شوية ملح وفلفل
وممكن اضافة بيضة بالاخر
وشوووية جبنة مبشورة.

4-سلطات طبعا مثل ( سلطة خضار بالمايونيز - سلطة ذرة بالمايونيز - سلطة خضراء عادية - سلطة ملفوف بالماايونيز- سلطة الاوراق الخضراء(جرجير+ورق فجل+بقدونس+شبت+خس...)
سلطة سيزر - ......) طبعا حسب نوع الاكل بتحطي السلطة فمثلا ماراح تعملي سلطة مايونيز وانت عاملة محشي .

5- شوربة

6- ارز وعندي الك طريقة زر حلوة وهي كالتالي :::
بتجيبي حلة بتحطي فيها زيت و لحمة مفرومة وبصل وبتشوحيهم سوا
ثم بتضيفي جزر مقطع معكبات + بطاطس مقطعة مكعبات وبتقلبيهم سوا لفترة بسيطة لغاية ما يطرو شوي
وبالاخر بتحطي بازيلاء وبتخلطيهم سوا
انتبهي البطاطس والجزر اول عشانهم اقسى من البازيلاء ومحتاجين وقت اكتر للاستواء
لو حطيتي البازيلا بالاول حيتفغصو
المهم بعدين بتحطي رز حبة طويلة وبتقلبي وبتحطي شوربة دجاج بدل الماي وبتملحي وتحطي البهارات اللازمة
وبتخليه مفلفل وحلو زيك.....طبعا المكونات الخضار حسب التقدير والارز حسب حاجتك انت لكن اكثري الخضر واللحم عشان يكون طبق غني ولذيذ

7-ممكن تعملي رز بالفول الاخضر وهادا كتير طيب وشهي وزاكي طريقتو كالاتي
جيبي الفول الاخضر وقشريه والحبات نفسهم كمان قشريهم لانو بكون عليهم قشر سميك مصيبة لو انطبخ بصير قاسي ومبين بالاكل
اوكي هلأ ممكن تنقعي حبات الفول قبل التقشير عشان يطرو ويسهل التقشير(اقصد تقشير الحب نفسو مش قشر القرن)
تحضري حلة وتحطي زيت + لحمة مفرومة+شبت+الفول الاخضر وبتقلبي لغاية ما يتشوحو سوا
ثم بتحضري كمية الارز الطويل الي انت حاباها حسب الحاجة وتقلبي معاهم
ثم تضعي الماء والبهارات والفلفل االاسود و كمية من الكركم بحيث يعطي لون اصفر خفيف
وبس (اكلة زاكية جدا مش طبيعية باللذة)

8-صينية بطاطس بالطحينة
راح اقلك طريقتي السحرية لما اعملها اخواتي كان ياكلوها كلها ومايخلو ولانقطة
جيبي بطاطس قشريها وقطعيها دوائر وسط واقليهم شوي يعني عشان يستوو ربع سوا ما تقليهم زي بطاطس العادية
لا دوب شوي
جيبي صينية وضعي فيها (شرائح بطاطس + شريح بندورة + شرائح بصل + ممكن شرائح فلفل رومي )
وضعي اصابع كفتة .
والان بتجيبي في صحن عميق مستقل بتحطي مية + طيحنة وملح وبهارات وفلفل اسود
مع مراعاة الطحينة تكون كتيرة وثقيلة انت قدري يعني
ثم بتحطيها بالفرن لغاية ماتتسبك عالااااااخر وتنشف الصلصة اغلبها ويضل خلاصة الطحينة
هيك بتكون مسبكة ويمممم بس بتعطش كتير
ممكن تستبدلي الطحينة بالصلصة وبنفس الطريقة بالتسبيك .

9- طبق جانبي معجنات .
اتفضلي هذا العجينة السحرية مش طبيعية بالطراوة اتحداكي ان عملتيها وما ادمنتي عليها لكل المعجنات
عجينة رائعة بكل معنى الكلمة تحسيها من المريخ من كتر ماهي رائعة
2 كوب طحين + 2ملعقة كبيرة خميرة جاهزة + فنجان قهوة سكر + رشة ملح
+ 2 كول ماء دافي .......... يخلطو سوا بالمضرب
تترك 10 دقائق تتخمر
ثم :::: يضاف 3 كوب طحين وتعجن جيدا ويضاف نصف كوب زيت على مرتين (يعني تقسمي نص الكوب عمرتين)
وتعجن جيدا.... في كل مرة بعد اخر اضافة زيت تكون العجينة طرية وتلتصق وعند الاستخدام يوضع طحين عاليدين .
بكل ثقة خدي هالطريقة وراح ترفع راسك فووووووووووووووووووووووووووق.اقسم بالله انها رووعة اختي

10- ممكن تعملي طبق جانبي هاي الصينية الخفيفة :::
تجيبي شرايح بطاطس مقطعة مقشرة ومغسولة والشرايح متوسطة بحيث انها راح تستوي عالفرن وبس
والان احضري لبن زبادي كمية مناسبة ووضعي عليهم ملح وفلفل اسود وكمية صغيرة من الكركم واخلطيها جيدا
وغطي بها البطاطس المصفوفة في صينية مدهونة بالزيت ثم حطيها الفرن وادعيلي

11- طريقة عمل دجاج الكنتاكي ::::
تغمسي الدجاج في طحين ثم تغمسي الدجاج في بيض متبل ومبهر ثم تغمسيه في بقسماط مبهر ومملح وتقلي
نفس الطريقة تعمليها لكن ممكن بفيليه الجاج يعني ستيك وممكن كمان طريقة لزيزة انك
تجيبي الدجاج وتغمسيه في طحين ثم بيض ثم تغطي وجه الستيك الاول بالسمسم والوجه التاني بحبة البركة
اقلي وشوفي الطعم الرهيب

***في طريقة بالكورن فليكس شفتها بمنتدى اخر وها هي ::::
تاخدي صدور الجاج وتدقيها جيدا او تاخديها جاهزة من عند اللحام يعني شبيه الفيليه ثم تغمسيها في طحين ثم بيض ثم كورن فليكس
ثم حطيها بالتلاجة نص ساعة ثم اقلي بزيت غزير
((ممكن تعملي بيها ساندويشات )


12- طبق جانبي خفيف وهو كفتة الخبز(اكلةتركية )
خبز كامل توست تاخدي الجزء الابيض + جبنة بيضاء مبشورة + بيضة + فلفل احمر بودرة او هداك الي يكون للتغيس
وكل هالمقادير حسب الكميية والتقدير
طبعا الملح والفلفل والبهار الخفيف
ثم تخلطي كلو عالخلاط وتعمليهم كرات ثم تقلي
.

كيف عجبتك الاطباق؟طبعا ماراح تتطبخي كل هادا لكن ممكن انتي تختاري اصناف وتعملي من كل نوع كمية مناسبة بحيث
يكون هناك اطباق عدة يعني بوفيه مفتوح

وانتي بدك تحلاية ولا ؟؟؟؟

خبريني عموما شوبيصير معك
شوقتيني اتزوج واطبخ لزوجي ...
شوفي توقيعي وادعيلي
مع حبي ودعواتي بتوفيقك بالعزومة

__________________

ساويلهم اهم شي الرز لانه سهل ويبان في العين (مشخول-برياني-كابلي-بالمكرونه)

ادام(هندي(خضار بالزنجبيل والخضاروالهرد)--صينية دجاج بالبطاطس

شوربة(شوفان بالخضار -عدس-حب)

بروست كنتاكي(دجاج)

سلطه (فتوش --خضار بالمايونيز)

مخللات

ورق عنب-بيتزا

حاى الكراميل-كنافه او بسبوسه

عصيرات

جهزيها من قبل بيوم علشان يمديكي من تقطيع والحلى واشياء السفرة

الله يعطيكي العافيه وتعدي يومك على خير

ملك شادي
شو بدي اقلك بس

يااااااااااارب (أذن المغرب) تبعت شادي للي ملكه و تجعلها من نصيبه و تجعله من نصيبها
وتقلل المسافة بينهم و تجمعهم بالخير و تحييهم للخير يارب

ملك شادي عن جد يابختك في حالك
مابدي أحسدك لكن والله متحسرة ان مابعرفك شخصيا

ماشاء الله أستاااااااااااذة ياريتني بعرف في الطبيخ زيك

خليتيني أصمم ان اترك شغلي و اتفرغ للمطبخ لان من وصفاتك طلع المطبخ عالم تاني


رح اقرأ الوصفات مرة تانية و شوف شو ممكن أعمل - بس للعلم أهل جوزي (خاصة الضيوف) أكيلة بدرجة أ يعني بياكل هبر زي ما احنا بناكل الكيك

رح أشوف شو ممكن يناسبهم من الوصفات

وادعيلي يتبيض وجهي - خاصة أن الخوات حيحاولوا ينتقدوا اكلي مظبووووووووط





ليمونة أمها

يارب يستجيب دعائك
عن جد ايدي على قلبي اكتر من ايام الامتحانات
يوم مرعب بتمنى ينتهي قبل ما ييجي
لان فعلا حكون تحت النقد

والمشكلة ان انا حديثة عهد بالمطبخ يعني يمكن الي سنتين بس من يوم ما اتجوزت و اغلب الطبخات كانت مكررة او كانت ما تظبط معايا

فكرت اعمل صينية بشاميل
لكن حتكون هادي مسح زور لا اكثر يعني وقتها حياخد كتير من الشغل
و هم متوقعين الساعة 3 الظهر يكون كل شي جاهز
و جوزي يرجع من الشغل الساعة 5 الفجر و عبال ما اجهزله العشا تصير 6
و عبال ما انام و أصحى شوفي انت

يعني يوم العزومة مافي نووووووم:14:



حشوف الوصفات و ارتب حسب المناسب


ليمونة و ملك

يااااااارب يحط كل حرف من حروف ردودكم علي و على غير مضاعف 50الف مرة في ميزان حسناتكم و يمحي نفس العدد من ميزان السيئات

قولوا امين

حبيبتي الله يخليكي بهالدعوات
،،،
يارب الله يستجيب يااااااااااارب
واتزكريني وقت العزومة وادعيلي
بمناسبة الطبخ انا لسة ماتزوجت وكل تجربتي كانت وماما مسافرة شهرين ونص عتركيا
ومن خلالهم تعلمت كل اشي
انا من الاول اعشق الطبخ وبحبو بس ماما مابتحب اعمل كتير لانو هية بتحب تنظم الطبخ والبيت زي مبتحب هية
فمواهبي كلها حطلعها لمااتزوج إن شاء الله
عاد لو تشوفي ماما في الطبخ كان تنصدمي ماشاءالله لاقوة إلا بالله
هية الي خلتنا نحب الطبخ وبناخد منها وصفات كتير
واختي المتزوجة طلعت تحفة بالطبخ
يعني انت متزوجة لازم تديري بالك عالموضوع هادا
انا برايي لو مش محتاجة الوظيفة كتير ماديا اتركيها بيتك وزوجك اولى بيكي
**************
عارفة طريقة كلامك حسستني انك فلسطينية
الله اعلم

بس ضحكتيني لما بتقولي عن بيت حماكي اكيلة هههههههههههه
انا عارفة هادا النظام من الناس
تحسي معداتهم ثقب أسود
بياكلو كتير ماشاءالله
على هيك اطبخي ولاتهابي شيئ
وزيدي كمان
خلي الجماعة ياااااااااكلو
وحااااااااولي تزبطي مدام انت تحت المجهر والتلسكوب محطوطة
ليش دايما هما الناس هيك بحب الانتقاد
!!!
عموما لو انتقدوكي ماتزعلي وطنشي احسن اشي
واحكيلهم انو مثلا هادا لساناتكم الي مابتعرف تدوق اشي زاكي
ههه خليهم يغمى عليهم بلحظتها
اوعي تحكي هيك بمزح
طنشي وبس
ياريتني ساكنة قريب منك كان اجيت اساعدك
تحياتي الك والله يسمع دعاويكي
يارب
ويارب تطلع العزومة لزيزة وظريفة و زاكية
والله يعينك عالجلي
نادي العيلة كلها تجلي معك ولابدهم ياكلو بس

__________________

بما انهم اكيلين
اقترح تكثري بالاطباق
عارفة صدقيني خدي من الي كتبتهم الك حيبيضو الوش
بس انت اطبخي صح ولاتتوتري واذكري الله قبل متبدي يعني وشغلي قران وهدي حالك
بيضي وشي ها
تعرفي مكرونة بالباشاميل ومحشي وورق عنب ونوع رز والجاج والسلطات والبطاطا الي حكتلك عنها
معقول مايكفي؟معقول؟؟؟؟
عموما انا راح انتظر العزومة تخلص على احر من الجمر
وبدي منك وعد تيجي هون تحكي كل اشي صار وشوعملتي اطباق وشو كان التعليق
اكيد حيقولو مافيه ازكى من اكلك
وخبريني كل اشي صار اوكي
بستنا انا

__________________

مرحبا يا عزيزتي


صدقيني ما راح يوفي معك الكنتاكي أنا وزوجي بنعمل تقريب الدجاجة !!!!!!!!!!!!!!!!!!!!!

وبعدين غلبته كثيييييييييييييييييييييييييييييييييرة وبتعب

إعملي أوزي كثير حلو وينفع للعزايم الكبيرة...............

أو مقلوبة أحلى وأحلى.............

كبسة ..........

كفتة مع صواني دجاج.........

هذه الأشياء لطيفة خفيفة

والله يكون في عونك

__________________
اللهم ارحم أخي رحمة واسعة و أجعل قبره روضة من رياض الجنة

اووووه زكرتيني بالفول الأخضر أختي ملك شادي..صرت بدي أنزل عالبلاد هلأ ..

على كل أرى أن أختنا العزيزة كفت ووفت بس باقي التحلية..ما بدك تعملي?

__________________

أيها الحائرون .. أستمضون فوق جثتي؟؟ أم ستذهبون؟؟ ففي جسدي دم يهتف: بالعز سأدفن تحت الأرض وأنتم بالذل سوف تعيشون!!!!

انا مع الاخت الي قالت اعملي قوزي يملي العين والبطن و ما ياخذ جهد كبير اما الكنتاكي فسوي على شكل طبق ثانوي

انا اكلمك عن عزايمن

1- قوزي لحم بالمكسرات
2- يا صالونة بامية يا صينية باذنجان
3- دجاج مشوي بالتتبيلة (تجهزيه من قبل يوم)
4- صينية بيشميل يا باذنجان يا سبانغ يا لازانيا بالبيشيميل
5 لازم لازم المحشي و الطريقة العراقية يكون المحشي كله في حلة وحدة وصدقيني الطعم احلة لان الخضار تعطي طعم حق بعض
6- كبة يا كبة رز يا كبة برغل يا كبة بطاطا
7- مقبلات عادتا 2 حارة و 2 باردة (سلطات)
هذا الي ذكرته طبعا ممكن نسوي مسخن والكنتاكي والشوربة عادتا نسويها عل عشا ومو الغدة
والحلويات نقدمها مع الفواكه بعد الاكل
ونوع من الكعك يقدم مع الشاي
بشرينا بعد ما تخلصين

السلام عليكم ورحمة الله وبركاته،،،
مرحبااااااااااااااااا
كيفك ياحلوة؟
انت كتبتي الموضوع يوم 13 وحكيتي انو العزومة بعد يومين
معاناها يوم 15 الي هوة اليوم؟
شوصااااااااار؟متشوقة لاعرف شو صار بالزبط
شوعملتي شو طبختي شوالنتيجة
شوعملتي بالجلي الي هوة اكتر شي بكرهو بحياااااااتي
خاصة بالعزايم
يلا ياحلوة انتظرك انا ويارب يكون كل اشي تمام
سلام

__________________