انا صعقت لمن عرفت القصه منها القصه ومافيها هيا بنت مدلله جدا المهم البنت دي طول عمرها نفسها تحب بجد مرا من المرات امها طلبت من احد اقربائها انه يجي عندها انه يضبط حاجه بكمبيترها المهم كانت الام معجبه بالشخص دا وكانت بتحاول تقرب البنت دي منه والانسانه دي كانت رافضه المبدا المهم الشخص دا حط الايميل حقه عندها وسافرت البنت دي ولمن رجعت كان الشخص دا خطب فكانت تشوفه علي الايميل وتتكلم معاه المهم هوا كلم امها وقالها انا خطبت وقتها البنت دي صعقت لان قلبها بدا يميله المهم قالتله انها تحبه وتتمنا انه يكون ليها بس بصعوبه قدرت تعبرله بمشاعرهاوهوا صعق كمان لانه قالها انا لو كنت اعرف ان انتم ممكن توافقوا عليا انا كان ممكن اتقدم بس ماجاء ببالي انك تبغيني المهم فضلو يكلمو بعض ايميل لمده شهر وموبايل فتره قصيره هوا كان يكلمها مع العلم انه خاطب فهذي الفتره المهم هيا كانت تتعذب وقلبها مكسوربعد فتره راحت الانسانه دي مكان مع اهلها وشافها اخو الشخص دا وكان معجب بيها وهيا ما كانت تبادله الاعجاب بعدها بشهر اتقدم بس قبلها عزم اخوه فمكان وقاله انا اتقدمت لفلانه وابغا اخطبها فالوقت دا الشخص اللي كانت هيا معجبه بيه او قلبها مايله كلمها علي الموبايل وقالها انا اللي سمعته دا صح ان اخويا اتقدملك فقالتله ايوا قالها انا بطلت اكل لمن سمعت كلامه عنك المهم وهيا بتكلمه قلبها بيتقطع وماكانت اصلا تحب الشخص اللي اتقدملها رغم انها عملت استخاره فالانسان الاول وكانت تحلم بالانسان اللي اتقدملها انه بيدور عليها وبيغاها.المهم الانسانه دي قطعت الشخص دا نهائيا بس ذكراه بتمر فخيالها المهم مر امكن 9 شهور وكانت في مكان الانسان اللي كان قلبها مايله كان موجود بمكان واحد هيا وهوا واهلها لكن خطيبها ما كان موجود كانت بتحاول تسيطر علي نفسها وعدي الموقف علي خيربس حاسه بالالم والندم علي سوته واللي زاد الموضوع سوء ان خطيبها يعشقها وهيا بدات تحبه بس بيجي وقت تتذكر اخوه رغم انه كان مقتصر علي ايميل مو اكتروالفتره الاخيره جوال والمشكله الاكبر ان فرحها باقيله ايام ونفسها تتاكد من حقيقه شعورها لخطيبها(مملكه) الان وماتتمنا تتذكره ابدا السؤال اللي يطرح نفسه هوا لمن قاله انا مااتوقعت انك توافقي او انا بطلت اكل يعني هوا كان حاسس بيها وبمشاعرها ولا بيتسلي وهيا وافقت علي اخوه عشان حست انه لا يمكن يترك خطيبته وهوا قالها كدا هيا مرا محتاره غير انه قالها انا مااتوقع اني لو اتقدمت توافقو عليا ايش الحل مع العلم فرحها قريب جدا ياريت حل يريحها اما هيا فبتحب خطيبها (مملكه) بس ساعات بتدايق من اللي سوته وانها بتحس انها مو مخلصه لخطيبها رغم انها قطعت اخوه بكل الطرق ولمن شافها كان بيحاول يتجنبها وهيا كانت بتسلم عليه عشان ماتبينله انه كان في شئ ساعدوها واعتذر علي الاطاله

انا اقول

خليها تتوكل على الله وتشيل احلام المراهقين من بالها وتفتح بيت اساسه الحب مع زوجها ومسألة اخوه كانت تعلق لا أكثر ولا اقل وبعد الزواج راح تنسى وتتعلق بزوجها انشالله.:14:

__________________

افضلها تكمل حياتها مع خطيبها
لأنها اذا حاولت ترجع لاخوه رح تجرح خطيبها الى ماله ذنب بالعكس جاها من الباب وقدرها
صدقيني بتدندم لو حاولت تترك خطيبها او صارحته بشي
بتدخل بمشكله مالها تالي يعني ممكن الأخ يحقد على اخوه وتسير تفرقه وهي السبب فيها واحتمال كبير تخسر الإثنين
فلازم تختار شئ من الإثنين:
إما تستمر على وضعها
اوتنسحب بهدوء من الأخوين بدون ذكر اسباب اذا كانت حاسه ان قلبها ممكن يخونها مع اخوه بعد الزواج
والله يتمملها على خير ويهديلها بالها ويبعدعنها وسواس الشياطين يارب

بصراحه الخطوبه من بدايتها خطأ هذا رأي بصراحه ودون زعل كان من الأجدر أن تقطع علاقتها بالشخص الأول وأن ترد أخيه الخاطب حالياً لأنه فيما بعد سيكون للماضي آثار سلبية كبيرة عليها حيث ستبقى تتذكر الأيام السابقة مع أخيه عدا عن نفسية هذا الرجل لا يعلم بها إلا الله ولا أحد يعلم ما الذي قد يقوم بعمله اتجاهها أنا لا أريد أن أخيفك ولكن هذا رأيي

__________________

السؤال اللي بيطرح نفسه هوا ليه كان يقلها انه بطل ياكل اذا كان هوا رفض مبداها وقالها انا مااقدر اسيب خطيبتي هل كان يتسلي رغم انه المكالمات مااستمرت كتير بيهم امكن 4 مرات فقط بالجوال انا الشخص اللي خطب البنت بيعشق خطيبته امكن اي شئ تبغاه او ماتبغاه بيجبلها هوا ودا سبب احساسها بالضيق لانها بدات تحبه بس لمن تتذكر الموضوع تدايق.

شكرا لمن رد بس ارجوا ان تعطوني ردود اكتر وشكرا لكم