الهدايا بين الخطيبين حركة حلوة ولأ لا ؟؟؟؟؟؟؟؟؟؟؟؟
السلام عليكم ورحمة الله وبركاته، انا ملكت من خمس شهور تقريبا، بعد الملكة اهداني زوجي عطر بعدها رديت عليه بهدية عطر ونعال، بعدها جاب لي ساعة، والحين ، أنا محتارة شو اهديه؟؟؟؟؟؟؟؟؟ولا انتو تشوفونا مصخناها في الهدايا, لان كثرة الهدايا يصير مالها معنى..الله يخليكم ردو علي
واذا اهديته فيها شي لو قلتله ما باك ترد على هديتي عشان ما اخسرك لان وراك عرس ومصاريف!!!؟؟؟

__________________

الاقدار

برايي انا بالعكس الهدايا حلوه تزيد الود وتكون والله ذكريات حلوووه

مع العلم انا ماخطبت

__________________
"لا تخلي الزمن يغير فيك خطوط التكوين البريئة
ينسيك الطفل اللي بيعطيك شكلك من اول دقيقة"

5خمس شهور فترة قصيرة.... أنا اقترح عليك تقللين من الهدايا شوي


عشان يصير لها طعم

__________________

الهدايا وماادراك مالهدايا ..

بس مو لازم تردي الهديه .. يعني لمن تهديه مو لازم تبيني انها رد لهديته ..

خلي وقت طويل بين هديته وه\يتك او اذا كانت في مناسبه سعيده حصلت له ..

ومو لازم تكون الهديه بنفس قدر الهديه المهداه لكي..

افتكر مره لمن كنت مع طليقي ايام الخطوبه .. كنت اهديه كرت فيه كلام يجنن ..ومره عجبته ... تخيلي لمن حصل الانفصال ورد اغراضي كلها مبعثره بالشنط الا هذا الكرت وضعه بمكان امان .. من شدة ماكان عاجبه .. يعني احترم الكرت حتى بعد الطلاق .. والهدايا الثانيه كلها كانت مرميه ومبعثره .. <<< بس حيبت ابين مقدار الهديه ماتكون بالقيمه بل بالمعنى

__________________


اللهم فرج كربتي ويسر امري واكتب لي الخير يارب

الهدايا تحببكم في بعض أكثر وتخليه يعرف مكانته عندك................بس أقترح ماتتكلفين يعني شي بسيط وعندي لك فكره وهو طالع من عندك أعطيه ورده وحده بس تكون جوري أحمر مع كرت فيه كلام رائع والله يوفقكم

__________________
سبحان الله وبحمده سبحان الله العظيم
ادعو لزوجي بالرحمه ولي بالصبر ولأبنته بالصلاح

مشكورين عاى الرد بس نسيتو الجزء الثاني من رسالتي وهو فيها شي لو قاتله لا ترد على هديتي لان وراك مصاريف وايدة للعرس ولا هذا كلام جارح.
لو يرد علي رجل يكون احسن لانهم ادرى بهاذي الامور

__________________

الاقدار

اختي الحبيبة,,,,اجمل مافي الخطبة هو الهداياو العروس مو ضروري ترد عهدية عريسها,,,,هو يريد ان يبين رغبته في الارتباط فيك...وانتي عندما تتقبلي الهدية وتظهري سعادتك بها هياجمل هدية له...ولا تقولي له لا تحضر هدايا من اجل تكاليف العرس...فقد تزعجه هذه الكلمة خصوصا ان الرجل لا يحب ان يرى انه غير كفء ماليا لعروسه...استمتعي بفترة الخطبة....
وجمع الله بينكما على خير

__________________

AqsaRose

أنا أقول لاتهدينه الا بعد الزواج بيوم راح يكون وقعها على نفسه حلو

لكن اذا ازعجك يقول وين هديتي مثلا أهديه قلم ماركة فخمة

والله يوفقكم:14:

__________________
اللهم لك الحمد والشكر
"ولئن شكرتم لأزيدنكم"

يا اختي

الهديه في معناها موب في قيمتها
يعني مثل ما قالوا الاخوان حاولي تهدينه شيء بسيط متواضع و له معنى كبيييييير
اما اوتقراف فيه خواطر وكلمات حب كتبتيها فيه
او اي شيء مثل هالنوعيه لا تتكلفين لانك اذا اهديتي له شيء غالي هو بيحاول يرد عليك بهديه في نفس و حدود السعر


بعدين لا تقولين له لا عاد تهدي شيء
تراها تحز في نفسه مره
هو ما اهدى لك الا وهو يدري ان وراه مصاريف عرس بس يقصد في معنى الرساله ( اثبات انه يحبك )
بعدين اقول لك شيء ترى هالهدايا لها طعم خاص
و رسائل تحمل في معناها الحب

و تاكدي انها بتقل بعد الزواج تدريجيا" بسبب انشغالكم في الحياه و الأولاد اذا الله يسر
يعني استمتعوا الآن

اهم شيء تكون على فترات يعني اما شهر او شهرين
او في المناسبات