السلام عليكم ورحمه الله وبركاته...

انا متزوجه من سنتين والصراحه لحد الان ما انا مش مرتاحه بزواجي وكل يوم يمر علي كأنه سنه....
انا عايشه مع اهل زوجي وزوجي معتمد على وجودهم معي بالبيت يعني ماخذ راحته بالطلعه والدخله...
واذا قلت له ابي اطلع قالي ليه انتي امبارحه طلعتي معاهم ...او يقول انتظري اخر الاسبوع ...او احنا امس طلعنا....او انا مش فاضيلج....!!!!
والله قهر يحاسبني على طلعتي معه وكأني طالعه مع حد غريب...
زوجي من النوع الي ما يحب يقول كلام حب وما يحب الجو الرومانس يعني عكسي تماما...
والله يشهد علي انا حاولت اني اغيره وبكل الطرق لكن ما في شي نفع بالمره..
حتى اني جلست معه كم مره وسالته اذا كنت مقصره معه وقالي انت مش مهتمه فيني!!!
كيف مش مهتمه فيه وانا طول الوقت وانا بالبيت اجهز اغراضه وطلباته واكله وغيره...!!!!
والله اني اي شي اسويه ما يملى عينه...

واذا زعلت ما يهمه يرضيني لانه عارف كذا ولا كذا راح ارضى من نفسي..
وغير كذا انه لما نختلف على شي يقولي موعاجبك الحين اوديك بيت اهلك...
بمعنى ثاني _ يهددني بالطلاق على اتفه سبب...
والله هالكلمه( الطلاق) اصعب كلمه قالها لي وخلتني افقد التركيز على التفكير ولما قالها اول مره لي صرت ابكي ومن يومها كل ما صار شي يرجع ويقولها لغايه صار الامر ما يهمني ما دامه مستغني عني انا بعد بستغني عنه...
وفي خاطري دعيت ربي(((( اذا هو خير لي يا ربي ترزقني بالذريه واذا كان شر لي يا ربي لا ترزقني بالذريه ))))..
ومضى على هالدعاء اكثر من سنه ولحد الان الله ما رزقني بالذريه...
وقررت اني برجع بيت اهلي خلال هذا الشهر اذا الله ما رزقني بالذريه..
لاني تعبت نفسيا وجسديا....


والله اني محتاره ومجروووحه من كلامه الجارح.....
دخيلكم ساعدوني و انصحوني شو اسوي..؟؟؟؟

وجزاكم الله كل خير..
ويعطيكم العافيه...


***
الاشراف /من فضلك سارعى بتغير الصورة الرمزية فهى مخالفة (صورة نساء)

حياك الله اختي ومعاليش الحياه بيلها صبر يا غاليه

حبيت اوضحك لك ان ثلاثه ارباع الرجال ما يقولون كلام حلو لحريمهم ليش ما ادري بس يعني مو بس زوجك حتى زوجي وزوجي الاف لا تخلي هذا شغلك الشاغل وحاولي تقيمي الحياه من ناحيه ثانيه

ثانيا انا مثلك ساكنه مع اهل زوجي وبدايه الحياه كان زوجي مثل زوجك متكل على اهله في كل شي وصبرت والله والحمد لله هو صح الحين مو احسن مره بس بدء يعتمد على نفسه وخاصه بعد وفاه والده وزواج اخواته

الشاهد من كلامي انك تصبري وحاولي تجيبي ورقه وسجلي عيوبه وحسناته وشوفي ايهم تطغى ولا يهمك تهديده بالطلاق يمكن تكون حزه زعل او يكون عصبي المزاج

الصبر زين وانا اختك ولا تهدمين بيتك من اول عاصفه تهب عليه بالعكس حاولي تقويه ولا تستسلمي وتقولي الحمد لله جات على كذاا لا خليك قويه وبكيد الانثى الي ربنا عطاك هو تقدرين تغيرين اشياء كثيره فيه وبالصبرر

انصحك لا تستعجلين يا اختي في الطلاق وفي روحتك عند اهلك حاولي تصلحين امورك واستخيري الله اولا واخير وادعيه انه يصلح زوجك ويسخره لك

والله يوفقك

أختي اذا على كلمه الطلاق

بعض الاحان الزوج يكون معصب او متضايق ومترفز فــــا بتطلع هالكلمه منه بس مو قصده


أما عن معاناه مع عيشتك مع
اهل زوجك فهذي ما أقدر أقولك غير الله يعينك عليهم وتحمليهم عشان خاطر زوجك


ومادري بس فكره انك تروحين بيت أهلك هذي مو حل منطقي بالمرة لأنك بكذا يمكن تزيدين النار حطب


ويمكن حجم الخلاف اللي بينكم يكبر زياده ...



الله يسعدك ويوفقك ويجعل حياتك كلها سعاده ويرزقك بالذريه الصالحه يارب

__________________

امل الحياه.. مشكوره اختي على ردك وانا صليت استخاره ثلاث مرات قبل فتره قريبه وعلى فترات مختلفه وكنت اقول نفس الدعاء الي ذكرته بالسابق.. وكل مره كنت اصليها بالليل ولما اصحى الصبح اكون مكتومه ومتضايقه جداااااا ....!!!!


ريم 2006..اللهم آآآآآآآآآآآآمين لنا جميعا...مشكوره اختي على الرد والدعاء.....

اخواني انا فعلا تعبت نفسيا من زوجي وافعاله لدرجه اني كلما تضايقت صارت تجيني آآآآلام في قلبي واحيانا ما اقدر اتنفس...
الحقيقه انا قلت لامي اني ما اقدر اتحمل واني خلاص راح اتطلق ولكنها وصتني بالصبر ..
بس لغايه متى راح اصبر...؟؟؟



***
الاشراف/ من فضلك سارعى بتغير الصورة الرمزية فهى مخالفة (صورة نساء)

فرفوووووووووووووشه تحملي .......


ولاتفكرين ببيت اهلك ابد