السلام عليكم ورحمه الله
اولا اشكر جميع القائمين على هذا المنتدى الرائع من اعضاء و مشرفين

انا احب استشير الكل هنا في موضوع يتعلق بي 00
انا يا طويلي العمر تقدم لي قريب لي اصغر مني بالعمر بسنه تقريبا يعني عمره 18 سنه ؟؟ ووللحين يدرس
و ما لي اي حق ارفض ولا ارد 00 صدقوني انا ما ابيه على سبيل دلع البنات على قولتهم ولكن لي اسبابي
اولها ان عمره صغيييييير يعني 18 سنه وش يدري عن هالعالم و زواجي منه راح يكون بعد سنه 00 و طبيعي راح تكون خبرته بالحياه زيرو
وكل ذا كوم و الولد كوم ثاني 00 يعني امه نفسها تقول عنه انه انسان ما يهمه شي اسمه بنات ولا يلفتون نظره اصلا ؟؟( طبعا قبل ما تخطبني هالكلام )
و اصلا انا ما اظن اني راح احس بالامان مع انسان مثله 00 اكيد متفقين معي ان المراءه لا ارتبطت بانسان تبي تحس ان وراها رجال
صعب جدا اني ارفض لان الوالده الله يهديها عندها مبدأ أني ارفض انسان تقدم لي معناه ان ببالي غيره ؟؟ على الرغم من انها انسانه دارسه و مربيه اجيال لكن هذا تفكيرها ..
الى جانب ان رفضي له راح يسبب مشاكل بالعائله ..و 00 و 000

ابي رايكم 00 لاني فعلا بحاجه لوجهات نظر ناس متفهمين و مجربين مثلكم

و جزاكم الله الف خير ..........