أخواتي حابه أسألكم من جربت حملت بعد ولاده قيصرية
بست شهور لأني والده قيصرية وزوجي يبغاني احمل على طول ورافض إني أستعمل
موانع للحمل والدكتوره قالت لي أفضل شي تستني سنه
لكن لو ما قدرتي 6 شهور كفاية بس والله أنا خايفة أصلاً ما امداني
أرتاح من الحمل الأول وبعد العملية كمان
واللحين قربت تخلص 3 شهور يعني باقي 3 بس
ودي أشوف تجاربكم ورأيكم ومنكم نستفيد

و على شنو زوجج مستعجل يا اختي انا عايشه اب دولة ليست بعربيه و الكل يمنع الحمل الا بعد مرور سنتين هذي صحتج كلميه و قنعيه انج مريتي اب ظروف حمل غير عاديه و لو يحبج يحترم و ينطر الياهال ما يطيرون مع الوقت يجون و اذا مصخها خل احد من اهلج يكلمه ماله حق صراحه
اختج بني

أنا أقولك ليش مستعجل لأن لنا 12 سنه متزوجين
وجبت بنتي الأولى بعد 4 سنوات إنتظار السنه الخامسه حملت
وبعدها جلست 7 سنين وتوي أجيب الثانية
تخيلي بين الأولى والثانية 8 سنوات
عشان كذا مستعجل ما يبغى يروح العمر على قولته
ووالله حاولت أقنعه على الأقل سنه بس مو راضي
حتى أقوله أحمد ربك الله اكرمنا ورزقنا في وحده أعرفها لها ألحين 18 سنه
وتتمنى لو تجيب واحد بس يا ولد يا بنت أي شي بس تخلف
وعلى قولها تقول بعدين خلاص ما أبغى احد
الله يرزقها يا رب وكل محرومة -- وبعدين حكاية أخلي أحد من اهلي يكلمه
مستحيل عمري ما دخلت أهلي أو اهله في أي شي من أمور حياتنا
لو يصير ما يصير
عشان كذا ودي أعرف إذا احد مجرب عشان أطمن
وآسفه على الإطاله

اختي الحمل بعد القيصري ممكن يسبب فتح الجرح واعادة العمليه القصريه في الحمل الثاني
حاولي تستني شوي على الحمل الثاني وقوليله كلم دكتور نسائي واذا مافي خطورة بحمل ...

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

أشكرك على المرور والتجاوب معي وفقك الله لما يحبه ويرضاه

اختي الغالية
أنا ولدت قيصرية واعرف ان يجب ان تنتظرين سنتين حتى يلتأم الجرح وفي أمريكا لو الوحدة تولد قيصرية يولدون كل اولادها قيصرية على طول حتى لو ما يوجد سبب ولكن لأانهم ما عندهم امكانيات لأوقاف النزيف لو حصل (شوفوا تخلفهم) ولكن اعرف في البلدان العربية هذا يختلف...والله يوفقك

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ

مشكوره يا غاليتي يا مشمشة عمري
على ردك وما اعتقد إني راح انتظر سنتين اللحين يالله نحاول نقنع أبو الشباب
بالسته شهور تبغيني انتظر سنتين ما تدرين إلا وأنا أقولك بعد 4 شهور إن شاء الله إني حامل
بإذن الله وبعدين وش حكايتهم في امريكا يجزرون خلق الله بدون سبب وما عندهم امكانيات لإيقاف النزيف
صدق تخلف لا ويقولون عندهم كل التقدم ( الحمد لله ) .
عموماً حبيبتي مشكوره والله يجبر مصيبتك ويخلف لك خير منها ويرزقك الزوج الصالح الذي يخاف الله فيك
ويحبك ويحن عليك آمين يارب العالمين ويرزق كل بنات المسلمين

أعرف وحده من قريباتي ولدت قيصري وحملت بعد النفاس على طول نسيت تاخذ حبوب منع الحمل


ولما قالت للدكتوره قالت لها مافيه مشكله بس الأفضل ننتظر سنه الى سنه ونصف بعد العمليه


بس لو صار حمل ما فيه أشكاليه


بس قريبتي راح يولدونها بنهايه الشهر السابع وبنج مو كامل عشان هي فيها مرض القلب بعيد الشر عنك

وماتتحمل عمليتين قيصريه ورا بعضهم وبنج كامل ,,


أدعوا لها ربي يسهل عليها لأنها مسكينه لسى صغيره وفي غربه لحالها مع زوجها وبنتها اللي عمرها 9 شهور وولدها صغير عمره 4 سنوات

__________________

__________________

أختي أسماء
ألف شكر لك يالغالية طمنتيني الله يطمن قلبك صحيح الأخوات ما قصرو
بس ردك أثلج صدري وريحني وبالعكس حمسني زياده إني أوافق زوجي
وأتشجع لأنه فعلاً صبر سنين ما قصر وما راح استخدم موانع والله يسهل أمري وأمرك وكل المسلمين
أشكرك يالغالية وربي يسعدك في الدنيا والآخره ويتقبل منا ومنك صالح الأعمال
دمتي برعاية الله