اولا اشكركم على هذا المنتدى الراااائع
ثانيا مشكلتي مرررة صعبة!!!! وهي
انا حبيت وحدة قريبتي من خمس سنوات وهي تصغرني ب7سنوات وقلت لازم اصارحها وابدأ معاها اول شي خوفا من المشاكل الاهلية لو اني تقدمت ورفضتني ......
وفعلا قمت بمصارحتها وقلت لها فكري ومعاكي وقت انا ابغاكي على سنة الله ورسوله اذا بغيتيني اغلق دراستي واتقدم واذا ما بغيتيني اعتبركي اختي عشان متصير حزازيات بين الاهل ولا كان شي صار .......
انتظرت وردت علي بعد ست اشهر بالموافقة وكان عمرها ذاك الوقت 14 وانا 21 .......
عشنا ايام حلوة في البداية وصارت في مكالمات بينا من ورا الاهل.......
وفجأة تغيرت وقالت انا ما ابغاك سألتها ما عطتني جواب مقنع ........
بعد ما تخرجت من الجامعة والتحقت بالعمل في منطقة اخرى كلمتها وقلت لها انا عشت معاكي احلى ذكريات واذا انا غلطت في شي فسامحيني......
بعدها باربع شهور كلمتي وقامت تبكي وانها ما تقدر تستغني عني ورجعت معاها من حبي لها وسامحتها وقالت انه هناك تاثيرات من ناس حواليها المهم رجعنا مع بعض وتم الحب......
خطبتها كما وعدتها بالرغم من ان الوالد ما يبي من الاقارب لكن قلت له يا هذي البنت يا مازوج وفي الاخير قبل الوالد عن رضا.......
ملكت عليها صار اتصالاتها قليلة وتتضايق لما ادق عليها بحجة انها تنحرج من اهلها......
سكت وبعدها ما اتصلت عليها الين ما صارحتني انها تحس انها ما تبغاني قلت لها اوكي احنا على البر اذا ما تبغيني يابنت الناس اوكي فكرت وقالت ابغاك ولا اقدر استغني عنك
كملت معاها وبديت احس انه في شي بس ابغاها تتكلم......
المهم تم الزواج وسافرنا شهر عسل ودلعتها من كثر ما احبها لكن احس انها بعيدة الين ما رجعنا من السفر وكانت تقول مابغى حمل ذحين........
استغربت بزيادة المهم الين ما جلست معاها جلسة مصارحة وقالت ما فيها ......عارفين ايش هي.....
قالت لي ابعترفلك بصراحة انا في واحد بحياتي وماني قادرة انساه ولا احس معاك ولا بشي.......
قلت لها ليه طيب ليه مااخذتيه قالت اهلي ما يزوجوني له انا عارفه تعلقت فيك بالبداية لكن احس اني ماني قادرة انساه .......
وورتني الرسالة حقته يوم زفافها.وقالت انا خايفة اني ما أتقلم معاك قلت لها يا بنت الناس فكري على مهلك معاك الوقت كله واذا ما بغيتني اردك لاهلك واقول اننا ما تفقنا وخلاص......
سالتها بتاخذينه لو اني تركتك واهلك وافقوا قالت ايه.......
قلت لها اهم شي فكري بس رجاء لا تحني علي اذا حبيتيني بصراحة قوليها لي الا اللعب بالمشاعر ......
بصراحة عجبتني صراحتها مع اني مجروووح.. اني جاس احبها الخمس سنوات هذه وهي حاسة مو حاسة!!!.....
وقالت انا والله ما كلمته خلال الفترة الخمس سنوات كلها الا قبل ملكتي وقلت له انا خلاص بازوج........
فجاة بعد ساعة قالت والله اني احبك واموت فيك ومن قلبي انت كبرت في نظري اكثر من اول والرسالة برجعها لصديقتي تعطيها اياه باني انا ما قريتها...
لكن انا ابغى انسى ما ني قادر كل ماحاولت اضمها اخاف اكثر لدرجة انها حلمت قبل يومين ونطقت باسمه وحست بنفسها وقامت تضمني وتقولي لا تبعد عني...
ايش الحل كيف اعرف وكيف احس انها تحبني مع اني سامحتها لصراحتها .......
وقلت لها انتي قلتي انه في واحد بحياتي وفجأة شوي احبك سألتها كيييييييييييف؟؟
قالت خاني التعبير انا كنت وانا معاك واشوفك تحبني قلت لازم اقلك عشان ارتاح ما ابغى اخبي عليك لاني ما تعودت اخبي عليك شي وانت الوحيد بحياتي ......
وقالت مابغى تغير معاملتك معاي.....
مادري ايش اسوي اثقل عليها اقلل من كلام الحب ولا ابقى زي ما انا سااااااااااااااااااااااااااعدوني جزاكم الله خير واسف على الاطالة......
13-09-2006, 02:03 AM
ضوابط المشاركة
العرض العادي
