السلام عليكم ورحمة الله وبركاته

شخباركم اخواني وخواتي ؟؟


انا صار الحين اسبوع من تكلم معاي الوالد بخصوص ولدخالي ( الاسمر ) الي جاء يخطبني

المشكلة انه ولد خالي ماشفته في حياتي الا مرتين او ثلاث بس يعني ماعرف شكله عدل وانا الى الحين ماقدرت اتخذ القررار الوالد والوالدة تكلموا بعدين اسكتوا عني عشان اتخذ قراري لحالي بدون لا احد يضغط علي بس المشكلة انا حاسه روحي ضايعه وانا افكر لحالي

هل عادي اني اطلب صورته وانا ماوافقت ولين الحين افكر ولا عيب اني اطب قبل لااوافق لانه حته لو طلبتها احتمال الرفض والقبول كبير لانه انا لين الحين في النص اوقات ارتاح واقول راح اوافق واوقات اتردد واقول احسن حاجه ماجازف

وثاني شي ياخواني

انا استخرت امس بس ماحسيت اي حاجه ولا حلمت بشي يعني قمت عادي مثل اي يوم ماحسيت اني مرتاحه ولا حسيت اني متضايقه شاااااااااااااسوي

اتمنه من الخوات الي انخطبوا وتملك عليهم يقولون لي شلون اتخذوا قرارهم لانه صج محتاجه حد يتكلم معاي بالموضوع لان الكل ساكت


مع جزيل الشكر :

اسيرة قطر

ايه طلبي الصوره عادي وياليت تجيك الصوره من طريق بنات خالتك احسن يكون

ربي ينور قلبك يارب


الاخ الكريم ما زلنا ننتظر منك تغيير التوقيع / البتول

__________________

حبيبتي اسيرة قطر انا ما اتملكت بس اتخذ قراري وملكتي قريبه ان شاء الله واحس اني بفيدك ان شاء الله

اولا الاستخاره ما تبين بحلم والا بعدم راحه من اولها الاستخاره بعدها الواحد يا يحس براحه وتتسهل الامور والا ما تترتاحين وتتسهل الامور وبعدها تترتاحين او ماتتسهل وبعض الاحيان ماتحسين بشي ونفس الشي تتسهل او لا فاللي قالك انها تبين ثاني يوم او بحلم غلطان لانها ما تحصل مع الكل

انا يوم انخطبت طلبت من امي تقولهم اول ما يجون للخطبه تكون صورته معاهم مافيها شي بالعكس مو عيب من حقك ويم استخرت ما حسيت بشي حلمت بحلوم كثيره بس انا منالنوع اللي ما احب افسرها لانها تتفسر قدامي بعدين محتاره ويوم قالوا لي الملكه بعد سنه امي ما عجبها الوضع وانا تضايقت شوي مو عن اني مستعجله بس ما ادري ليش بعدها اتخيلي دقوا علينا وقالوا الملكه بعد اربع اشهر تفاجات لاني دعيت ربي واستخرت مره ثانيه يوم حسيت بالضيق

آسفه طولت عليك بس زبدة الموضوع اطلبي الصوره وقولي لاهلك مو طلبتها عشاني وافقت يمكن ما اوافق مثل ما قلت لاهلي

والله يكتب اللي فيه الخير

بالتوفيق

__________________

حياتي سوف تبقى ورديه وسوف يبقى قلبي قلب طفله

ادعو لي

:14: ان يجمع الله بين قلبي وقلب خطيبي في القفص الزوجي:14:

عادي حبيبتي يجب أن تطلبي الصورة فهذا حقك كما أن لها أكبر الأثر في تحديد خيارك ومن الأفضل طلبها الآن قبل أن تحددي موقفك بالموافقة أو الرفض

أسأل الله أن ينير قلبك وبصيرتك لما فيه الخير والصلاح لكي بالتوفيق عيوني

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!

اختي الكريمة ، اولا الاستخارة ليس بالضرورة ان تحلمي بعدها ولا ينبغي الاعتماد على الاحلام في تفسير نتيجة الاستخارة .

اما بالنسبة للصورة فهي لن تعطيكِ فكرة واضحة لانها خالية من الروح ، كثير من الاشخاص في الصور يعطوا فكرة مغايرة تماما عن حقيقتهم .

ولكن اين انتِ من الرؤية الشرعية ، تشوفيه وتتحدثي معه ؟ لتكتشفي ان كان لديكِ ميل اليه ام لا .

ايه اطلبي صورته ما فيها شئ


الله ييسر امورك عزيزتي

__________________

احلى شي تعليق خللك ايجابي ههههههههههههههههههههه

اختي العزيزة مو عيب تطلبي صورته وعشان ترتاحي اسالي اهلك او احد قريب الك يعرف ابن خالك اسالي عن اخلاقه وعن تدينه وصلي وادعي ربي
لو تعرفي اختي العزيزة انا كمان انخطبت من شاب في حياتي ماشفته وهو كمان واليوم اللي شفته فيه يوم النظرة الشرعية ، طبعا انا ما بعرفه بس سمعت عن اخلاقه وتدينه وصليت استخارة والله انشرح قلبي له ووافقت عليه والخطبة كانت من اسبوعين
وادعو ربي ييسرلك امرك ويبعد عنك اولاد الحرام ويقرب منك اتولاد الحلال وان شاء الله ربي يطمن قلبك

[QUOTE=خلك إيجابي !]




ههههههههههه الله يقطع ابليسك

أنا معاها


تحياتي .... تيناوي