عيشي حياتك وماعليك من كلام الناس

زوجك ماقصر اعتذر وباين انها مشتاق لك

بعدين انتي لا اول ولا اخر وحدة تختلف مع زوجها

انسي الماضي لاتخلين زوجك يندم انه رجعك

الله يوفقكم ويجمع بينكم في خير

الله يوفقكم ويسعدكم لاتهتمين بكلام الناس اهم ماعليك راحتك وراحه زوجك

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

وانتي وشعلييج من كلااام الناااس ،،، والله ما يقدم ولا يأخر،،،

اختي طنش تعش تنتعش / لا تنقهر ما على قلبك امـــر ولا تنصدم ان لقيت اقرب اصحــآآبك يحـــش,,

لا تنااقش من يذمك واللي حــــآآصل لا يهمـــك،لو يهمك شفت قلبك من هموومك ينفرش,,
تــــدري لوو تعطي جرووحك وجه تبتلــــــــش,,,


بالتووفيق ،، استمتعي بحياااتج وطنشي الحسسساد والعذاااال،، محد بينفعج محدددددددد

__________________

اول شي الف مبروك على رجعتك لزوجك و ربي يسعدكم ويسخركم لبعض

شوفي يا قلبي انا قبل سنه صارت مشكله بيني وبين زوجي و رحت عند اهلي وجلست بس اسبوع
وجا و صالحني وتاني يوم جا اخذني
بس اهلي كلهم معارضين رجعتي له بالساهل قالوا لي على الاقل استني يومين وبعدين روحي
بس انا اعترضت لحاجه في نفسي

وصرت مثلك ماني راضيه اكلم احد من اهلي ولا الناس اللي عرفوا بمشكلتي (مشكلتي محد عرف بها غير اهلي و كم وحده من معارفي)
لاني حسيت اني ارخصت بنفسي
وجلست كم يوم على دا الحال الين هديت بس ما بينت لزوجي اني متضايقه من دا الشي

هدي يا اختي اللي يصير معك شي طبيعي بس لاتخليه ياثر على علاقتك بزوجك
ادلعي عليه دي الفترة
والله يبعد عنكم شياطين الانس والجن

الله يبآرك فيكم في جميع امور حيآتكم ويسر احوالكم ويحفظكم بحفظه~


الحمدلله الي مريحني اني استخرت ربي قبل كل شي~ ودعوت ربي من كل قلبي ان يجعل من امري خيرآ

في كل الاحوال~


يخونني التعبير عندما اشكركم على التفاعل معي

بردودكم التى تثلج الصدر جزآكم الرحمن خير الجزآء

لن انسآكم بالدعاء

ولن استغنى عنكم سأكون معكم ~

ادعولي بأ ن ربي يحفظ لي زوجي وابني من كل شـــــــر


ربي الهم من بقلبه الهم الصبـــر كمآ الهمتني~

ربي يالي بيدك تقليب القلوب ثبت قلوبنآ ع دينك~

فليس لنــآ من بعد اقدآرك الا الدعآء لكـ فبيدك الخير كله~

اللهم لكـ الحمــد حمدآ كثيـــرآ طيبآ مبآركـــآآ فيمــآ جآزيتنــآآ من امور حيآتنآآ

فبيدك الحكمه~

فأنت ترأف بعبدك فليس لعبدك منك مفر~

فكتبت له من قبل ان يخلق مقآدير حيآتـــه وخلقت له قلب يأنس بقربكـ فسبحآنك العظيم~

اللهــم لا تجعل انسنــآ ورآحتنـــآ الا بقربك ولا منجآه من هم الا بقربكـ

يآحي يآقيوم~

الحمد لله ، الذي لا يحمد على مكروهاً سوااه.

الى وصلتوا له ممتاز ، حاولي تحافظين على بيتك ورجلك.

ولا يهمك الناس وكلام الناس ، ان كانك تبين ترضينهم بتتعبين ، وبيروح عمرك خساره.

عيشي حياتك مثل ماتبين، مو مثل هم مايبون ، و عيشي حياتك لا حياة غيرك.

ترى كلام الناس يبون يسوون الي يبونه فيك وببيتك ورجلك ، ولكن لا تعطينهم مجال، وشلوون؟؟ با الله سبحانه وتعالى وبا المحافظه على زوجك . اتوقع كلامي واضح ولا ابي اسهب في الشرح.

ارجع واقول عيشي مثل ماتبين.

الله يوفقنا ويوفقك.

__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.

مشكــوره دلوعه ابــوهآ ع تفآعلك معي واردودك مرة تسعدنــي اسعد الله ايامك دنيا وآخره ودي بصرآحه اقدر احاكيك بشكل خآص~
ومسأله المسج والله الرجال يختلفون رجلي لا يمكن يحن اذا صارت مشكله كبيره زي كذآ وبرجع بسهوله لأنه عنده ضغط من ابـــوه واهله لأن هو يسمع كلامهم كثير من امور حيآته~مع اني سويتها في البدايه بس ماحولي احد~
المهم":
بقولكم ايش صارلي امس
ابو زوجي دق ع ابوي وقآله انبنتك هي غلطآآنه و و و.... انا لو مكان ولدي كان طلقتهآ وووو و
وان تصرفاتها هذي وش نهايتها هل هي ببتعدل ولا كيف وووو
وانهم بيجون بأجآزه الاضحى~ لبيتنا وينتفاهم وش يكون بيننآ

ونا بصراحه قهرتني كلمه ابو زوجي انه يقول لو هذي زوجتي كان طلقتها وش قصده يعني~؟
وكيف رآح اوآجهه بعدين وهو يناظرني هالنظره؟لأن بصراحه هو شخصيه وغير كذى كان يشوفني غير وكنت دايم اتكلم معاه بعقليه حلوه وهو كان ينبسط مني والحين طحت من عينه اشغلني هذ الامر بصراحه

والله وقت ابوي يقولي السالفه بجد والله حامت كبدي وين الاقيها منه ولا من ابوه كيف يتعاملون معي احس اني متخلفه وغبيه ووو...كيف اعتذر وابرر وابين ان ولدهم بعد غلط ...
قولولي الله يسعدكم دنيا واخره كيف اتصرف ووش راح اتكلم واقول اذا جو لبيتنا
وش ارد عن غلطاتي وهو رده فعله كانت غلط؟؟

كيــــف؟!

الله الى عيد الاضحى ؟

والله وقت طويل

اما بالنسبه لكلام ابو زوجك

اعتقد ان حمولتك من النوع اللي المراه لا ترفع صوتها نهائياً على الرجل وان حصل ورفعت صوتها او تهاوشت معاه مصيرها الطلاق لا رجعة فيه

الا كانها اعتذرت عن هالشئ اللي حصل

فهميهم السالفه كلها من الألف الى الياء

فهمي ابوك الوضع ولا تخلينه يوافقهم ويقول البنت جاهله وغلطت ما تدري كانت متضايقه

بكره كل كبيرة وصغيره بنوديك بيت اهلك ونطلقك ولا تعقلين

ابوك يصير على بينه باللي حصل

واذا جا يتفاهم معاهم يقولهم جيتكم اليوم علشان نتفاهم على خطأ الولد وخطأ البنت

يقولون اللي عندهم عليك وتقولون اللي عندكم عليهم

والله يكتب اللي فيه الخير

وتعتذرين على اللي سويتيه وما تكررينها وخلاص