الله يكون بعونك حبيبتي

وعليك بالدعاء واسئلي الله أن يكتب لك الخير

يعني بصراحه المشكلة ما تستحق كل الي حصل

لكن تدخلات الاهل كبرت الموضوع مررررررررره وما راح تستفيدين منهم غير كثرت نقل الكلام في المجالس

المطلوب منك عدم الحديث في هذا الموضوع ابدا

واشغلي نفسك بكثرة الطاعه والاستغفار والصلاة لعل الله ان يجعل لك مخرجا

أسال الله أن يصلح بينكما وأن يحنن قلب زوجك عليك

__________________


اللهم إني أسألك عيش السعداء ومنازل الشهداء والحشر مع الأنبياء...آمين

اسعدني مروركــ سديم السمآْْء

الله يسعدك دنيا وآخـــرهـ

الله يعينـــي ويفرج همـــي لأني الا الآن وضعي ع الصآمت ولم يحصل شي

الله يستــر بس دعوآآتكم ان ربي يكتب لي الخيــر..’

مرحبآآياليت فيه احد يرد علي

اليوم صار شي
خالتي ام زوجي دقت علي عن طريق رقمي الجديد

وقالت انه بياخذون ولدي علشان يشوفونه..

علشان ذيك المره زوجي دق ع ابوي وابوي مارد لأنه انتظره وبالاخير نام واصلا ابوي ناويها علشان كم مره يفشله مايسلم عليه سلام رجال ويدخل بيته ويتفاهم بهدوء لو انه خلاص مايبيني.. يعني عيب بحق ابوي

وهي أخذت رقمي من جدتي علشان كذى ونا ماودي فرحاته ان رقمي تغير علشان لو يبون شي عن طريق ابوي وبس..

هل هذآ؟ اهانه لأبوي.. انه مارد عليهم لأن ولدهم ماحترمه وسلم علسه زين ومادخل بيته وانه حلف مايدخل..

وللحيـــن انري معلق ماني عارفه اي شي؟؟

تكفوووووون شيرو علي؟؟

حبيبتي بايش تبغينا نشور عليك؟؟

قصدي ابيكم تشوورون علي

هل هذه الاشياء اهانه لي

1ـ وضعي الصامت ولا ادري كيف وضعي هل بيرجعلي او يتركني فتره او بيطلقني علشانه جاب اغراضي كلها..
2ـ ان زوجي مايكلم ابوي علشان ابوي حاول يدخله البيت وهو رفض وابوي ماحب الحركه هذي لذلك مايرد عليه..اذا بغى يتصل علشان ياخذ ولده بس مو علشان وضعي انا وياهـ...

3ـ اذا رجعت مثلا مبادره مني هل ذلك ايضا اهانه واذا اصبح منه كيف يصير مع انه علاقته مع ابوي بالتواصل منقطعه

والمطلوب بعد: كيف اذا بغى يرجعني كيف اتصرف وكيف هل اشرط..وكيف تكون صورتي عند اهله مع ان امه تكلمني طبيعي باالتلفون..

بس حبيت اريح بآآلي ادري تقولون اصبري وشوفي بس حبيت اكون عندي صوره تعبت من التفكير’’

حبيبتي

بجاوب عليك قبل انام

كل اللي قلتيه عادي
بس اذا رجعتي له من نفسك تعتبر اهانه كبيييييييره لك
وممكن ينوكل حقك
دامه جاب اغراضك يستاهل قرصه قووويه تخليه يتأدب
وامه ردي عليها حببيها فيك
بس لاتجيبي طاري ولدها بس تكلمو باخبار بعضكم والحفيد
ولاتكثري كلام معها حتى زوجك مايتطمن عليك من جهتها
لازم تكون اوضاعك مجهوله بالنسبة لزوجك ...
يعني مرات قفلي جوالك حتى ماتضطري تردي عليها
وبعد فتره خلي اختك ترد عليها وتقول انك بالمستشفى تعبانه وانها ماتتعرف انتي باي مستشفى
يمكن هالشيء يخوف زوجك عليك .....

عموما ً انتي اذا كلمتيها علطول هي بتوصل لزوجك
عشان كذا احذري ....وحاولي قد ماتقدرين انك ماتكلمينها بس بدون ماتحس او تزعل

وبالتوفيق حبيبتي.......ونسيت اقول لك لاتعطون ولدك اي احد الا اذا جاو عند الباب وطلبوه
عشان كذا قفلي جوالك اغلب الوقت او حطي خدمة مقفول

الله يهديك يونا
زوجها مستحيل يهينها انشالله ولا ياكل حقها

نصيحه من كل قلبي
خلي الكرامه على جنب
وحاولي ارسلي لزوجك كم مره
وقوليله سو الي يرضيك
حتى لو تبي تطلقني
انا غلطت عليك واستاهل الي يجيني
وزيدي عليها بذكريات حلوه صارت بينكم
عسى انشالله يحن ويشتاق


واذا رجعتي سويله اول يوم تروحون لبيتكم(انشالله)
حفلة صغيره وتظبطي والبسي((اكيد تعرفين مايحتاج اقول))
وقوليله ابيك تنسى كل الي صار وبنفتح صفحه جديده
وقوليله
قول لي كل شي كان مضايقك فيني وانا اوعدك اغيره
وقوليله بعد عيوبه الي ماودك يعيدها بس بأسلوب يعني لاتحسسينه انه كان يغلط
يعني قولي له بمياعه اذا اذا تسمح لي اقولك عن شي صغييييييييير مضايقني فيك
اذا بتغيره مرره احبك واذا ماودك احبك مرتين
وراضيه فيك بكل عيوبك<<صدقيني بهالطريقه تفرينه وتغيرينه على كيفك
وقوليله بعد انا عرفت غلطي وندماانه ووعد مني انشاالله ماراح اعيدها
صدقيني انا قد صارت مشكله كبيره بيينا وتدخلو اهالينا وكبرت
بس نشبت له لحد ماراضى
مع انه كان غلطان بس انا غلطت اني رحت لبيت اهلي ((يعني انا الي كبرتها))
والحين ماتتخيلين كيف كبرت بعينه
ماقال نزلت كرامتها
لا بالعكس صار ورب النعمه احسن من قبل بكثير
قسما بالله الحين اذا زعلته
يرضى قبل اراضيه
مع اني انا الغلطانه
حتى هاذيك المشكله كانت ااخر مشكله لانو بعدها انا عرفت وش الي مايبيه وهو عرف وش الي ما ابيه
واذا حصل وتزاعلنا يحاول يصلح الموضوع بسرعه

ونصيحه بعد الغيره مااالها داعي والله بس تنقص من قدرك
خليك ثقيله ولا تركضين وراه
يعني انا مثلا
اذا كنت بالسوق وشفت عين زوجي جت على بنت انهبل بس ما ابين له اني تضايقت ((لانه مو راعي مناظر بس ابليس))
المهم
ابين له اني متضايقه
طبعا هو يقولي خير وش فيك
اقول فيه واحد يطااالع فيني اكلني بعيونه
طبعا هو بينهبل
اذا قال وينه اقول راح شفه هناك طبعا هو يدور ويطالع مايلقى لانه مافيه احد اساسا
بعدين اقوله خلاص راح

الزبده
لااااااااتبينين غيرتك عليه
وولعي غيرته عليك
يعني كل يوم اطلعي بشي
مثلا
قولي واحد من اخوانك دخل بيت اهلك ومايدري اني موجوده وشافني مرره انحرجت
صدقيني اذا هو حس بالغيره عليك
بيحس بغيرتك عليه
هالطريقه مجربه والله

وارجع اقول لااااتنسين الدعاء
الله يهدي سركم ويصلح بينكم يااارب
سووووري ع الاطااله بس والله قاهرتني المشكله

ابين له اني متضايقه
طبعا هو يقولي خير وش فيك
اقول فيه واحد يطااالع فيني اكلني بعيونه
طبعا هو بينهبل
اذا قال وينه اقول راح شفه هناك طبعا هو يدور ويطالع مايلقى لانه مافيه احد اساسا
بعدين اقوله خلاص راح

الزبده
لااااااااتبينين غيرتك عليه
وولعي غيرته عليك
يعني كل يوم اطلعي بشي
مثلا
قولي واحد من اخوانك دخل بيت اهلك ومايدري اني موجوده وشافني مرره انحرجت
صدقيني اذا هو حس بالغيره عليك
بيحس بغيرتك عليه
هالطريقه مجربه والله

كل نصائحك مناسبه , ولكن آخر نصيحتين مبنيه على الكذب وتخرب بيوت .

مشكــوره دلوعه ابــوهآ ع تفآعلك معي واردودك مرة تسعدنــي اسعد الله ايامك دنيا وآخره ودي بصرآحه اقدر احاكيك بشكل خآص~
ومسأله المسج والله الرجال يختلفون رجلي لا يمكن يحن اذا صارت مشكله كبيره زي كذآ وبرجع بسهوله لأنه عنده ضغط من ابـــوه واهله لأن هو يسمع كلامهم كثير من امور حيآته~مع اني سويتها في البدايه بس ماحولي احد~
المهم":
بقولكم ايش صارلي امس
ابو زوجي دق ع ابوي وقآله انبنتك هي غلطآآنه و و و.... انا لو مكان ولدي كان طلقتهآ وووو و
وان تصرفاتها هذي وش نهايتها هل هي ببتعدل ولا كيف وووو
وانهم بيجون بأجآزه الاضحى~ لبيتنا وينتفاهم وش يكون بيننآ

ونا بصراحه قهرتني كلمه ابو زوجي انه يقول لو هذي زوجتي كان طلقتها وش قصده يعني~؟
وكيف رآح اوآجهه بعدين وهو يناظرني هالنظره؟لأن بصراحه هو شخصيه وغير كذى كان يشوفني غير وكنت دايم اتكلم معاه بعقليه حلوه وهو كان ينبسط مني والحين طحت من عينه اشغلني هذ الامر بصراحه

والله وقت ابوي يقولي السالفه بجد والله حامت كبدي وين الاقيها منه ولا من ابوه كيف يتعاملون معي احس اني متخلفه وغبيه ووو...كيف اعتذر وابرر وابين ان ولدهم بعد غلط ...
قولولي الله يسعدكم دنيا واخره كيف اتصرف ووش راح اتكلم واقول اذا جو لبيتنا
وش ارد عن غلطاتي وهو رده فعله كانت غلط؟؟

كيــــف؟!

بسألك سؤالين
1-انتي قبل المشكله كنتي مدلعه زوجك يعني كنتي مهتمه فيه مررره وحاطته بعيونك ومريحته؟؟
2-انتي مرتاحة فبيت اهلك الحين؟؟
يعني لو لاقدر الله تطلقتي
بتكوونين مرتاحه وبتحمدين ربك الي فكك من زوجك
والا لأ؟؟

قلبي فكري لبعدين
احس بيت اهلك مو مريح ابدا بالنسبه لك
انا امي وابوي الله يطول عمرهم معاي بكل كلمه
وبس يناظروني
وانا الصح والعالم كلها غلط
واذا صار شي او سافر زوجي ونمت عند اهلي يطيرون من الفرحه
بس قسما بالله تضيق فيني الدنيا
احس مابي اهلي مابي احد الا زوجي
((نار زوجي ولا جنة اهلي))
اكره كل شي بدونه
واقوله انت كل شي بالنسبه لي
غلاك وصل غلا امي وابوي واهلي كلهم
حياتي بدونك ولا شي
بس اذا جا يوم وبعتني برخيص
صدقني ببعيك ببلاش
وماراح تنزل دمعه عليك
مادري اذا انتي تحبين زوجك مثلي؟؟؟؟؟

انا لو بمكانك بتمسك بزوجي وبمنع اي احد يتدخل لا من اهلي ولا من اهله
ومدامك ما سمعتي منه شي وما كلمك وقال عافتك نفسي
او انا خلاص طاب خاطري منك ما ابي ارجعك
تمسكي فيه
هو وش مصبره للحين ما طلقك صدقيني بيحسسك بغلطتك بس
والا هو شاااريك والا كان طلقك وقت الهوشه
ليني راسك شوي وتنازلي
وكرامتك خليها هاليومين على جنب واذا رحتيله رجعيها

اذا تقدرين خوذيلك كم لبسه وروحي لديرته
مستحيل يطردك
بينبسط فيك صدقيني
واذا ((لاقدر الله))
سمعتي (انتي) منه ما ابيك
قولي انا مابيك مرتين مو مره
بس الحين هو زعلان وبيأدبك بس

وحطي فبالك ترى انتي غلطتي عليه وعلى اهله الي ما احترمتيه قدامهم
وصدقيني اذا لاقدر الله انفصلتو بيحكون عنك طوووووووووول عمرهم
انك ماتربيتي ولا تستحين و و ........الخ
بس لو تراضيتو ان شاء الله لا
اذا رحتو لهم وشافو ولدهم مبسوط منك وانتي متأدبه معهم ولا كأن شي صار
كم يوم وبينسون


مرره ضيقتي صدري
ذكرتيني بمشكله صارت بيننا وكبرت
ومرره تعبتني
احس انك مثلي بس
انشالله تنحل مثل ما انحلت مشكلتي
وتصير نقطة تحول بحياتكم للأحسن ان شاء الله

واررررجع اقول الدعاء
اهم شي
الله يسخر لك زوجك واهله
وابوك ويحننهم عليك
ياااارب
سوري ع الاطاله