السلام عليكم اخواني واخواتي
انا واحد مطلق ( بطلب و بضغط كبير من طليقتي ) من 3 سنوات و عندي 3 اولاد وعايشين عندي والحمدلله. استمر زواجي 11 سنه تقريب

حقيقه شفت وحده معاي بالدوام وفيها كثير من المواصفات الي ابيها لكني متردد لسببين :-
- انها لم يسبق لها الزواج ( محتاج اتاكد اكثر ) وانا مطلق وعندي وأولاد
- انها مهندسه وانا اداري. احس هالفارق امسويلي شوية حساسيه

حقيقه غير انها جميله. البنت عقلها كبير و مو تافه نفس بنات هالوقت والجميع يثني على أخلاقها و انها ملتزمه بالصلاة بشهادة ناس بالدوام.

في شغله ثانيه محيرتني ان مع كل هالمواصفات للحين ما تزوجت وعمرها الحين 31-32 سنه ) ( انا 36 سنه ) وبالدوام في الكثير مهندسين و إداريين و غريبه ما جاها نصيبها لحد للان او يمكن الي معاها متزوجين ما ادري.

شرايكم؟

بختصار كيفها معك

وين المشكلة اذا كنت إداري وهي مهندسة ؟ اذا عاجبتك إستخير وتقدم لها

الناس تشتري رجال مو مناصب ،،

بخصوص ليش للحين ماتزوجت ترى عادي نصيب ياأخي يمكن تقدمو لها وماإرتاحت أو سألو وماعجبهم الخاطب في أسباب كثير قريبتي جميلة جدا ومشهوره بجمالها ولليوم ماتزوجت وهي بمنتصف الثلاثين سبحان الله ماالله كتب لها الله يرزق كل بناتنا بالأزواج الصالحين

__________________
الصّمت هو النُقطة الأخَيرة لكُل الأشياء الموُجعَة .!

لاإله الا أنت سبحانك إنِ كنت من الظالمين

هلا الشيخ
ما كلمتها ولا مره ويمكن شفتها 4-5 مرات لانها في قسم ثاني.

صحيح كلامك بس هم في ناس اتهمها هالشكليات. المشكله الحين شلون اكلمها وللعلم ان اقدر ابعث لها إيميل الدوام و رقم تلفون مكتبها موجود على سستم الدوام بس المشكله اخاف اكلمها وترفض و يصير احراج لها و لي اذا صادفتها بالمستقبل. والله اني متردد ومحتار

لا تكلمها طلع بياناتها وإخطبها رسمي أهلك يتصلون على أهلها وتتم الأمور بطريقة رسمية إما قبول أو رفض ..
أوعى تكلمها راح أقولك موقف صارلي سابقا جتني وحدة بالجامعه وقالتلي أخوي شايفك وعاجبته وجايبني أكلمك وأسألك اذا لك خاطر وعرفتني على إسمها طبعا عايله جدا محترمه ومهمه عندنا بدون تفكير رفضت !! لأني إستحيت وإنحرجت تخييل إن إخت الشاب مو أهو شخصيا لذالك عشان لاتحرجها وتحرج نفسك وتمشي حسب الأصول إخطب بالطريقة المتعارف عليها

__________________
الصّمت هو النُقطة الأخَيرة لكُل الأشياء الموُجعَة .!

لاإله الا أنت سبحانك إنِ كنت من الظالمين

لاتتردد استخير وفاتحها في الموضوع يمكن يكون فيه احراج لو كلمتها مباشرة لو قدرت ترسل ايميل او تجيب جوالها وارسلها انا فلان واشتغل في المكان الفلاني ووضعي كذا وكذا وشوف رايها والله يكتبلك اللي فيه الخير
كثير مايتزوجو بدري في الزمن هذا بالذات اذا كانت تدرس في تخصص صعب او متقدم في الجامعة
كثير في الثلاثينات لازالو ينتظرون النصيب

__________________
العلاقة الشخصية تقف على عمود يسمى الحب والحب يقف على عمود يسمى التفهّم فإذا سقط التفهّم سقط الحب وإذا سقط الحب سقطت العلاقة

مرحباً أخي

إذا البنت عاجبتك ومرتاح لها وتراها تصلح زوجة لك

إستخر الله ثم اسأل عن البنت وعائلتها ثم أرسل أهلك يخطبون ويعطونهم مواصفاتك وشروطك إن وجدت وخلكم صريحين بكل ماتريدون ثم أطلبو شوفة شرعية إذا جات الموافقة عليك ثم توكل على الله وتزوج

أما كثرة الأفكار والترددات والتحليلات ماتصلح وتضعك في حيره وشك

خل هدفك واضح .. يا أبيض يا أسود .. وأترك جس النبض والتلميح والإيميل وغيره


وكمثل : أخوي عمره فوق الخمسين وعنده 5 أبناء ومطلق .. ثم تزوج بنت 36 سنة وراضية بالعيش مع أبنائه والحمدلله نسمع عنهم كل خير


بارك الله فيك

بس بعلق على نقطة وحدة ليش تستغربون اذا وحدة عندها مميزات
وماتزوجت ؟ !!!
اغلب المحترمات و الجميلات حظوظهم وفرصهم قليلة في الحياة.

إذا تشعر بميول كبيرة لها فيه طرق كثيرة للوصول إليها وطلب خطبتها
اجتهد في معرفة أفضلها وأر قها وتوكل على الله وخاطبها
مسألة انها مهندسة وأنت إداري، هذا مسألة سطحية جداً، ولا ينظر لها ولا يفكر بها إلا من كان آسير للعادات الخاطئة، فقد تكون البنت أرقى من هذا المستوى.
المهم ياسيدي أن تأخذ من تراها مناسبة لك، ودع تلك المقارنات الغير مقبولة.

__________________
ياصبحِ لاتِقبل !!
عط الليل من وقتك..