|
هل ممكن تقبل الزواج مني؟
السلام عليكم اخواني واخواتي
انا واحد مطلق ( بطلب و بضغط كبير من طليقتي ) من 3 سنوات و عندي 3 اولاد وعايشين عندي والحمدلله. استمر زواجي 11 سنه تقريب حقيقه شفت وحده معاي بالدوام وفيها كثير من المواصفات الي ابيها لكني متردد لسببين :- - انها لم يسبق لها الزواج ( محتاج اتاكد اكثر ) وانا مطلق وعندي وأولاد - انها مهندسه وانا اداري. احس هالفارق امسويلي شوية حساسيه حقيقه غير انها جميله. البنت عقلها كبير و مو تافه نفس بنات هالوقت والجميع يثني على أخلاقها و انها ملتزمه بالصلاة بشهادة ناس بالدوام. في شغله ثانيه محيرتني ان مع كل هالمواصفات للحين ما تزوجت وعمرها الحين 31-32 سنه ) ( انا 36 سنه ) وبالدوام في الكثير مهندسين و إداريين و غريبه ما جاها نصيبها لحد للان او يمكن الي معاها متزوجين ما ادري. شرايكم؟ |
رد: هل ممكن تقبل الزواج مني؟
بختصار كيفها معك
|
رد: هل ممكن تقبل الزواج مني؟
وين المشكلة اذا كنت إداري وهي مهندسة ؟ اذا عاجبتك إستخير وتقدم لها
الناس تشتري رجال مو مناصب ،، بخصوص ليش للحين ماتزوجت ترى عادي نصيب ياأخي يمكن تقدمو لها وماإرتاحت أو سألو وماعجبهم الخاطب في أسباب كثير قريبتي جميلة جدا ومشهوره بجمالها ولليوم ماتزوجت وهي بمنتصف الثلاثين سبحان الله ماالله كتب لها الله يرزق كل بناتنا بالأزواج الصالحين |
رد: هل ممكن تقبل الزواج مني؟
اقتباس:
ما كلمتها ولا مره ويمكن شفتها 4-5 مرات لانها في قسم ثاني. |
رد: هل ممكن تقبل الزواج مني؟
اقتباس:
|
رد: هل ممكن تقبل الزواج مني؟
اقتباس:
أوعى تكلمها راح أقولك موقف صارلي سابقا جتني وحدة بالجامعه وقالتلي أخوي شايفك وعاجبته وجايبني أكلمك وأسألك اذا لك خاطر وعرفتني على إسمها طبعا عايله جدا محترمه ومهمه عندنا بدون تفكير رفضت !! لأني إستحيت وإنحرجت تخييل إن إخت الشاب مو أهو شخصيا لذالك عشان لاتحرجها وتحرج نفسك وتمشي حسب الأصول إخطب بالطريقة المتعارف عليها |
رد: هل ممكن تقبل الزواج مني؟
لاتتردد استخير وفاتحها في الموضوع يمكن يكون فيه احراج لو كلمتها مباشرة لو قدرت ترسل ايميل او تجيب جوالها وارسلها انا فلان واشتغل في المكان الفلاني ووضعي كذا وكذا وشوف رايها والله يكتبلك اللي فيه الخير
كثير مايتزوجو بدري في الزمن هذا بالذات اذا كانت تدرس في تخصص صعب او متقدم في الجامعة كثير في الثلاثينات لازالو ينتظرون النصيب |
رد: هل ممكن تقبل الزواج مني؟
مرحباً أخي
إذا البنت عاجبتك ومرتاح لها وتراها تصلح زوجة لك إستخر الله ثم اسأل عن البنت وعائلتها ثم أرسل أهلك يخطبون ويعطونهم مواصفاتك وشروطك إن وجدت وخلكم صريحين بكل ماتريدون ثم أطلبو شوفة شرعية إذا جات الموافقة عليك ثم توكل على الله وتزوج أما كثرة الأفكار والترددات والتحليلات ماتصلح وتضعك في حيره وشك خل هدفك واضح .. يا أبيض يا أسود .. وأترك جس النبض والتلميح والإيميل وغيره وكمثل : أخوي عمره فوق الخمسين وعنده 5 أبناء ومطلق .. ثم تزوج بنت 36 سنة وراضية بالعيش مع أبنائه والحمدلله نسمع عنهم كل خير بارك الله فيك |
رد: هل ممكن تقبل الزواج مني؟
بس بعلق على نقطة وحدة ليش تستغربون اذا وحدة عندها مميزات
وماتزوجت ؟ !!! اغلب المحترمات و الجميلات حظوظهم وفرصهم قليلة في الحياة. |
رد: هل ممكن تقبل الزواج مني؟
إذا تشعر بميول كبيرة لها فيه طرق كثيرة للوصول إليها وطلب خطبتها
اجتهد في معرفة أفضلها وأر قها وتوكل على الله وخاطبها مسألة انها مهندسة وأنت إداري، هذا مسألة سطحية جداً، ولا ينظر لها ولا يفكر بها إلا من كان آسير للعادات الخاطئة، فقد تكون البنت أرقى من هذا المستوى. المهم ياسيدي أن تأخذ من تراها مناسبة لك، ودع تلك المقارنات الغير مقبولة. |
| الساعة الآن 03:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©