والله احسن ماتتواصلون مع بعض
اعتبريها إجازة زوجية لك وله
حتى تشتاقون لبعض اذا رجع

وتعوذي من ابليس
ياما رجال يتواصلون طول الوقت
ويكلمون زوجاتهم وهم برا
والله العالم ايش يهببون هناك
حجم التواصل مو مقياس ابدا للاخلاق


الله يهدي بالك

صح كلامك بس ولو مب هذي طبايعه
ولا طلبت عشق وغرام وتلصق , بس هه على الاقل احس بشي
انا بالبداية تصدقين اشتقت بس يوم شفت سحبته لا والله
اشتياقي عادي جدا , اكلمك اللحين وانا لي يومين مدري عنه
مجرد هلا وكيفكم ومدري وشو ومع السلامه بالواتس
واناا زي ماهو ساحب ساحبه , بس مابعد بردت خاطري
ليه هذا قدري عنده وش انا وش مسويه له
وش شايف هناك مبعد مخه عني وش دعوه

طيب ف العاده هو اذا سافر مع اصحابه كيف بيكون معاكم ؟؟
يعني هل كان يتصل اول مايسافر ويوصل ويطمنكم ويسأل عنكم كل يوم وكدا ؟؟ وهذي السفره غير ؟

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

ايه كان طبيعي ما اقول انه والله متلصق وحريص جدا
لكن اقلها كنت احس بوجوده وصوته وحرصه
هالمره مجرد اني سويت الواجب وادري انكم بخير وعند اهلك

حبيبتي قدرك اكبر من كم اتصال
لاتربطي قدرك بمكالمات مالها معنى
طبعا انتي اعرف بزوجك
يمكن هو بطبعه قليل كلام
مايحب البربره عالجوال
ويمكن أصحابه ينتقصون اللي يكلم زوجته
للأسف في أصدقاء همجيين
احتمال زوجك متحاشي تعليقاتهم
ويمكن ويمكن ويمكن
في كذا احتمال غير اللي ببالك
وانتي لو فعلا قلقانه عليه
كان اكتفيتي بالواتس اب
لانه طمنك واتطمن عليك
لكن المشكلة انك شاكه فيه
طلعي الشك من راسك وترتاحين
دام مسافر والنفوس طيبة
والرجال محترم ولا طلع منه العيب
خلاص وسعي صدرك
ولاتصيري المحقق كونان

الشك فعلا اعتبره مشكله كبيرة بينا
بس هو اللي موصلني له ولا اعانني اني اتركه
لانه مستمر لكن الله يعين
بس ابحاول اتناسى مع ان هذا اللي انا جالسه اسويه الحين
لكن ولو ما طاب خاطري !!!
بعدين اصحابه عادي ,
ياما دقو وهو جنبي ويرد عادي , ويدق علي هو عندهم وعادي!
فرقت يوم سافر معد سمعت عنه شي غير كلمات قليله جدا؟؟!

كلها وساوس تعوذي من الشيطان 🌚
ماله غير خمس ايام اكيد منشغل مع اصحابه بالسفره

و طالما يتواصل واتس ويتطمن عليكم فالحمد لله .. لاتسويين مشكله وتتعبين نفسك على لاشيء 🙂

اختي هو الان مسافر وماتقدري تتحكمي في تصرفاته..

ولا تربطي الاتصال بالي قاعد يسويه هناك..

لو عنده بلاوي تأكدي بيتصل عليك كذا مرة باليوم عشان يخليك مطمنة ومايدخلك الشك.. اراه عالأغلب بيتصرف بعفوية، ملتهي ومبسوط وبس، صحيح شي بيزعل ومش من الذوق انه ما يبين الاشتياق و مابيعطيك شوية وقت.. بس اهم شي انه مو ملتهي بشغلات سيئة...

انت ابعثيله صور حلوة تخصك (وحدة أو اثنين). جربي يمكن ينشغل فيك أكثر..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

وعليكم السلام ورحمة الله وبركاته
أختي ..
السفر هو لراحه البال والبعد عن التفكير في المسؤوليات ..
دامه يتواصل معك على الواتس وعلى كلامك اتوقع كل يومين يكون فيه تواصل ..فلا تعطين الموضوع أكبر من حجمه .. لم يتبقى إلا 5 أيام ويرد لكم بالسلامه إن شاء الله ...
غالبا سفراتي تكون مدتها 15 يوم ولا أتواصل مع زوجتي خلالها إلا بأتصال أو أثنين .. والغالب أيضا لا أعطيها رقم الجوال .. تعرفين عاد وسوسه الحريم وينه وش جالس يسوي لا يكون متزوج ومن هالكلام ...
أذا فيه أمر ضروري رسالة واتس تكفي بالتبليغ ..
السفر راحه للنفس والعقل والجسد فلا تستكثرون على الزوج ..
الله يريح بالك

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به