السلام عليكم

كنت قد طلقت زوجتي الأولي ثم بعد إلحاح منها وإزعاج رجعتها و وفق شروط لأجل الأبناء فقط واستقرارهم

من ضمن هذه الشرط إنها تتركني علي راحتي ولا تتدخل في حياتي الشخصية ولا تدخل بيتي إلا إذا سمحت لها

مو مقصر معاها نهائيا وملتزم باللي وعدتها فيه وتعاملي معاها جدا محترم وراقي

لكنها كل شوي ناطه لي وتحاول تنام عندي و أنا أتهرب بطريقة دبلوماسية

ثم مليت وذكرتها بالشروط فـ زعلت وراحت


السكن عبارة عن فيلتين منفصلتين متلاصقتين هي والعيال في جزء وانا في الجزء الآخر

بصراحة مشتاق للفترة الذهبية اللي كنت مرتاح منها

بس ما ودي اطلقها مرة اخري حرصا علي نفسيات العيال بس

مذبذبة واتعبتني معاها

ما ادري شنو التصرف السليم ... هل اكرر تجربة الطلاق

أو انتظر العيال لما يكبرون شوي

تم تعديل العنوان ليتناسب مع المضمون

ماشاء الله فيلتين واحدة لك وواحدة للام واطفالها.. يعني قادر على فتح بيتين..

سؤال؛ ماهي الفترة الذهبية؟ ولماذا لا تستطيع الرجوع إليها؟ ولماذا لاتتزوج من ثانية؟ مع انها لن تكون ثانية بل ستكون الزوجة الوحيدة

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

ما سبب نفورك منها ؟

اول شيء طلاقك لها اول مرة ماعرفنا سببه ؟
ثانياً
إرجاعك لها بدون ان تعطيها حقوقها كاملة ظلم لها

اللي اذكره من قصتك
انك طلقتها بطلب منها لما تزوجت عليها
و انت متزوج اخرى و تحب التعدد
فما الضير من إرجاع العلاقة لمصلحتك. ؟
الا اذا كنت طلقت الثانية و اعتزلت الزواج

__________________

يعني انت قاعد يدون زواج وعزابي
معليش اخوي كيف تحصن نفسك
الا اذا متزوج مسيار او بالسر

في مثل يتداول عندنا في معناه ان الرجل اذا اراد الخير بزوجته ان كان عايفها ان يطلقها وهي صغيرة يعني تقدر تشوف حياتها
والله اني رحمتها لما تجي عندك وتردها يعني وين تروح مسكينة انت زوجها

اخوي مافيه شي اسمه رجعتها عشان العيال
يااما ترجعها وتعطيها كل حقوقها واما تتركها تشوف نفسها
اما تتركها لاهي متزوجه ولا هي مطلقه هذا ظلم لها
هي لها حاجات مثلها مثل اي انسان وين تروح اذا انت تطردها وماتعطيها حقها اللي يعفها على الاقل
وماتقدر تتزوج لانها على ذمت رجال وجالسه بس عشان العيال وش تسوي المسكينه

كان الله في عونها..وانتبه لنفسك ترى الظلم ظلمات والدنيا دوارة..

هي قبلت في البدايه عشان ماتخسر بيتها واولادها وشي طبيعي ومن الفطره انها تتمنى تجذبك لها وتعف نفسها
لكن انت مكتفي وبكل بساطه تعيد وتكرر شرطك