افكر بتطليق زوجتي لاصرارها على اعادة علاقتنا
 

السلام عليكم

كنت قد طلقت زوجتي الأولي ثم بعد إلحاح منها وإزعاج رجعتها و وفق شروط لأجل الأبناء فقط واستقرارهم

من ضمن هذه الشرط إنها تتركني علي راحتي ولا تتدخل في حياتي الشخصية ولا تدخل بيتي إلا إذا سمحت لها

مو مقصر معاها نهائيا وملتزم باللي وعدتها فيه وتعاملي معاها جدا محترم وراقي

لكنها كل شوي ناطه لي وتحاول تنام عندي و أنا أتهرب بطريقة دبلوماسية

ثم مليت وذكرتها بالشروط فـ زعلت وراحت


السكن عبارة عن فيلتين منفصلتين متلاصقتين هي والعيال في جزء وانا في الجزء الآخر

بصراحة مشتاق للفترة الذهبية اللي كنت مرتاح منها

بس ما ودي اطلقها مرة اخري حرصا علي نفسيات العيال بس

مذبذبة واتعبتني معاها

ما ادري شنو التصرف السليم ... هل اكرر تجربة الطلاق

أو انتظر العيال لما يكبرون شوي

تم تعديل العنوان ليتناسب مع المضمون

رد: الفترة الذهبية ,,, والأيام الشاعرية
 

ماشاء الله فيلتين واحدة لك وواحدة للام واطفالها.. يعني قادر على فتح بيتين..

سؤال؛ ماهي الفترة الذهبية؟ ولماذا لا تستطيع الرجوع إليها؟ ولماذا لاتتزوج من ثانية؟ مع انها لن تكون ثانية بل ستكون الزوجة الوحيدةfgfg

رد: الفترة الذهبية ,,, والأيام الشاعرية
 

ما سبب نفورك منها ؟

رد: افكر بتطليق زوجتي لاصرارها على اعادة علاق
 

اول شيء طلاقك لها اول مرة ماعرفنا سببه ؟
ثانياً
إرجاعك لها بدون ان تعطيها حقوقها كاملة ظلم لها

رد: افكر بتطليق زوجتي لاصرارها على اعادة علاق
 

اللي اذكره من قصتك
انك طلقتها بطلب منها لما تزوجت عليها
و انت متزوج اخرى و تحب التعدد
فما الضير من إرجاع العلاقة لمصلحتك. ؟
الا اذا كنت طلقت الثانية و اعتزلت الزواج

رد: افكر بتطليق زوجتي لاصرارها على اعادة علاق
 

يعني انت قاعد يدون زواج وعزابي
معليش اخوي كيف تحصن نفسك
الا اذا متزوج مسيار او بالسر

رد: افكر بتطليق زوجتي لاصرارها على اعادة علاق
 

في مثل يتداول عندنا في معناه ان الرجل اذا اراد الخير بزوجته ان كان عايفها ان يطلقها وهي صغيرة يعني تقدر تشوف حياتها
والله اني رحمتها لما تجي عندك وتردها يعني وين تروح مسكينة انت زوجها

رد: افكر بتطليق زوجتي لاصرارها على اعادة علاق
 

اخوي مافيه شي اسمه رجعتها عشان العيال
يااما ترجعها وتعطيها كل حقوقها واما تتركها تشوف نفسها
اما تتركها لاهي متزوجه ولا هي مطلقه هذا ظلم لها
هي لها حاجات مثلها مثل اي انسان وين تروح اذا انت تطردها وماتعطيها حقها اللي يعفها على الاقل
وماتقدر تتزوج لانها على ذمت رجال وجالسه بس عشان العيال وش تسوي المسكينه

رد: افكر بتطليق زوجتي لاصرارها على اعادة علاق
 

كان الله في عونها..وانتبه لنفسك ترى الظلم ظلمات والدنيا دوارة..

رد: افكر بتطليق زوجتي لاصرارها على اعادة علاق
 

هي قبلت في البدايه عشان ماتخسر بيتها واولادها وشي طبيعي ومن الفطره انها تتمنى تجذبك لها وتعف نفسها
لكن انت مكتفي وبكل بساطه تعيد وتكرر شرطك