بسم الله الرحمن الرحيم

انا جديد بالمنتدى وارغب في حل لمشكلتي واليكم جذورها :

تزوجت وعمري عشرين سنه ، ولدي الان طفلتين والحمد لله وهم نوري في الدنيا ..

في البدايه اخذت زوجتي عن حب في الطفوله ، ولازلت احبها ولكن ليش مثل قبل وهي من جردت تلك االعواطف من قلبي تجاهها ، سكنت معي في غرفتي في بيت اهلي وبعد ست شهور قمت وفصلت لي شقه لها في نفس البيت واصبحت تاخذ راحتها بالكامل في طلعتها من الغرفه ودخلتها..وبعد سنتين ولاني كنت وقتها ميسوور الحال ولاني اسمع منها كلام كثير عن ازواج بنت حالتها طلعت بها في بيت لحالها كنا اول من سكن فيه .. ونقلت دراستها لمدينتي واصبحت اعطيها كل ماتحلم به اي زوجه من بيت واستقرار ودراسه ..

مشكلة زوجتي تسمع لكلام امها وكانت امها في كل مشكله تتصل بي وتهزاني وارجع اكلم زوجتي واراضيها ( تنازل مني ) رغم هي من تبدأ في المشكله، تطورت مشاكلي الاسريه معها لدرجة انها ماكلفت نفسها في اي مشكله انها ترفع السماعه علي وتقول خلاص انا اسفه ..دايم انا اللي ابادر ..لاني كنت احبها ، قلت لها مليون مره كوني حضاريه في تعاملك معي وللاسف ماسمعتني

في احد الايام قالت لي انا اخاف علي وعلى بناتي منك قلت ليش ؟؟ قات لايكون فيك الايدز بسبب علاقاتك مع البنات ويشهد علي الله انها ضلمتني وهي تعرف اني تزوجته عن صغر ودايم وجهي في وجههاا وليس لدي وقت لتلك العلاقات التي اتهمتني بها !! اتصلت باخوها وبلغته بكلامها اللي جرحني فما كان من اخوها الا انه سمع كلامه امه يوم قالت له ماعليك منه هي بنتي معها حق !!

في كل مناسبه اشتري لها هديه في صباحية زواجنا وفي ولادتها وفي حملها وفي قدومها من المطار وفي جيتي من السفر من برى .. وهي اهدت لي هديه واحده مازلت اتذكرها فقط وكأنني لا اعني لها شيئاً!!


من اعظم المصايب التي لن انساها انها طعنتني وقذفتني بارتكاب الحرام في احد قريباتي حسبي الله عليها ، بمجرد الشك وان الحريم يوهمونها بذلك !! وانا دايم حليم في مثل هالامور واتخذت موقف بسيط معها..

امي انسانه طيبه للغايه وهي الان تكفل يتيمين وفي مره اتصلت بزوجتي وقلت لها خذي بناتي وروح زوري امي اليوم لاني كنت ادرس برى فرفضت بشده وقالت امي هي من يجب ان تزورني انا وبناتي !! وبالمقابل نهيتها عن زيارة احد قريباتي لانها اتهمتني بالباطل في موضوع ما وكانت الغيره من دفعها لذلك وفوجئت بأن زوجتي تكسر كلمتي وتزورها من وراء ظهري ، ( يعني حرام على امي وحلال على من نهيتها عنه ) مع اني ماسمحت لاحد من اهلي يتدخل لاني رجل ولي كلمة في البيت بس كنت استحي من اهلها واجاريهم

في احد الايام ايضاً جاي من السفر واتصلت على بيتهم وردت علي امها وسالتها تعطيني زوجتي اكلمها عشان تجيني في البيت وقالت لي زوجتك سافرت مع اخوها وهي تكذب علي بس تبي تغيضني وانا مايهمني بس يهمني بيتي فكلفت نفسي بعد الحاح من امي اني اقصر الشر واروح اجيبهم من بيتهم رحت وضليت ساعه قدام الباب في البرد كاني شحاذ بعد ماجاتني اختها الصغيره تقول لي امي مو موجوده وزوجتك نايمه يعني تصريفه وانا توني مسكر السماعه منها .. وبعدان اتصلت على اخوها فتحو لي الباب واخوها مثلهم مايحرك ساكنه وبعد مادخلت استأذنت امها انها تسمح لي اخذ اعيالي فتفاجئت بأن كل خالتها دخلو علي في المجلس وكل وحده تسب وتشتم فيني كانني طفل وهم والحمد لله على العقل مطلقه ووحده متزوج عليها زوجها يعني مانفعو انفسهم كي ينفعو بنتهم وفي النهايه خذيت بناتي وطلعت منهم !! واليوم الثاني كلمت ابوها وجابها لي ..

اخر مره وانا اعترف اني غلطت احتجت فلوس للمساهمه في شركه وانا والله كان قصدي اشغل فلوسها فبعت اسهمها وحطيتها على فلوسي وللاسف خسرت رغم ان فلوسها كان مهري اللي دفعته وانا خسرت دبل خسارتها ثلاث مرت فولعت وتركتني وكان هذا الموقف دليل كافي ان الفلوس اهم مني وان امها وخالتها اهم مني وان اخوها اهم مني واني اخر مبتغاها ، ولي الان شهرين لم نكلم بعض

اخيراً انا تقدمت لخطبة احد البنات وعلى حسب علمي فهي فتاه قمة الاحترام وتقدس الحياه الزوجيه وقنوعه جداً في المهر وراضيه بوضعي حيث انني متزوج ولدي طفلتين وادرس بالخارج !!

الآن مارآيكم هل اطلق زوجتي الاولى واتركها في سبيلها أم انها سترضى العوده بعد زواجي من الثانيه رغم اني مصمم على الزواج ؟وهذا ماجنته يداها في عدم ادارة بيتها وطاعة زوجها وتدخل غيري في مشاكلي.