في الجبيل الصناعية بمركز المدينة عندهم الحين مهرجان التراث الشعبي
ما قد رحت له لكن إن شاء الله يمديكم تلحقون عليه إذا انتو من محبين هذه الأنواع من المهرجانات وعموما كورنيشهم حلو لكن الجبيل ما فيها مجمعات ومرافق تجارية ضخمة كبيرة ولا ملاهي الأشياء هذه تكون في الخبر والدمام إن شاء الله يفيدونك الأعضاء عن أفضل مكان سياحي تروحون وترجعون بالسلامة |
وعليكم السلام ورحمة الله وبركاته
حياك اخوي بالمنطقه الشرقيه والحمد لله الجو اليوم حلو وبإذن الله يستمر بالاجازه كذا طبعا الخبر افضل من الدمام الواجه البحريه الجديده الشارع حلو وكله مطاعم ومقاهي وعندك العزيزيه وشاطئ نصف القمر اذاك من محبين البحر ولو تحجز شاليه يكون افضل عندك الهوليدي إن مررره رايق بس اتوقع زحمه مره خصوصا الجو حلو والاجازه جايه فضروري حجز مسبق عندك معرض ارامكو حلو وبعد فيه سايتك بكورنيش الخبر مركز علمي حلو وفيه سينما ثلاثية الابعاد تعرض افلام وثائقيه حلوه والله ولى عوده مره اخرى بإذن الله اذا تفضل مطاعم معينه علشان اعطيك اسماء |
مشرفتنا الفاضله :- جزاك الله خير على جهودك وأفكار كلها رائعه بارك الله فيك . ما دامك فضلتي الخبر أريد التالي :- أفضل مكان على البحر ؟ فيه الواجه البحريه في الخبر راائعه مزروعه ومليانه مطاعم وفيه بحر العزيزيه فيه سوق بسيط شعبي وفيه حصن وجمال ودبابات واكشاك تبيع ذره وبليله والذي منه طبعا هذولي بالخبر وفيه بالدمام الواجه الجديده حلوه وهاديه اكثر من واجه الخبر اذاك ما تحب الزحمه وفيه شاطئ نصف القمر الهاف مون فيه دبابات وعروض تطعيس من الشباب وكمان اهدى من بحر العزيزيه الي في الخبر أفضل مطاعم ؟ حددي اثنين على الأقل ؟ والله ما ادري وش نوع الاكل الي تفضلونه عموما اذا تبي بحري عندك البانوش بالخبر واذا تبي شعبي عندك القريه الشعبيه بكورنيش الدمام او ماضينا بالخبر واذا تبي لبناني عندك ابو نواس وفيه المطاعم العالميه كلها بالخبر بالواجهه وفيه محلين شاورما بكورنيش الخبر رمانه وشرنمبي روووعه أفضل شاليهات وكم تقريباً أسعارها ؟ شاليهات الهوليدي ان بس سعره على حسب ماجبته من النت الليله820 الى 1200 وفيه قرية الخليج بس ما انصحك فيها لانها اول شئ قديمه ثاني شئ فيها شباب وازعاج وفيه شاليهات النخيل كانت تمليك بس وانا دالختها مررره حلوه وصار لهم فتره افتحو مجال التاجير اليومي على ما اضن سعره الكبينه 1200 ريال لليوم عموما الشاليهات غاليه وزي ماقلت لك اخوي صعبه تلاقي الاجازه جايه والجو يساعد على القدوم للشرقيه وكيف هي الشقق القريبه من البحر ؟ والله ماعندي فكره عن شقق قريبه من البحر بس فيه بكورنيش الدمام جنب فندق الشيراتون وبيكون كورنيش الدمام قريب منكم مره والمطاعم بعد قريبه سؤال أخير كم تبعد الخبر عن الجيبل وعن الدمام ؟ ياليت بصوره واضحه . ومين فيهم قبل الثاني في الطريق ؟ الخبر تبعد عن الجبيل تقريبا ساعه ونص والدمام تبعد عن الجبيل ساعه لان الدمام اقرب للجبيل منها للخبر |
ما دامك فضلتي الخبر أريد التالي :- أفضل مكان على البحر ؟ افضل مكان الواجة البحرية او العزيزية الفرق بينهم ..الاول مزروع والثاني ترابي .. أفضل مطاعم ؟ حددي اثنين على الأقل ؟ المطاعم كثييييييرة في الخبر ..وبذكر لك افضلها حسب تجربتي ..طبعاً بأستبعد المطاغم الغربية .. للأكلات الشعبية ..ماضينا ..كبسات عندهم على لذيذة بالمرة وخاصة الكبسة الدمامية ..اعتقد انه في شارع الامير ناصر او منصور نسيت ؛) للمأكولات البحرية ..دارين .. وموقعه على طريق الكورنيش في الخبر ..البانوش ..في شارع الملك فهد.. جندولا للأكلات الايطالية ..لذيذ جداً ..طبعاً تخصصهم البيتزا والباستا .. للمشويات ..ابو نواس .خلف مذركير على طريق الكورنيش .. الفروج ..الشارع العاشر ..عندهم دجاج مشوي مرة لذيذ .. السنبوك ..اكلات بحرية ..لكن سعره مرتفع شوي .. للشورما ..شريمبي على طريق الكورنيش جنب صيدلية الدواء ..عنده شاورما عربي لا تفوتكم .. للاكلات الصينية ..بيت التنور ..على طريق الظهران .. أفضل شاليهات وكم تقريباً أسعارها ؟ ما عندي خلفيه ..لكن فيه النادي البحري بالدمام ..بمسابح خاصة ..سعر اليوم 800 تقريباً.. وكيف هي الشقق القريبه من البحر ؟ الخبر مليااانه شقق نظيفة وجديدة ..وخصوصاً القريبة من مجمع الراشد .. واسمها فالك للأجنحة الفندقية ..خلي مجمع الراشد على يسارك ثاني شارع بعد بوابة رقم ( 6 ) خذ يمين خامس عمارة على اليسار اما الدمام ..ففي حي الشاطئ تلقى شقق جديدة وحلوة ..واهمها بودل .. واجنحــة شبه الجـزيـزهـ ..طريق الكورنيش على يسارك مارينا مول بأتجاه دوار الصدفه ومن ثم الأتجاه الى شارع 18 سؤال أخير كم تبعد الخبر عن الجيبل وعن الدمام ؟ ياليت بصوره واضحه . الدمام الجبيل 90 كيلو ..والدمام اقرب للجبيل .. ومين فيهم قبل الثاني في الطريق ؟ اول ما توصل من الرياض راح تكون الدمام اول شئ ..بعدها الجبيل .. |
وعليكم السلام ورحمة الله وبركاته ..وحياكم الله في الشرقية ..
الاجواء هالايام خيالية خصوصاً في الليل ولو انها على الكورنيش باردة شووي على الاطفال ..فاعملوا حسابكم .. طبعاً زي ما تفضلت اختي جينز الخبر أفضل بكثير من الدمام ..ولكن يعيبها الزحمة الزايدة ..وكثرة الهمج الله يهدينا وإياهم .. لكن تبقى الافضل من ناحية الترفية .. اقترح ان تسكنوا بالدمام ..وللترفيه تروحوا الخبر كلها 20 دقيقة ..او تسكنوا بالخبر بحي الجوهر ..افضل الشقق المفروشة موجودة هناك ..ويقع خلف مجمع الراشد... نحن في الخدمة ..لأي استفسار .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|