20-04-2009, 11:10 PM
|
المشاركة الأصلية كتبت بواسطة السيف المسلول
مشرفتنا الفاضله :- جزاك الله خير على جهودك وأفكار كلها رائعه بارك الله فيك . ما دامك فضلتي الخبر أريد التالي :- أفضل مكان على البحر ؟ فيه الواجه البحريه في الخبر راائعه مزروعه ومليانه مطاعم وفيه بحر العزيزيه فيه سوق بسيط شعبي وفيه حصن وجمال ودبابات واكشاك تبيع ذره وبليله والذي منه طبعا هذولي بالخبر وفيه بالدمام الواجه الجديده حلوه وهاديه اكثر من واجه الخبر اذاك ما تحب الزحمه وفيه شاطئ نصف القمر الهاف مون فيه دبابات وعروض تطعيس من الشباب وكمان اهدى من بحر العزيزيه الي في الخبر أفضل مطاعم ؟ حددي اثنين على الأقل ؟ والله ما ادري وش نوع الاكل الي تفضلونه عموما اذا تبي بحري عندك البانوش بالخبر واذا تبي شعبي عندك القريه الشعبيه بكورنيش الدمام او ماضينا بالخبر واذا تبي لبناني عندك ابو نواس وفيه المطاعم العالميه كلها بالخبر بالواجهه وفيه محلين شاورما بكورنيش الخبر رمانه وشرنمبي روووعه أفضل شاليهات وكم تقريباً أسعارها ؟ شاليهات الهوليدي ان بس سعره على حسب ماجبته من النت الليله820 الى 1200 وفيه قرية الخليج بس ما انصحك فيها لانها اول شئ قديمه ثاني شئ فيها شباب وازعاج وفيه شاليهات النخيل كانت تمليك بس وانا دالختها مررره حلوه وصار لهم فتره افتحو مجال التاجير اليومي على ما اضن سعره الكبينه 1200 ريال لليوم عموما الشاليهات غاليه وزي ماقلت لك اخوي صعبه تلاقي الاجازه جايه والجو يساعد على القدوم للشرقيه وكيف هي الشقق القريبه من البحر ؟ والله ماعندي فكره عن شقق قريبه من البحر بس فيه بكورنيش الدمام جنب فندق الشيراتون وبيكون كورنيش الدمام قريب منكم مره والمطاعم بعد قريبه سؤال أخير كم تبعد الخبر عن الجيبل وعن الدمام ؟ ياليت بصوره واضحه . ومين فيهم قبل الثاني في الطريق ؟ الخبر تبعد عن الجبيل تقريبا ساعه ونص والدمام تبعد عن الجبيل ساعه لان الدمام اقرب للجبيل منها للخبر |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري