اخواتي و اخواني ان شاء الله اتكونون بخير , حصل في الموضوع تطور جديد , بعد ما اتفق اختي و المعرس على كل شي و حددوا موعد العقد فجاء المعرس قال لابوي قول لبنتك مابي تشتغل و لا اتسوق السياره ( لان اختي تشتغل و اتسوق السياره) اختي وافقت على شروطه . و بعدين كانت في بيت المعرس حفله و دعوا اختي لبيتهم هي لما سارت بيتهم و شافت بيتهم على كد حالهم و 2 من اخوان المعرس و وحده من اخواته معرسين و ساكين في بيتهم يعني بالمعنى الاصح بيتهم زحمه و قالوا لاختي انتي بعد بتسكنين ويانا اختي انصدمت و لما رجعت من بيتهم كلمت ابوي و قالت بكل بروده مابي المعرس و ما دشت خاطري و ما اقدر اهد شغلي و احب شغلي و ابي اسوق سياره و بكل صراحه قالت لا المعرس دشت قلبي و لا اهله و ما اعجبني عيشتهم يعنى يابت اعذار وايد عشان ما ياخذ الرجل , فما كان من ابوي الا ان يبلغ المعرس المغفل و اهله بكلام اختي و رفضها لهم و هم بدورهم انصدموا من قرار اختي !!!!!!!!!!!!!!! بعدين عرفت من اخت المعرس أن هو كله يلوم اهله و يقول انتوا خربتوا راسي و انتوا يبتوا سالفه العمر و انا من بدايه كنت ابي الكبيره و دشت خاطري و كنت مقتنع و هو الحين زعلان من اهله و قال انتوا لا اتدورون لي العروس و بروحي بختار, اخته اليوم كلمتني و قالت اخوي يباك و يعتذر عن تصرفاته و اهله و انا رديت على طول و قلت الحين انا مابي اخوك و اخوك مب ريال و ما عنده كلمه و شكله تربية الحريم , شو رايكم بتطورات الجديد و هل كان ردي زين , جاوبوني الله يخليكم