مع كلام الاخوان والاخوات وبالتحديد ريم الاوطان الى جانب خفف عناد وجدال اخوي ماس وعوضها عن جفافك العاطفي ، انا جفيت من ردود افعالك مع زوجتك من بداية المشكله الى نهايتها وخاااااصة لما جت برجولها لبيتك وطريقة معاملتك معاها .

المهم ركز بجديه وبتطبيق عملي على مااشار له الاعضاء

الله يصلح فيما بينكم ويهدي انفسكم للخير

__________________
اللهم ألهمني الرشد

ياليت تطمنا عليك..
وحبيت أنبهك انتبه واحرص لا يحصل حمل..
الله يصلح بينكم ويلهمكم الصواب.

طبعا لا يحصل حمل لانكمً محتاجين فتره تتفاهمون مع بعض والحمل يدخل زوجتك مزاج و هرمونات سيئة

__________________

دام الشك دخل راسها ماراح يطلع الا بخطوات منك جازمه انك تترك كل شيء يخص الماضي
يمكنك لقيت العاطفه عند المرأه الأخرى اللي كنت ناوي ترتبط فيها ولقيت اللي مالقيته مع زوجتك وهالشيء خلاك متمسك بالثنتين ممكن وهذا غير مبرر لك
انت احزم امورك واترك المرأه الأخرى نهائي وعط زوجتك رقمك السري وخلك واضح وصريح فعلا هالأمر يسمى خيانه طالما هي بذمتك وماكان هناك ارتباط شرعي مع المرأه الأخرى ف الموضوع يسمى خيانه مانقدر نلمعه ونعطيه اسم ثاني ولو زوجتك فعلت فعلتك اثناء انفصالكما راح نسميها خيانه صح ولا لا ؟؟؟؟
الامر انتهى تبي بيتك وحياتك لازم تكون واضح وصريح مع زوجتك اذا فعلا حابها وحاب تكمل معاها .. امساك بمعروف او تسريح بإحسان انتبه تظلمها وترجح كفة غيرها بوسوسه من الشيطان

__________________
أستغفر الله العظيم واتوب اليه

حاليا الوضع لسى غير واضح بالنسبه لي .. وسيله التواصل والحوار بين افراد أهلها تكاد تكون شبه معدومه ..

لآن قلت لها خلال هاليومين الجايه راح اخذ شقه مفروشه وونقل فيها الى ماتخلص شقتي بعماره الوالد.. تجاوبت معايا بالموضوع بس قالت لي عطني مده مع اهلي اتحاور معاهم ‍لآن صعبه اخرج من البيت بيوم وليله ..

لاحظوا رغم اخوها مكلمني ويقول اتكلمت مع امي وخلاص حترجع بيتها .. هيا انا اصدق مين واكذب مين !!

وتطرقت لفعلت اخوها وتدخله بآخر موضوع وانه على حق ..!! كنت على وشك ان افقد اعصابي ولكن قلت لها اخوك ماعاد له دخل لا من قريب ولا بعيد وبالنسبه لي الموضوع منتهي لا من خير ولا من شر

مثل ماانتم شايفين تبي لها مهله ووقت .. !!

زوجتك تمثل عليك و تسوي فيها ( ثقل عليك ) ..
اخوها صادق معاك و واضح .. لكن هي تحسب انها تتغلى بالطريقة هذه

ربي يكتب لك الخير و يهدي النفوس

تواصل مع اخوها لانه ولي امرها وخذ الكلام منه

شكلها تتغلى عليك مو اكثر

بالتوفيق

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

مرحبا اخواني واخواتي الكرام ..

مثل مااخبرتكم سابقا انها تريد وقت عشان تتكلم مع أهلها .. خلال اليومين السابقه وبالتحديد نهايه الأسبوع حجزت في فندق واخبرتها ان تجهز نفسها هي والطفله .. من باب تغير جو .. الحاصل رحنا وجلسنا وانبسطنا وسوت لي مفاجاه بالفندق وكان الوضع عال العال ..

اخبرتها بالفندق بآن نهايه الأسبوع القادم راح يكون عندي دوره بالمنطقه الشرقيه لمده يومين .. طبعا قالت خذنا معاك .. قلت لها مااقدر وبالفعل طالع معاي اثنين من الزملاء ( اجنبي - سعودي ) وكله ع حساب العمل فندق وطيران .. وعندي التزامات كثيره وماعندي القدره ع تذكره أخرى و راح اضطر استآجر سياره وانشغل معاها ومع الطفله و بدآت تلح وتزن خذنا معاك و و و .. وانا عندي كلمتي لها ماينفع ومااقدر عشان طالع مع زملاء العمل وصعب تكونوا معايا وقت الدوره لآن الدوره مسائيه وراح أكون مشغول جدا ..

طبعا هالكلام صاير له يومين من شد وجذب وكل مااحاول اغير الموضوع ترجع له بآسلوب اقوى .. اللي صار امس يوم كنت في الدوام اتصلت عليها واخبرتها بآن اليوم المساء راح امرهم .. رجعت البيت برتاح شوي وبعدها اروح امرها على بيتهم ونطلع نخلص بعض الشغلات منها كنت مخطط اشتري عربيه للبنت شفتها وقلت خلني اخذ رايها فيها ..

اللي صار اول ماقفلت السماعه منها بعد مكالمتها من رجعتي من الدوام .. بدآت ترسل لي انت عارف اني محتاجه سفره واني محتاجه اغير جو من المشاكل اللي سببتها لي وانا ماعاد اثق فيك من الى و وانت بعتني برخيص جددددددددددا ووو انت اكيد مخطط تروح لوحده هناك ... ليه ماتاخذني معاك واصلا مافي بيت يلمنا !!! بالرغم من انها طالبه مده تجلس ببيت أهلها !!! وانا متعطل بسببها


انا بصراحه ماقصرت فيها ورديت على كل كلمه قالتها لآني طفشت زهقت من اسلوبها وماكنت اترك لها مجال ترد خير شرر .. حتي يوم قلت لها اليوم كنت مخطط اجيب عربيه للبنت قالت شكرا اخوي جابها لي ..

ي جماعه الخير طفشششت من هالمرض اللي فيها .. تختلق المشاكل من أعماق الأرض .. تفتعل أي شي عشان تستفزني .. انسانه صارت متعبه لنفسها ومتعبه لي

وانت ليه مكبر الموضوع عادي خذها فرصة جات لين عندك تغييرون جو ومنها دوره
واذا اضفت الف ريال زياده تستاهل ام بنتك
ترى انتم بحاجة سفرات مو بس سفره ترى السفر والبعد عن المشاكل يزيد الالفه ويغير النفسيه ويكسر الروتين
والله زوجي ماعمره راح دوره الا وانا معاه لان دوامه صعب ياخذ اجازه فتكون فرصه تغيير جو ودوره له

عادي اعتذر من زملائك ماصار الا الخير وقول الاهل معي
زوجي يعلمني يقول كل زملائة ياخذون حريمهم تشوف يرجع لي بعد دوام الدوره وعنده معلومات عن المنطقه بحكم كلهم
جايبين عيالهم فيعطون بعض وين راحوا ووين جوو وش ينصحون بعض

لاتخليها بخاطرها
خذها وسفرها معك ترى ماتستاهل
احسك عنيد وماقدرت تكسب زوجتك
زوجتك تحتاج منك الاحتواء والعطاء بدون ماتطلب تحتاج تسفرها وتوديها وتددللها قد مابسطتها راح تبسطك
صدقني طبيعة الانثى تبغى اهتمام ومبادره وراح تبسطك وتريحك

بس انت ماخذ الموضوع عناد وجدال وكانها زميل مو زوجة

بسالك كم صار لكم ماسافرتم وانبسطتم ??

اختي الفاضله ..

ماينفع تجي معايا .. عندي اجتماعات وكورسات مع مديري و موظف اخر بالعمل

قبل 10 شهور تقريبا اخر سفره وزياده بالفعل ماعندي اللي يخلي اصرف هلله زياده

مدري علي أي أساس فسرتيها عناد وجدال

اختي الموضوع ماهو ي اطخه ي اكسر مخه !!!