الاخت روح الطير ..

كيف من حقها تصرخ وتصيح !!

جوالي برقم سري والحمدلله ابوي الله يحفظه ماعمره فتش بجوالتنا انا واهلي من اخواتي الى امي .. لان عندنا ثقه في بعض وليس من حقها كزوجه تفتش وتتطفل في جوالي هناك حدود واسرار عائليه بجوالي مع اهلي مو من حقها تعرف تفاصيلها ..

وحكايه يوم خرجت برى المطعم اكلم بالجوال كنت اكلم امي بالمصادفه وادخن وشكها المهوس هو من يقتل الحب الي بيننا لانها صعب تقتنع بان الامور على مايرام او انني على علاقه مثل ماتعتقد .

ملاحظ ردودكم فيها شك كبير .. نصيحه لاتتبعوا ازواجكم بهذا الشكل لانها حتسبب نفور منه لك وراح يقدم على الشي اللي ببالك بسبب دفعك له بطريقه غير مباشره ..

بصراحه مشكله اذا كنت راح ابرر كل اتصال او محادثه لي لها ..

اتمنى الفكره وصلت تحياتي

الاخ الرسمي ..

نصايحك بعين الاعتبار .. وان شاءلله تتجه الامور الى الطريق الصحيح

تصرفك مريب وقت المكالمة وهو اللي يشكك ولازم تقطع شكها باليقين

وصارت لي كثير يسوي زوجي تصرف يشككني فيه واعرف لو سألت ما بحصل اجابة فاظطر للتأكد بنفسي ويطلع شكي محله غالبا ونتهاوش رغم اني اثق فيه بس تتزعزع الثقة مرات بسببه هو

وبعدين انت تقول شلت فكرة زواجك الثاني .. ليش ما حذفت المحادثات دامه ماضي وانتهى حسب كلامك ؟؟

دامك تضايقت من كلامها مع خطيبها السابق وشفت تصرفها خاطىء كان الاولى تتجنب اي تصرف مشابه مهما كانت نيتك

ترا انا ما ادافع عنها ايوا تصرفاتها تجلط وتدخل أخوها يجلط اكثر بس ماراح اتكلم فيها اكيد عندها اسباب وقناعات

بس الواضح انك كارهها وتدور حجج للطلاق ولا تتطلع لبناء مستقبل جديد معاها

النفس اذا طابت طابت

الله يكتب لكم الخير وين ماكان

غالبا اليوم راح تجي على المستشفى لموعد المتابعه الشهريه للبنت .. للمعلوميه العياده بمقر عملي بنفس المجمع ..

راح اذهب للعياده وانتظرها هي وبنتي .. وان شاءالله يطيح الحطب وتستقر حالتها وتبعد عن الشك والوسواسه الحاصله معاها ..

ابني بقول لك عن نفسي
أنا وزوجي عايشين مع بعضنا سنين والحمد لله والثقة بيننا موجودة
لكن تصرف صدر منه قبل 3 سنوات ليومك هذا ما أنساه وكل مرة أتذكره
أتألم نفسيا وأحس قلبي مجروح.. لكني ملتزمة الصمت تماما ولا قد جبت سيرة الموقف..

كنا في سفر أنا وهو لوحدنا نتمشى طبيعة زوجي في السفر مستحيل يتركني
شبر لحالي رجله على رجلي في كل صغيرة وكبيرة..

مرة واحنا راجعين من مشوار لاحظت عليه يصرفني يبغاني أطلع الغرفة قبلة وهو يلحقني
صراحة استغربت خصوصا واضح عليه علامات مخبي عني شي وماسك الجوال بإيده
سألته بتكلم مين؟ قال ولا أحد..أجل ليش أطلع لوحدي؟ألف لي تأليفة مادخلت ولا حتدخل
عقلي بيوم... أنا تركته وطلعت وهو لحقني تقريبا بعد 25 دقيقة..

فين راح ايش سوا كلم مين ما أدري.. ليومك هذا وأنا أحس بطعنة في قلبي... والصدق دخلني وسواس ناحيته.. وصرت أتفقد جواله بين فترة والثانية..

يمكن احنا الحريم حساسات زيادة بس زوجي قهرني جدا بهذه الحركة..هو السبب اللي خلاني أشك فيه..

المهم
نصيحتي لك
صلح حياتك مع زوجتك على مراحل
لا تنتقل للمرحلة الثانية حتى تتمكن من المرحلة الأولى

أولى الخطوات برأيي تصلح علاقتك بزوجتك فقط وتحلوا مشاكلكم بهدوء
لما تستقر حياتكم وتقوى علاقتكم انتقل للخطوة التالية تصليح العلاقة بينها وبين أهلك
وهذه لا تستعجل فيها اطلاقا..

خلي في بالك
مافي حياة مثالية من كافة الجوانب...
إن كرهت منها خلقا فارض منها خلقا آخر.. وهذه وصية الحبيب عليه السلام..استخر ربك في كل صغيرة وكبيرة...ولا تنس أواخر سورة البقرة في كل ليلة..فهي تكفيك ما أهمك من أمور الدنيا والآخرة..

معاكي واوفقك بنقاطك وافهم قصدك تماما .. وان شاءالله الأمور تسير في الطريق الصحيح

تعقيبا علي كلامي ..

جاءت زوجتي وبنتي واحضرت معاها ورده بيضاء وعطتني هي .. استقبلتهم عند بوابه المجمع السكني واخذتهم بالسياره الي العياده ووسوينا تطعيمات بنتي وبعدها توجهنا الى جده ونزلتهم عند بيتها اهلها ولكن حسيت منها انها ماتبي اخوها الصغير ( اللي تهاوشت معاه ) انه يدري انها كانت معايا اليوم ورحنا للعياده !!!

التزمت الصمت .. لأني بصراحه بترك الموضوع لها بأن تحل امورها مع اهلها بعدها اخبرت اخها الكبير انها كانت معايا عشان تطعيمات بنتي .. وان شاءالله الامور تسير بالطريق السليم ..

اخوها الكبير انسان جدا متفهم وواعي بعكس الصغير الطائش ..

الله يسر امرك اخي الكريم ماس لكل خير
اخي زوجتك مع كل اخطائها فيها بذرة خير
ومتل ما عندها سلبيات اكيد عندها ايجابيات
بس ما في مين يرشدها للطريق الصحيح
واول تلات سنوات من الزواج بيصير بين الازواج سوء فهم ومشاكل
لانو كل شخص الو طبعه وشخصيته وبيئته ولتتآلف الشخصيتين ويتعودوا على بعض ويتقبلوا بعض متل ما هني بدها وقت وصبر وتنازل من الطرفين
وصدقني المشكلة الاخيرة اللي صارت في نسبة كبيرة من النساء بتمر فيها ولكن لكل وحدة ردة فعل مختلفة عن الاخرى

اسأل الله ان يبدل حالك الى احسن حال
ويرزقك السعادة وراحة البال

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

اخوها كملني وقالي حترجع على بيتها ..

اخوي .. اسمعني .. ضروري جدا جدا تنظف التراكمات اللي ف قلبك عليها ... ثانيا تكون واثق ثقه كبيره انك قدها و قادر انك تغيرها للاحسن باْذن الله بس وساعة بال و صبر مع الدعاء واخلاص النيه ..


عجل ف سكن لك و لها .. و ف جلسة صفا بين لها ان رغبتك في الزواج الثاني انعدمت وأنها هيه الوحيدة وأم بنتك ،. محتاجة منك أمان.. وحاليا لا تتطرق لاخوها ابدا ..الله يصلح أحوالكم و تزين اموركم عشان خاطر الأميرة الصغيره ..

__________________