للأسف أنه أنا اللي إنقال عني شخص غامض ...

كان هذا في جلسة مصارحة ولحظة هدوء قبل ما أطلع من عندها

( صحيح كلن يناظر الناس بعين طبعه ) !

طبعاً صححت لها فكرتها ، وقلت لها أنا شخص هادي ولدت وكبرت وعشت لوحدي

ولا كان عندي حتى أخوان أحتك وأتفاعل معهم ، وهذا اللي انعكس على شخصيتي

وخلاني شخص هادي وكلامي قليل ، وليس غموض مثل ما تقولي بل إنه البعض فسر هذا

الهدوء واعتبره غرور فيني .



بصراحة معدني مرتاح ومتحمس للزواج منها ، وفعلاً أحس إني اخطأت الإختيار ، ولكن

أبيها منهم لأني وربي لو طلقت بدون ما أسترجع شي من اللي حطيته لها معناه

إني بقعد عزوبي إلين أقدر اكون نفسي من جديد وانا سني مو صغير ،

مجموع اللي دفعته 83000 ريال ! ولسه باقي ورانا شراء بيت ، بالله هذي بسيطه ؟!

الله يعجل لنا بالخراج منهم على خير يارب .

الوالدة صارت نفسيتها زفت بسبب وضعي ، وأنا صاير في حالة توتر وسرحان كثير

وابسط شي في هالموضوع ينرفزني ويعصبني ، ومالي متنفس إلا هنا معكم

علماً أني من يوم رجعت للرياض ما دقيت عليها ولا دقت علي

ما غير مكالمة الأهل لي يوم ما وصلت من السفر !



شكراً لك أختي الكريمة وآسف على الإطالة .

__________________

السلام عليكم
انا الصراحه متابعه مشكلتك من البدايه وكنت انتظرك ترجع وتبشرنا خير
اقول مشاء الله عليك يعني احس بالك طويل
الي اكتشفته من كلام ان البنت متردده او في بالها احد ثاني حتى ماتحس انها واضحه مره
يعني تصرفاتها بحركه مسك جوالها وترسل وهي قدام زوجها وخاصه انه لسى مابعد جاء موعد الزواج ومانت عليه يعني عيب الصراحه وتتركك تنطق ولا تجي حضرتها لك يعني يكفي انت متعني عشانها واهي تسوي كذا
وانك تقول الي تبيه من حقك انا اشوف زوجي طلب مني اشياء كثيره وانا يعني كنت مقتنعه بهذا الشي
يعني وضحلي عبايه الراس وانا اساسا البسها وطلب مني البس تنانير طويله مع اني البس اقصر بس يوم فكرت قلت للاخره ازين انا وش ابي من الدنيا بالعكس خلك واضح من البدايه عشان تعرفك
استخير مره ثانيه والله يكتب لك الخيره ويعطيك على قد نيتك

أختي كلمة في بالها أحد ثاني والله كلمة كبيرة

ما تبيني غيرت رأيها أوكيه مو مشكلة من حقها

ولا تهم الأسباب في هذا الوقت ، يكفي إنها ما تبيني

لكن ما ندخل في الذمم والناوايا ونقول في بالها أحد ثاني ...

كانت موجودة وغير مرتبطه وينه عنها ، وليش وافقت من الأساس علي لو هالشي صح ...

شخصيا ما أفكر في الشي هذا وأستبعده ، لأنه وربي شي كبير وعيب الواحد يفكر فيه .

هي فعلاً متردده ومتخوفة كما عرفت من الأهل ، ومن كلامها معي ...

وهذا نتيجة عدم التأهيل من الأهل ...

تصدقي إن حتى شغالاتنا ما ارتاحت لها

تكلمت مع الوالدة ، وقالت لما رحنا ودينا لها الجوال الهدية ، قبل الملكة إنها قعدت مع شغالتهم

وقالت لها : ( هذي ما تعرف تسوي شي كيف بيزوجونها ؟! ):14:

قاعد أفكر أكلمها بكره وأقولها أنا خليتك اسبوع براحتك من يوم ما رجعت عشان تفكري في كلامنا براحتك

وودي أعرف لإيش وصلتي ، خصوصاً في الاشياء اللي قلتلك ما أبغاها ، وإنه ما راح يتم زواج

إذا ما صارت الأشياء اللي أبيها ....



شكراً لك على مرورك والله يهنيك بزوجك ويهنيه بك ويسعدكم يارب .

__________________

بشرنا وش صار تفاهمت معهم؟؟؟؟

__________________
ربي لا أعلم بما تحمله لي الأيام لكن ثقتي بأنك معي تكفيني ~

أهلين أختي

لحد الآن ومن يوم ما رجعت من عندهم

لا اتصلت عليهم ولا اتصلوا علي ....

طبعاً حصل موقف ما كان بالحسبان أبداً ، وحسيت إني في موقف لا أحسد عليه ...

قبل يومين جاني اتصال من رقم غريب وما لحقت أرد عليه ، تركته نص ساعه ورجعت دقيت عليه

كان معه انتظار ( مكالمة أخرى ) قفلت ، ورجع بعدها دق علي ...

وسؤال طويل الأمور والأحوال والأخبار ... إلخ ، وأنا لم أعرفه ، توقعت في البداية إنه أحد عمانها

( المطوع الوحيد في العائلة ) وياليته كان هو ، طبعاً طول معي في الكلام يبغاني أتعرف عليه ولا عرفته

قالي شوف أنا لازلت محتفظ برقمك ( يا ولدي ) أنا زادت حيرتي وقلت من هذا اللي يقولي ( يا ولدي )

في الأخير عرف بنفسه ، وطلع أبو وحده تقدمت لها قبل زوجتي أنا قلت بيني وبين نفسي

الله يستر من وين طلعلي هالرجال الطيب طبعاً انا صرفت نظر عن بنته لأنه كان يبغاها تطلع بعثة

وأنا ما أقدر أترك وظيفتي ووالدتي لوحدها هنا ، غير إنه كانت أمورهم غير واضحة ، هو كان يقول إنها بتروح

والأخبار اللي بتوصلني إنها ما راح تروح ، ويوم طلعت الأسماء وما كان اسمها ضمن المبتعثين

رجعنا وكلمناهم ، وطلبوا مهلة إضافية يمكن تجيها بعثة ( يعني كانوا حاطينني بديل ) وهذا اللي

ضايقني وصرفت النظر عنها ...

المهم يوم كلمني الرجال سألني وش صار علي قلت والله تملكت ، قال ولا تعزمنا ؟

قلت والله الأمور جات بسرعة وشكلها ما راح تستمر ، وشرحت له الأمور كلها ، لما سمعت عنه

أيام خطبتي لبنته من كلام طيب ، طبعاً هو قالي انت لازلت في بالي ، وإنه كان عندي لك عروس ( سبق

كلمني عنها يوم جلس معي جلسة التعارف الأولى ) متخرجة طب بشري وأبوها متوفي وحطني قبل

وفاته الوكيل الشرعي لهم ، وإن هالبنت ظروفها مناسبة لي ولا عندها سفر وبعثة وهالكلام ...

كانت في جده مع أخوها وتخرجت وتعينت في الرياض ( وأعتقد أهلها هنا في الرياض واخوها

بس اللي في جده ) ...

طبعاً الرجل نصحني بعدم الإستعجال وبحث الأمور مع زوجتي وإنها يمكن تكون مصابه بعين

واستشهد لي ببنت أخوه إنها خمس مرات تصاب بعين في خطوبتها والآن

متزوجة نفس الرجل وعندها منه اثنين ...

وإنه مستعد للوقوف معي وتقديم النصح والمشورة في هذا الأمر ووصاني بأن لا أتردد في اللجوء إليه

عندما أحتاجه ، وقال شوف لإيش توصل وطمني والله يكتبلك الخير وين ما يكون ....

سبحان الله ، والله إني استشعرت محبة الرجل لي وشراءه لي

برغم إنه ظروف بنته ما تناسبني إلا أن الرجل ما نسيني ، ويبي يدلني ويساعدني عشان أكمل نصف ديني

ممكن الأغلبية يتوقعون إنه جس نبض عشان يزوجني بنته بس أنا أستبعد هالشي ، لأنه مو معقول

الرجل يكذب في أمر مثل الزواج ...

أنا لا أنكر أن اختياراتي لزوجتي صعبه ومتعبة ولكنها ظروفي التي تحتم علي

الموقف ، وسبق أن عرض علي غيره ، أخوات لهم ، ( وقالوا لي لو ما إننا نشوفك رجال وولد

ناس ما عرضنا عليك ) ولكني رفضت الفكرة مره بسبب اختلاف المنطقة والعادات ومره لأن

المواصفات غير مطابقة رغم أننا من نفس المنطقة ....

عموماً أنا كل تفكيري مركز على الورطة اللي أنا فيها مع زوجتي الحالية ، لا إننا اللي اتفقنا ولا حنا اللي

قررنا الإنفصال ، لأني حتى لو جيت بتقدم لغيرها ما راح أقدر لأني حطيت مبالغ كبيرة ، أحتاج

على الأقل لسنتين أو ثلاث حتى أجمع مثلها من جديد .



شكراً لمرورك الثاني والنابع من اهتمامك ...

__________________

والله كنت متحمسه لموضوعك مره وشايله همك لكن أمس وقبله مادخلت النت كويس

المهم....اسمحلي ودي أشرحلك اللي فهمته......

أول شي أنا من البدايه حاسه ان البنت نفسها هي اللي متردده وخايفه قل ليشششششش؟؟؟؟ لأن في حاجه خايفه منها


قد تكون سفره للرياض عائق وخايفه من التأقلم بمنطقه ثانيه!!!!

وقد تكون شخصيتك معها مادري كني فهمت منك انك حاد شوي وجاف!!!! يعني أنت قلتلها انك تحبها ومتعلق فيها؟؟ بالعكس أشوف انك قدامها تكون مصر انك تبيها هي حسسها انك تحبها وعاجبتك ومرتاح معها وصدقني راح ينعكس عليها

يعني بالايام اللي تردد عليهم للأسف أشوف ان كلها شد وجذب بس !!!! وهي زودتها ماتبغى تمسك سالفه

وماتبغى تفهمك وش العائق!


وبالنسبه لاخوانها والدخله والطلعه وانها تبعد عنك بالمكان صدقني انا فاهمتها هي تحسسس بخوف وماحست بالامان

واتدري وش يجيها منك!!!!! وشكلها المسكينه متردده بقرارها!!أو خاايفه من الزواج...

أنا شخصيا انخطبت قبل فتره من واحد من غير منطقتي وحسيت ان أهلي عاجبهم وشفت ان مالبيد حيله والله جتنييييي

نوووووووووووووووبة بكاء خوف من الانتقال والعيشه بمكان ثاني وخووووووووف من الزواج بحد ذاته والحياة الجديده >>>يعني أنا ماألومها أبد اللي تمر فيها مرحله صعبه وهي مرحله قبل الزواج ماتدري وش راح تكون حياتها !!!!!


طيب ياأخي مع نهاية الفلم والتردد والغداء والعشاء وش صار؟؟؟؟

أنا ماحصلت فيها خاتمه للفلم للأسف

أنا أقول لاتحرق نفسك اصبر حد ماتقرر لأن يبغالها اعادة قرار والله أعلم .........والله يكتب لك الخير

وردد اللهم اكتب لي الخير حيث كان ثم رضني به...عاد خبرنا بالمستجدات يمكن تكلمك أوترسلك..

أو أقولك عطنا رقمها أبتفاهم معها أنتي تبين الرجال أو ماتبينه..؟؟؟>>>>متحمسه بزياده

الله يوفقك.

__________________
ربي لا أعلم بما تحمله لي الأيام لكن ثقتي بأنك معي تكفيني ~

كل شي حاولت فيه وكنت حريص إني اغير نفسيتها واعطيها الامان

لكن مع صغر العقل ، صعب إنك تتعاملي ...

هي قاعده تتصرف كذا عشان ما تجي منها وتطلب الإنفصال لأن هذا اللي

بيخلي الشرع يجبرهم يرجعون كل شي طالما إني ما دخلت عليها ، إلا لو أنا تنازلت عن

شي معين أو مبلغ معين من طيب نفسي ...

طبعاً أنا ما راح أترك لها غير الهدايا العادية ، زي العطور والجوال ...

غير كذا كله داخل ضمن الجهاز والمهر والشبكة ، لأن حتى هم جابولي هدايا وحده من أهلها ووحده منها

وهدية منها للوالدة ، ولكن الوالدة والله ما فتحتها ولا تدري وش هي ولا لها نفس فيها .

__________________

هي فعلا لسى مااتخذت القرار
والظاهر الحلم فعلا مأثر على قرارها
قل لها نبض تسلم عليك
وتقولك لاتروح عليك هالأيام لأنها بتكون أحلى أيام حياتك
وبتجيك الأيام تتحسري ان الشيطان لعب براسك وخرب احلى لحظات عمرك
خلاص استختري وملكتي توكلي على الله
والحلم رددي اللهم لاخير الا خيرك ولا طير الا طيرك ولا اله غيرك علشان ماتتطيرين بالحلم
والرسول قال الرؤيا السيئة من الشيطان
وهو هدفه (يحزن الذين آمنوا)وعدوه الزواج لأن أعظم طاعة

الله يسعدكم

هلا بالجميع ...

لا ماني ملخبط في الردود

وماشي بالترتيب عشان ما أرد على أحد قبل احد

وموضوع المهر راح أتكلم فيه ، بحسب علمي من خلال ملازمتي

لبعض المشائخ الذين درست على أيديهم ، ومراجعة ذلك معهم مؤخراً .

__________________

أهلين أختي نبض ...

سالفة الحلم قالوها لي الأهل من غير ما تدري وقالولي لا تقولها إننا قلنالك ...

وفوق هذا إن عيوني حمر هذي بالله وش معناها ؟!

معناها إني أتعاطى شي ، وشرحت لهم وقلت عيب الكلام هذا ، انتوا سألتوا عني

وأكيد ما سمعتوا إلا كل خير واللي يسركم ويطمنكم على بنتكم !

وحتى لو صادفت لحظة كانت فيها عيني حمرا يمكن ، هذا ما يعطيها المبرر تتكلم عني

كذا عند أهلها أو قدام أخوها أو أي أحد ، ابوك و عمانك رجال مالين ثيابهم بالله لو فيني شي

من اللي تتوقعينه كان بيفوت عليهم هالموضوع ؟!


أنا رجال رغم ضغط عملي وجلستي قدام الكمبيوتر فوق تسع ساعات برضو نومي قليل بسببها

قالوا احنا عارفين ، بس انته قولها لو سألتك حساسية ولا من الجو .. عطها أي كلمة تريحها وتسكتها .

و لما كنا نتكلم أنا وياها مره من المرات تقول ليش عيونك حمر وقلت لها نفس الكلام ...

ولما خرجنا نشرب قهوة أنا وهي واخوها صار موقف طريف كان فيه شوية تناحة منها

وقلت لها بعذرك تشوفين عيوني حمر من هالعدسات اللي حاطتها وشقلبت عيونك ...

تقوم وش تسوي ؟ تقول حتى اسأل أخوي وتقوله شوف بالله مو عيونه حمر ؟!

يعني كانها تشهّد علي .... بالله هذا تصرف وحده عاقلة ومقدمة على حياة وعمر ؟!

هذا أنا وهذي خلقتي ، ما عجبتك محد جابرك على شي ...

والله لو تقولي ما ابغى وخايفة أقول لأهلي بعد الملكة لا اقولها خلاص ولا يهمك راح أحط

العيب فيني وأطلعك منها ، بس ما نتعلق هالتعليقة !



عموماً كله عند الله ما يضيع ومسير كل شي يبان في الأخير .



اسعدني مرورك مع جزيل الشكر ، وآسف لو كان ردي فيه شوية إنفعال .

__________________