اخ فايز سبق وقلتلك باحد ردودي انه اول سنة للزواج هي اصعب سنة واسال اغلب المتزوجين
لانه كل شخص جاي من بيئة مختلفة ونمط وطريقة تفكير غير
ولاتنسى انه زوجتك تقدر تشكلها بنفسك لما تبني وتصقل شخصيتها لانه هي شخصيتها ضعيفة
قال رسول الله صلى الله عليه وسلم ( لايفرك مؤمن مؤمنة ان كره منها خلق رضي منها اخر )

والموضوع مو مسالة حرمة تمشي رايها عليك الموضوع انه الزواج شراكة واندماج وحقوق وواجبات وزوجتك الله يهديها
شكلها مااحتكت ولا فهمت الدنيا وماعندها مصدر للمعلومات غير امها الله يهديها ويصلحها

انتظر ماسيؤول اليه الاجتماع وعطي زوجتك فرصة ولاتحكم عليها بناء على تجربة غيرك كل تجربة ولها ملابساتها واحداثها المختلفة

ومثل ماقلتلك لاترضخ لطلبها لانه ماله اي مبرر ومايحتاج شغالة

بس ودي اعرف وش مستوى زوجتك التعليمي؟

وربي يصلح الحال ويدبرك بتدبيره ويكتبلك اللي فيه الخير

اهلا اختي حياكي
انا عارف ومقدر الكلام هذا
بس مشكلة زوجتي انه على اي اختلاف بيني وبينها تروح تحكيه لامها وامها ما تصدق تجي تاخذها
انا ما اقدر على الحياة هذي مافي اثنين متزوجين الا ويختلفوا صح والا لا
ويصير زعل ويتراضوا وينتهي الموضوع بس يكون الكلام هذا بينهم اي تدخل بين المتزوجين يكبر السالفه سواء من اهلها او من اهلي
زوجتي لها اربع سنوات في ثالث ثانوي يعني بليده مره السنه هذي تدرسها منازل

اهاا ..

يعني امها طلبت الشغاله تبي بنتها تنجح هالسنه ..

سمعت بدراسه ..ان المتزوجين الي يكونون كلهم مشغولين ببدايه الزواج بدراسه او وضيفه ..تكون نسبه الطلاق بينهم اقل ..

لان اول كم سنه يكون فيها الاختلاف اكبلر ..وويكونون هم مشغولين ن المشاكل بطبيعة الدراسه او العمل ..

والمتزوجات بالدراسه فئتين ..
اما انها تنيلها وماتقدر تدرس اما لانها ماقدرت توافق بين الدراسه والزواج ..
او ان الزوج كان عائق بينها والتفوق ..

والثانيه ..يكون مستواها الدراسي متوسط او سئ ..
وما ان تتزوج الا واتطلع المواهب المدفونه ..لانها حست بالمسؤوليه ..
او لانها لقت التشجيع من زوج المستقبل

واحيي فيك اخي فايز الدويش ..حرصك على اخذ الكلام والمعلومات كامله ..واعتراف البنت واقرارها انها راضيه بكلام امها ..
وانها تبي الطلاق ..
جزاك الله خير ..

__________________

السلام عليكم ورحمة الله تعالى وبركاته

أخوي فايز
لاتسمع كلام أحد يقولك رجعها ، هذولا اول شي أهانوا كرامتك ، وأتهموك بشرفك ، وأتهموك أن تواطئ زوجتك من المكان المحرم ، فهل انت شايف جو هالأسرة ؟؟؟ هل هذولا يستحقون أنك تكون زوج بنتهم أو أنهم يكونون خيلان عيالك ؟؟

شنو تترجى من ناس عملوا فيك كل هذا ؟؟ وفوق هذا متهمينك بالدياثة وأنك تجيب أخوك ف شقتك ؟؟

أخوي بنات الأجاويد ترس التراب ، واللي يدورن الستر ياكثرهن ، منت واقف على قليلات الحيا هذلي.

خلك حازم وخلهم يعرفون أنك منت مهزلة حريم ، وتعالى عنهن وعن سوالفهن ، وسو مثل ماقلتلك في اول مداخلة لي .

أرفع القضايا اللي قلتلك عليها ، وأطعن بكل التهم الموجهة عليك ، وطالب بتحويل زوجتك طب شرعي ، وبالنسبة للقضايا اللي بترفعها على أم زوجتك طالب فيها برد إعتبار مادي لا يقل عن 100 ألف ريال ، هذا غير المهر اللي بيردلك.

وخلهن يعرفن أنك رجل ومنت مثل ماقالن .

والله ان قلبي عليك .

__________________
استغفر الله واتوب إليه

لا ابشرك حنا من الفئة الثانية
على فكره لا تفكري انها طلبت شغاله عشان تتفضى للدراسه
لا والله كذا بس عشان امها قالت
وبعدين لو هي بتذاكر مثلا اكيد راح اقدر هالشيء واخليها تتفضى لمذاكرتها
والمفروض كمان هي تكون حافظه المنهج 4 سنوات ياهوووه

والله كلامك عين العقل
بس اخوي المتفائل اذا انكرت الحرمه!! لانها كذابه كبيره
والمحكمه بتطلب شهود من فين اجيبهم
انا ابغى اشوف ايش اللي بيصير في الاجتماع
لانها قالت فيه كلام خطير بقوله في الاجتماع ان شاء الله تقول هالكلام قدام الرجال
بعد كذا اروح المحكمه وعندي شهود على كلامها

اخي رد ع اخر رد تعقيب ع كلامك لكلام المتفائل بالله ..هناك بعض الردود رجاااء الخاص مني لك ابعد عنها مع احترامي لااصحابها ...
اذا كنت فعلا ومو معناه اكذبك اذا كنت فعلا كل الحكي اللي صدر من امها كذب واتهام راح تدخلون بحلف بالمحكمه يعني لو تحلف زوجك حلف كاذبه راح يصيبها جزاء اليمين الغموس وخلافه
طيب عطنا حاليا وش نوع هالاجتماع ومن قرره وين رايح يكون ومن بيحضره وعن ايش وليه بيتم !!!
اعذرني ياخوي لاسئله شخصيه لانك تتسائل عن موضوع الشهود...
واقوى شاهد لو تسجل الاجتماع صوتي هذا اقوى شاهد من وجود الحاضرين لان هناك حاضرين البعض منهم بيتحرجون
وكل كلام ام زوجك كيف وصل لك ومن يعرف هالتهم غيرك؟؟
ابشر بالمتابعه لم اسجل الدخول اليوم الا لاجل متابعه موضوعك والله يوفقك المتفائل بالله اللي شد بالكلام من جديد
الله يوفقك ويحميه يارب ع هالراي

دامها قليلة حيا كذا اكيد بتنكر

خل يجي الإجتماع وخل أعصابك باردة جداً ، وحط أبالك أنك أنت الكسبان ، وأن الله أنقذك من هالعايلة قليلة الأصل هاذي

أبي أعصابك باردة ، لاتتوتر ، او تتنرفز ، خذ اللي تبية من الجلسة وتوكل على الله.

وطلع البنت من راسك ، لاتندم عليها أبداً ، ويامالك من بنات الأجاويد الأصيلات والمأصلات الدينات العفيفات الجميلات .. والله والله يافايز بيعوضك ربي اللي أجمل واحلى وافضل من جميع النواحي.

وأسمعني وخذها عبرة ، جهال لاعاد تاخذ ، منت فاضي تربي بنات خلق الله انت ، خذها بين 23 إلين 26 سنة ، تجيك ناضجة وعارفة وفاهمة وعندها إستعداد أتبادلك المسؤولية والإهتمامات ، وتبيض وجهك حتى مع أهلك ، وياسلام لو تكون بعيدة عن العايلة بعد.

أتمنالك كل التوفيق يارب.

__________________
استغفر الله واتوب إليه

اهلا سرب اشكرك على اهتمامك ومتابعتك وحرصك
لا عادي بجاوبك على الاسئله
اول حاجه بالنسبه لام البنت ورب الكعبه تحلف وهي كاذبه عادي عندها وعلى فكره الكل يعرف انها انسانه كذابه
انا لما رحت اشتكي لجدي اول ما شافني قال الله يعينك يا ولدي وبعد ما قلت له بالسالفه قال كلنا نعرف انها كذابه يعني الكل يعرفها
بالنسبه للاجتماع
رئيس الاجتماع جدي (كبير القبيله) وفي نفس الوقت يصير جد البنت
وراح يكون موجود عم البنت و2 من خيلانها وطبعا البنت وامها
وجدي انسان حقاني ما يظلم احد
والله كريم

انا عارف ان هذي غلطتي والله الفرق في العمر مهم جدا وربي احس اني متزوج طفله!!
شكرا يالمتفائل الله يجزاك الخير