|
ام زوجتي
السلام عليكم
كيفكم يالغالين بدخل في مشكلتي على طول وابي مشورتكم مشكلتي فيها عدة نقاط بحاول اقلكم بالتفصيل اول شي انا شاب عمري 29 سنه وزوجتي عمرها 21 سنه متزوج من سنه يعني في الصيفيه هذي تكتمل سنه على زواجي واحس انها ما راح تكتمل الله يعين كنا نعيش حياة حلوه انا وزوجتي على الرغم من ان زوجتي اشياء كثير ما تفهمها ما تتكلم كثير ما تعرف تمزح ما تعرف تضحك اذا قلت لها نكته مثلا ما تضحك لانها ما تفهمها والله يا جماعه ما ابالغ زوجتي عقلها بالمره صغير وما تفهم شي في هذي الحياة والسبب في هذا الشيء امها لانها ما تخليها تطلع من البيت زوجتي ما عندها صديقات المهم قبل شهرين اتصلت الام على بنتها وقالت لها خلي زوجك يجيب لك شغاله. جات البنت تقول لي امي تقول جيب لي شغاله قلت لها ليش شغاله؟!! بيتنا ما يحتاج كلها 3 غرف وحنا لوحدنا لا ولد ولا انتي تدرسي يعني ما عندك شي قالت مافي انا ابغى شغاله يعني تجيب لي شغاله قلت لها والله ما اجيب شغاله وقلت لها انا صرت اكره امك من كثر تدخلاتها في حياتنا المهم انا تزاعلنا وكل واحد نام بغرفه قمت لصلاة الفجر وادور للحرمه ماهي موجوده بالبيت!!! اتضح بعدين ان امها جت واخذتها بعدين كلمت امها قالت بنتي ما راح تطلع من البيت الا بشغاله قلت لها نفس الكلام شغاله ما راح اجيب قالت وبنتي ما راح تطلع قلت لها اعطوني حقي وخذوا بنتكم قالت طيب بنعطيك حقك وانا عارف انها كذابه المهم لها شهرين الحين في بيتهم .. خلال الفتره هذي جالسه تطلع علي كلام قالت اني مجنون وقالت فايز ما عنده غيره يقول لاخوه يجي ينام مع زوجته وحاجات كثيره اخرتها قبل يومين تقول اني اجي بنتها من ورا!!!!!!!! جننتني العجوز الشمطاء هذي الله ياخذها الحين انا افكر بالطلاق .. بس اللي خايف منه اني لو طلقت اكون ظلمت البنت بهالقرار غير كذا والله انا طابت نفسي من هالزواجه افيدوني بارك الله فيكم |
رد : ام زوجتي ( الله ياخذها )
يووووه معقوله لهذي الدرجه ماعندها شخصيه الله يعينك عليها بس اصبر ان الله مع الصابرين كلم ابو البنت اتفاهموا يمكن يقدر يدخل ويصلح الموضوع ويعقل بنته قلها بننفصل يمكن تخاف وتهون عن الشغاله الله يصلحها بس وكان الله في عونك00
موفق00 |
رد : ام زوجتي ( الله ياخذها )
الله يعينك عليهم
المشكلة البنت ماعندها شخصية معاهم معاهم عليهم عليهم والام نشبة والله اني مااحب انصحك بالطلاق بس مافية حل غير كذا دام لسى ماعندكم اولاد لان الام راح تتحكم فيها عطول وراح تجيب مشاكل سواء طالت او قصرت وبعدن شو الام ذي اللي تتكلم على زوج بنتها بهذي الطريقة اعوذ بالله مرة وقحة الله يعينك على مابلاك تحيياتي |
رد : ام زوجتي ( الله ياخذها )
يا زلمة شو قصتك والله حاسيتك زي الارامل اللي قاعدة وبتندب حظها ههه هذا وانت رجل وبتتشكى الله يعين النسوان
المهم نرجع لموضوعنا انصحك اتركها كمان شوي في بيت اهلها وطلع اشاعة انك ناوي تخطب وحدة ثانية واذا ما فيه فايدة دخل اخوالك وااعمامك واهلك في الموضوع للاصلاح ان يريدا اصلاح يوفق الله بينكما ومن راي انه اذا كان تدخل امها خفيف بحياتكم معليش تنازل وجيب الشغاله حتى لو بالساعة نسوان اليوم مدلعات وكل شي متوفرلهن ومع هذا مو عاجبهن شي لا حمدا ولا شكورا الله يهديهن مو كلهن علشان لا احد يزعل واذا كان تدخل امها بالشاردة والواردة يعني على كل شي بالطالعة والنازلة توكل على الله واستخير في بقائك مع الزوجة واذا ارتحت طلق وانت مرتاح الضمير والحل الاخير اجلس انت وزوجتك جلسة هدوء وخذها بعيد عن امها واعزمها برة البيت وتفاهم معها واذا حسيتها متنازلة شوي وشاريتك تحمل شوي وتعال على نفسك في النهاية القرار لك انت رجل واكيد عندك حكمة وعقل وبتعرف تدبر امورك وبنصحك نصيحة استشير استشاري اسري بمشكلتك واكيد راح يساعدك المهم خلي الطلاق اخر شي |
رد : ام زوجتي
أسمع يافايز وحط كلامي براسك زين
اللي يبيعك ويسترخصك لاتخاف أنك تظلمة ، وكرامتك فوق كل إعتبار إذا تبي حقك يجيك ثالث مثلث عليك بالآتي 1- رفع قضية نشوز في المكمة والمطالبة بالمهر كاملاً 2- رفع قضية على أم زوجتك بسبب إقتحام بيتك دون أذنك وأخذ زوجتك وحثها على العصيان والتمرد ، كما ترفع قضية أخرى وهي قذفك بشرفك ورجولتك !! 3- هي قالت بأنك تأتي زوجتك من المكان المحرم لتجنب إعطائك المهر ولتكون لهم ذريعة على ذلك ، فإن دارت عليك الدوائر ، طالب المحكمة بتحويل زوجتك للطب الشرعي للتأكد من هذا الموضوع. النوعية من هذه الحريم قليلات مروة وشيمة يافايز وجيب حقك لحد عندك وخلك رجل حازم دامهم وصلوا المواضيع للمصخرة هاذي أحتريت |
رد : ام زوجتي ( الله ياخذها )
اقتباس:
انت تقول ابو البنت ولو ابو البنت عنده شخصيه كان الام تمردت كذا!! اشكرك على رايك |
رد : ام زوجتي ( الله ياخذها )
اقتباس:
صادقه انا افكر في على المدى البعيد راح تتعبني الام هذي |
رد : ام زوجتي ( الله ياخذها )
اقتباس:
لا والله يا هدوء تدخلاتها كثيره ياخي ام تسأل بنتها عن اللي يحصل في غرفه النوم تشوف هذا تدخل خفيف!! |
رد : ام زوجتي
اقتباس:
واسال الله ان يكتب لي اللي فيه الخير |
رد : ام زوجتي
اخي العزيز:فايز
اذا الله منعم عليك طلق البنت ويعوضك الله واذا ضروفك الماديه صعبه طالب بالمهر والله يعينك ولكن البنت هذي من اولها مشاكل وكلاام يتعدا الحدود وقذف مستحيل تعيش معك بعدين هذي ام زوجتك راعية فاضيح توقع تطول السالفه بالمحكمه |
| الساعة الآن 10:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©