السلام عليكم ورحمة الله وبركاته

والله يامشاكلي ماتخلص الله يعيني على نفسي ويعينكم علي
الاغلب شاف مواضيعي ,,,

لي شهر ونصف عقدت على فتاه عمرها 18 سنه وعمري 28
توقعاتي صارت في محلها البنت ماتفهم بالحياة الزوجيه شيء
وبنفس الوقت ماهي مستعده تتعلم ولا تغير نفسها
مدلــــــــــــله من اهلها خصوصا ابوها ولما عقدت عليها كان يقول لي البنت صغيره ومن هالكلام
فانا ماتوقعت انها بهالشكل ,,,
وغير كذا تستحي مني بشكل مو طبيعي
يعني الى يومكم ما ارسلت ولا مسج ولا قالت اسمها على لساني
ولو جبت سيرة لاي موضوع عاطفي او خاص تتضايق وتسكت (لاتحسبوني رحت بعيد قلت لها انا يقولون لي ابو فلان وش رايك اذا جانا ولد نسميه بهالاسم واللا نغير)
بالمواضيع العاديه كل سؤال اسالها اجابته ما ادري واللا عادي واللا ايه لا ,,, الخ
بعد جهد فعلت الوتس اب من اربع اسابيع تقريبا كل يوم نتكلم مرتين بالوتس اب
وقبله كنت يوميا اتصل عليها ,,,

طبعا قبلها تملكت على وحده وشهرين وانفصلنا مع اني كنت احبها بجنوووووون
لم لا وهي الحب الاول ؟؟
كانت خطيبتي الاولى جريئه وغنوج وتعرف تدلع ,,,
انا احاول الا اقارن ولكن صعب جدا مع ان الثانيه اجمل من الاولى وفيها جوانب افضل ولكن ..
ولكن الثانيه طفله همها المدرسه وافلام الكرتون والعاب الجوال
بالبدايه كنت اسولف وهي ساكته ولا همني قلت يمكن تستحي
وفعلا كانت تستحي مره ومع الواتس اب الحمدلله صارت تكتب وتجاوب فقط
طبعا حاولت انها تتعدل وكلمت امها بس للاسف لاجديد
انا صرت اعصب بسرعه عليها الحمدلله للان ما غلطت عليها
بس قلت لها كلام - اعتبره قاسي -ماقلت نصفه لخطيبتي الاولى
سؤالي ياخوان هل وضعها طبيعي
والله اكتب وانا على اعصابي
وكيف ممكن اغيرها
الزواج بعد 8 اشهر تقريبا اذا خلصت الثانوي ,,,
المشكله اني طلعت من الخطبه الاولى بفرااااااااااغ عاطفي كبير والان فراغ +هــــــــــــــــــــــــــــــم
ماعليكم مش ممكن اطلق لا احد يتكلم عن هالنقطه خلاص وداعا للطلاق
احيانا افكر اخربها مره وحده واجيب الاول والتنالي حتى تتعود غصب واحيانا اقول شوي شوي بس مايصير شهر ونص ولا سمعت منها صباح الخير ....
تكفوووووووون عطوني حلولكم آراؤكم ومن مر بتجربه مثل تجربتي
لاتقولون بعد الزواج ياجماعه قدامي 8 شهور ابعيش زي اي واحد خاطب
شوفو لي حل ,,,

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم