|
خطيبتي طلعت الشيب براسي ,,, فتحي ياورده غمضي ياورده >> عقل طفله
السلام عليكم ورحمة الله وبركاته
والله يامشاكلي ماتخلص الله يعيني على نفسي ويعينكم علي الاغلب شاف مواضيعي ,,, لي شهر ونصف عقدت على فتاه عمرها 18 سنه وعمري 28 توقعاتي صارت في محلها البنت ماتفهم بالحياة الزوجيه شيء وبنفس الوقت ماهي مستعده تتعلم ولا تغير نفسها مدلــــــــــــله من اهلها خصوصا ابوها ولما عقدت عليها كان يقول لي البنت صغيره ومن هالكلام فانا ماتوقعت انها بهالشكل ,,, وغير كذا تستحي مني بشكل مو طبيعي يعني الى يومكم ما ارسلت ولا مسج ولا قالت اسمها على لساني ولو جبت سيرة لاي موضوع عاطفي او خاص تتضايق وتسكت (لاتحسبوني رحت بعيد قلت لها انا يقولون لي ابو فلان وش رايك اذا جانا ولد نسميه بهالاسم واللا نغير) بالمواضيع العاديه كل سؤال اسالها اجابته ما ادري واللا عادي واللا ايه لا ,,, الخ بعد جهد فعلت الوتس اب من اربع اسابيع تقريبا كل يوم نتكلم مرتين بالوتس اب وقبله كنت يوميا اتصل عليها ,,, طبعا قبلها تملكت على وحده وشهرين وانفصلنا مع اني كنت احبها بجنوووووون لم لا وهي الحب الاول ؟؟ كانت خطيبتي الاولى جريئه وغنوج وتعرف تدلع ,,, انا احاول الا اقارن ولكن صعب جدا مع ان الثانيه اجمل من الاولى وفيها جوانب افضل ولكن .. ولكن الثانيه طفله همها المدرسه وافلام الكرتون والعاب الجوال بالبدايه كنت اسولف وهي ساكته ولا همني قلت يمكن تستحي وفعلا كانت تستحي مره ومع الواتس اب الحمدلله صارت تكتب وتجاوب فقط طبعا حاولت انها تتعدل وكلمت امها بس للاسف لاجديد انا صرت اعصب بسرعه عليها الحمدلله للان ما غلطت عليها بس قلت لها كلام - اعتبره قاسي -ماقلت نصفه لخطيبتي الاولى سؤالي ياخوان هل وضعها طبيعي والله اكتب وانا على اعصابي وكيف ممكن اغيرها الزواج بعد 8 اشهر تقريبا اذا خلصت الثانوي ,,, المشكله اني طلعت من الخطبه الاولى بفرااااااااااغ عاطفي كبير والان فراغ +هــــــــــــــــــــــــــــــم ماعليكم مش ممكن اطلق لا احد يتكلم عن هالنقطه خلاص وداعا للطلاق احيانا افكر اخربها مره وحده واجيب الاول والتنالي حتى تتعود غصب واحيانا اقول شوي شوي بس مايصير شهر ونص ولا سمعت منها صباح الخير .... تكفوووووووون عطوني حلولكم آراؤكم ومن مر بتجربه مثل تجربتي لاتقولون بعد الزواج ياجماعه قدامي 8 شهور ابعيش زي اي واحد خاطب شوفو لي حل ,,, |
عفوا والله ما قصدي انما انت ليش كذا المحامي :d
اللي عم يستشروك الصبايا :24: ياما في الحبس مظاليم معلش سؤال وانت ليه تخطب وحده عمرها 18 سنه من شو بتشكي بنت ال25 مناسبه لعمرك وناضجه اقول اهدا وطول بالك انت تقدر تزورهم وتشوفها وتجلس معها انو مجتمعكم يسمح لك بذلك يعني ذكرتني لاخونا زيتون نفس المشكل تداوي الناس وتدور عطبيب يداويك :30::30::30: :30: شوف طالما انو تخجل فهذا جميل يعني انت اول شخص يدخل قلبها وشويه شويه تتجرأ وانت خارج من خطوبه فاشله قبل وعندك فراغ عاطفي وعمر ال18 سنه ما رح تلبي وتملي ذلك بسهوله علمها الكلام والحب والغزل |
وعليكم السلام ورحمه الله وبركااته
يااحليلك ذكرتني باخوي كان خاطب بنت خالتي حلوه وجريئه مثقفه وواعيه وكشخه بينهم فرق سنتين جاه احد وقلب راسه قاال خذ وحده صغيره تربيها علي كيفك ومن خرابيط هالشباب انفصل عن بنت خالتي وتزوج وحده عمرها 16 سنه مو المشكله بعمرها المصيبه انها فعلا بزر كانت تتصرف تصرفات والله كنت احن عليها واحقد علي اخوي احسه قتل طفولتها كان تفكيرها برئ جلست 3 سنوات وحملت وبعد مااولدت طلقها ورجع لبنت خالتي قال ابي زوجه مو بنت اربيها بس بعد ايش بعد ماادمرها عرف غلطته الله يساامحه بصراحه انا استغرب من اللي يخطب وحده صغيره طيب خريجات الجامعه وش كثرهم مثقفات وفاهمات وقد المسؤوليه ماادري ليه العين علي بنات الثانويه عموما الله يسعدك معها بس طبيعي انها خجوله اهم شي تكون واعيه وفاهمه الزواج حاول من الحين تعودها ع المسؤوليه بالتوفيق |
مشكلتكم يا الرجال عجولين مره .. مره مره إذا جاتك تستحي ما أعجبك وتبي الجريئه وإذا جاتك على الطلب تحرك إبليس :) الوضع طبيعي جدا يااخوي توها صغيره وش دراها بقولك تجربه صديقتي مثل خطيبتك .. كانت مثل البسه تعرف البسه أو زي ما يقولون القطوة تتفرج كراتين إلى وصلت للثانويه اهتماماتها طفوليه جدا كل شي كل شي فيها طفولي .. ولما تملكت وهذا الكلام قبل 10 سنين تقريبا خطيبها كان يتضايق منها ومن اسلوبها وكان يقولها متى بتكبرين متى أحس انك بنت مو طفله وشوي شوي تغيرت فتره الملكه كانت سنة يمكن وإلى قبل ما تعرس تغيرت مرره وصارت مو تعشقه إلا تكتب قصايد غزل و تاخذ رايي وصارت جريئه بفرق شاسع عن بدايه سوالفهم مع بعض وكل هذا بفضل الله ثم اسلوبه عرف يدخل لها ترجع لنفس إسلوبك إنت وتعاملك معها حببها فيك وانقل عاطفتها من افلام الكرتون إليك وهذا طبعا يبي له وقت مو بسرعه كذا .. الله ييسر أمرك ويحقق مرادك ويهنيك فيها ويجمع بينكم على خير |
لا حول ولا قوة إلا بالله ... مو أنت اللي طلقت من أجل طقاقة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ولا أنا مخربطة بينك وبين واحد تاني ؟؟ الله يسامحك ... مارح نلومك الآن اللي صار صار .. وإنشالله إنه حصل خير .. أول شيء .. لا تطلق .. تاني شيء ... لازم تستحملها .. تالت شيء .. شوي شوي على البنت شهر ونصف غير كافي تفتح قلبها تماماً لك .. خصوصاً إذا كانت البنت من النوع اللي ما يتكلم كتير .. أما لو كانت بتحكي كتير مع رفقاتها وتتجاوب وتتفاعل معهم .. فهذا يبشر بخير .. ويعني أن خطيبتك ليست انطوائية .. ولكنها خجولة فقط والمسألة مسألة وقت .. أسأل الله تعالى أن يحببك فيها ويحببها فيك ويجمع بينكما على خير يارب |
ما معك إلا تصبر عليها
والعصبيه بتخليها تنفر منك أكثر وتحس انها فعلاً ناقصه في عينك وبتحس انك ثقيل دم وجبت لها الهم خذها حبه حبه وان شفتها خجلانه لا تقفل الموضوع استمر ناقشها ومره عن مره زود الجرعه وناقش مسألة الخجل معها وذكرها انك زوجها الآن وهي حلالك وانت حلالها وابدأ عالواتس اب لحد ما تتجرأ شوي وبعدها انطلق للمكالمات وتعلم شلون تدغدغ عواطفها خصوصاً انها مراهقه وفي هالسن يامحلى القصص العاطفيه وخلك رومانس وبلاش السواليف في عيال وخلفوا وتزوجوا ومدري وشو لأنها ببساطه هالأمور غير معتبره عندها حالياً وبالعكس انت تنفرها لأنك تذكرها بأشياء ما تعجبها كل المعتبر عندها العواطف والكلام الحلو والقصايد والأشعار وشوف النت الحين واحفظ لك كم قصة حب وسمعها وكيف انك سعيد بقوة هالحب والترابط وهكذا .... هي عندها موهبتها وأنوثتها لكن تحتاج لوقت بالإضافه لرجل ذكي يختصر هالوقت على نفسه ودعواتي لكم بالتوفيق |
ملاحظة : نسيت أقول إني للآن ما أعرف شو يعني طقاقة ؟؟ |
هههههههههههههههههههههااي
لا تعصب ولاشي الوضع عااااااادي جدا واي بنت بتسوي كذا طبعا في حالات تختلف ان البنت تكون جريئه واحمد ربك باقي شهر اختي ساحبه كانت ساحبه على زوجها ايام الملكه وكل المكالمه ايه ولا >>كنت اسمعها وهي تكلم لانها تكلم بنفس الغرفه اللي انام فيها بس للامانه ما اطول ويانبني ضميري واقول لها اني صاحيه صديقاتي وانا كذا بس انت اصبر وهد اعصابك وانتبه من المقارنه لان كل واحد له طبعه والمحيط اللي عايش فيه وعلى اساسه تبنى تصرفاته وبعدين توكم مالكم الا شهر ونص وححتى احتمال انها تبي تتكلم بس ينربط لسانه يعني تتلخبط تحتاس فتصرف بسوالف المبزره ذي لاني اسؤي كذا بس هذا كل مافي الموضوع وانت اصبر شويات وبتتعود عليك فهميييييت علي؟!!!!!!! انتبه تقسى عليها انتبه لان اي شي يصير بالبدايه يبقى بالذاكره وما بتنسى ولا تترك مكان للمشاكل لاحقين عليها لاتسؤي زي المتخلف اللي عندي عساه بجلطه مستعجله قولوا امين |
دائماً أصر إلى عدم المكالمات أيام الملكة لأسباب كثيرة، منها حدوث مثل هذه المشاكل التي تعكر صفو المرء، بالنسبة للبنت لا أعلم عن شخصيتها أو تفاصيل تفكيرها كي أعطيكَ حكماً ورؤية، لكن أود أن أقول لك أخي الفاضل أن البنت صغيرة في عمرها وهي لاتزال في مرحلة المراهقة، وهذه مرحلة لاعيب فيها كلنا مررنا بها، وبالتالي لا تتوقع أن تكون صاحبة فكرة أو ثقافة أو رؤية عميقة ومستقبلية وبعيدة نظر، بالأضافة إلى ذلك هي أنثى وطبيعي أن تستحي منك، أخي الأنسان لابد أن يمر بمراحله الطبيعية، وخطيبتك تمر بمرحلتها مثلها مثل بني جنسها ربما الاهتمامات السطحية عدم الوعي الكامل في بعض الواجبات، وغير هذا ربما شخصيتها كما وصفتها وهذه طبيعتها، دورك الآن هو أن تهدأ قليلاً، نعم ليس كل مانحلم به نحققه وربما تسري الأمور خلاف مانريد، لكن ذلك ليس نهاية الحياة، بل ربما هذه البنت تملك من الصفات العظيمة التي لم تكتشفها أنت أو ستظهر كلما تقدمت البنت في العمر.
نصيحتي لك أن تهدأ ولا تطمح كثيراً، فمرحلة الملكة للذين يتواصلون مع خطيباتهم ليست بالضرورة أن تكون للغرام وغيره، إنما لفهم الطرف الثاني ومحاولة نصحه أو امداده ببعض الأفكار. دعائي لكما بالتوفيق . |
أول شئ ألف مبروك وبارك الله لكما وبارك عليكما وجمع بينكم بخير أخي الفاضل شهر ونصف ليست كافية حتى إنها تاخذعليك وتنسجم معاك البنت صغيرة وتحتاج وقت حتى تتأقلم في الوضع الجديد وأنت بنفسك لازم تاخذ بيدها وتعلمها بالأسلوب إللي أنت تحبه وأترك سالفة التشكي على أمها من الحين تو الناس ياخوي وأنت إنسان واعي ومثقف وناضج بإمكانك تغيرها على كيفك بقربك منها وتحسسها بإهتمامك فيها وكون لها صديق قبل تكون لها حبيب حتى تمتلك قلبها وعقلها ومشاعرها وستجدها بإذن الله هي من تبحث عنك اسأل الله لك التوفيق في حياتك أنت وزوجتك .
|
| الساعة الآن 06:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©