الوحده في اوكلند


بعد مرور تقريباً 4 اسابيع في اوكلند كل الي اعرفهم سافرو وبقيت وحيييد


مرت علي ايام سوداء كان الاسبوع الي جلست فيه في اوكلند اسبوووع ممل واقدر اسميه اسبوع الجحيم


صرت امشي وحيد في الكوويت ستريت ربعي الي اعرفهم سافرو حتى المعهد نصهم تخرجو وكلهم صارو ناس جدد ..


يعني صرت اسهر واتغدى واتمشى لحالي اشتقت للرياض واشتقت لهلي واشتقت لربعي


تمنيت يجي يوم الرجوع بسرع وقت


صرت كل بعد كلاس اروح اغدى واجلس على البحررر اتمعن في الناس وافكررر الى متى بضل وحيد انا ماحب اكون وحيد تذكرت كل لحضه اصدقائي كانو حوولي


تمنيت الوقت يرجع واكسب اكبر عدد من الاصدقاء


لكن حالي ماستمر كيذا بل زاااااااااااد وصار لايطاق فكررت اترك الهووم ستي حقي واروح اسكن في شقه لحالي يمكن وقتها القى اصدقاء


وكل يوم على نفس الحال جلست مره على البحررر وكان الجو ممطر والمد عالي قالو لي ابعد عن البحر لانه هايج قلت مابي اوخر خله ياخذني وارتاح


وصلت لمرحله تعبت فيها نفسياً



ااااه ياالوحده شينه شينه شينه اكرهها اكرهها


حاولت اتعرف على اصدقاء لاكن باءت محاولاتي بي الفشل


صررررت اعصب بسرعه مرره صار مالي خلق احد طفشت انهبلت ابي اتكلم مع احد ابي اسولف مع ايش شخص صرت بس ابي اتكلم عربي عربي


اشتقت للعربي



قررت اني ارجع للسعوديه وصرت اروح عند مكتب الحجوزات وابي اغير حجزي


وانا جالس عند الموظف وابي اغير حجزي سألته قلت له متى اقرب رحله على السعوديه


قالي بعد اسبوع فيه رحله


قلت لنفسي شفيك انت معقوله انت بزرر ماتقدر تصبرر ؟؟


اصبر مابقى لك شي ..


قلت للموظف شكراً وطلعت قلت خلني اروح المسجد واصلي احسن


ليت ودعيت ربي يفك الضيقه الي فيني



صليت وطلعت




والى الان وانا مزاجي قافل


اسبوع حقيييير ممل ممل ممل ممل ممل ممل



رجعت البتي وسألتني ميشيل وش فيك قلت لها طفشان قالت ادري بس وش تسوي انت جاي تدرس مو جاي تلعب .. قلت لها ادري بس ماعندي اصدقاء كلهم سافرو


قالت ابشرك بيجوون بنتين من البرازيل


قلت والله قالت ايه والله


قالت بعد بكره بروح المطار بنجيبهم .. ودك تجي معي قلت ايه ايه ابي اجي



قالت لي مو مشكله يصير خير خلك قريب وقتها



شوي فرحت بعدين قفلت معي من جديد




قلت خلني اكلم اهلي اوشف وش اخبارهم


دقييت على اخوي مايرد ؟


دقييت على ابوي مايرد ؟


دقييت على امي ماترد ؟


دقيت على ولد عمي مايرد ؟


دقيت على كل الي اعرفهم مايردون ؟؟؟


استغربت؟؟



وش السالفه مايردون


وصار لي يومين محد يرد بصراحه انا خفت قلت لايكون فيه شي ؟؟




جااااااااني اتال من عمي .. وقالي


ياولدي انت رجال كبير وفاهم ومؤمن


واكيد مؤمن بقضاء الله وقدرره


قلت له عمييييييي .. وش فيكم ؟



قال ابوووك.........




فاصل ونواصل

قالي عمي ياولدي بقولك شي بس مابيك تتوتر ومابيك تنفعل

قلت له وش فيك ؟؟؟

قالي ابوك تعبان .. وبيسوي عمليه بسيطه .. سألني قالي عندك خبر بهل الموضوع ؟؟

انا قلت له لا ماعندي وش عمليته قال يارجال عمليه عاديه برجله بس انت لاينشغل بالك

وقلت له طيب وش فيك جالس تمهد لي وانت مؤمن ومدري وشو ؟؟


قالي لا مافيه الا العافيه وسكر الخط



انا ماجاز لي الموضوع وحسييت فيه فيلم

المهم صار بالي مشغول وكلمت الوالده وصرت احايلها واحايلها عشان ترد علي وتقولي وش السالفه


المهم قالت ابوك في غرفة العمليات وبيسوي عمليه في العمودي الفقري يمكن ينششششل


انا هنا فهيييت وقلت والله قالت ايه نسبة نجاح العمليه 50% ... لاحول ولاقوة الا بلله

طيب ليش ماقلتو لي من الاول ..ليش ماعلمتوني ..سكتت امي وسكرت السماعه


وصرت قلقان ومعد احد رد علي .. فكرت ارجع للسعوديه ولا اقعد ؟؟

راح على الموضوع اسبوع وانا صرت ماعاد اركز بدرس وسرحان وتعبان نفسياً

وصرت اغيب يومين ورحت للمعهد وكنت ابي اعتذر عن الدراسه وشرحت لهم ضروفي واني ابي ارجع للسعوديه

قالي مدير المعهد خذ اجازه 3 ايام عشان تريح اعصابك وفكر وقرر .. قلت له طيب مايصير الا الخير

ورحت البيت .. وجاني ايميل من ولد عمي يقول ترى ابوك سوى العمليه

وهو في المستشفى بيقد شهر ..

رديت عليه بيميل وش نوع العمليه .. قالي فقره في العمودي الفقري طالعه من مكانها


ماخفيكم اني تعبت نفسياً وضاقت فيني الوسيعه

وفكرت ارجع لكن كلهم قالو بتضيع مستقبلك اصبر مابقى شي اخوانك واهلك مع ابوك وجودك معهم ماراح يغير شي

تقريباً اقتنعت بس كنت ابي اكلم ابوي ابي اسمع صوته خايف عليه وكيذا

المهم راح اسبوع وكلمت ابوي واطمنت عليه الحمدلله


وبعدها بكم يوووم .. دق علي اخووي وبشرني بخبر زي وجهه بايخ

وتأُرت بلخبر الثاني اكثر من الاول كان خبر عائلي وكيذا


قلت في نفسي المصايب ماتجي الا تباعا


عشرة اسبوع ونص ايام عصيبه .. لكن قدر الله ومااشاء فعل


المهم وانا طفشان .. قلت ليش ماروح ازور ساره

قلت حق وواجب ازورها

اتصلت فيها


انا .. السلام عليكم

ساره .. مييين

انا .. انا ترانزيت

ساره .. ايييييه اهلين وعليكم السلام

انا ..شخبارك

ساره .. انا طيبه انت شلونك

انا .. لوني سمار الشمس
ساره .. ههههه ضحكت ضحكه حقت وحده مسلمه

انا .. اشوف اليوم

ساره .. اوكي وين تبي

انا .. اي مكان

ساره .. قالت طيب الوعد عند المترووو

انا .. اوكيي


انا .. يله مع السلامه

ساره .. وعليكم السلام



الجزء القاادم شعور ساره بعد الاسلام وهيك

جاء اليوم الثاني .. وكان موعدي مع ساره
بعد مامر على اسلامها اكثر من اسبوعين ونص

اسأل نفسي هل مازالت مسلمه ام انها رجعت

المهم رحت للمترو ولقيتها جالسه تنتظرني ولابسه حجاب ومطلعه خصلة شعر على وجهها

قلت لها ماشاء الله تبارك الله .. وش هل الحركات الحلوه .. ابتسمة ابتسامه

وسألتها شلون نفسيتك الحين .. قالت ابشررك انا مرتاحه مره صرت افتخر في نفسي كثيرر .. بس اني تعرضت لمشاكل .. قلت لها وش المشاكل بس امري قولي ترى انا اخووك .. قالت ترانزيت صديقاتي تركوني والبوي فريند حقي تركني وا وا وا وا

قلت لها شوفي لابد من تضحيات .. ولو فعلاً البوي فريند حقك يحبك كان بقى معك لو كنتي ايش

قالت ترانزيت انا ابي اسافر ابي اروح عند المسلمين .. انا قلت لها والله تنورين بس قلت لها ترى العرب مو مثل الي هنا فيه عادات وتقاليد عندنا تغلب على الدين عند البعض يعني مابيك تنصدمين

قالت مايهمني .. اهم شي ازور بيت الله وازورر مسجد محمد صلى الله عليه وسلم

قلت كل هذا سهل .. بس انتي اعقدي النيه والله يسهلها

المهم قالت ودي البس زي السعوديات عبايه مخصره ولثمه

قلت لها لالا ليش مخصررر ؟؟ مو حلو عليك قالت الا بلبس .. قلت ساره ترى الي تشوفينهم يلبسون مخصر ايمانهم ضعيف .. والشيطان ضاحك عليهم

قالت طيب وش البس قلت لها انا جيب لك شي حلو يصلح لك .. قالت اوكي


المهم سألتني عن لاقبائل السعوديه وسألتني عن التفاصيل


قلت لها شووفي يابنت الحلال السعوديين طبقات

قالت شلون طبقات .. قلت لها انا اعلمك شلون


المهم البنت متحمسه .. .. ماتدري بتسمع الفضايح

قلت السعودييين انواع ..


فيه البدو الي هم قبائل .. وفيه منهم حضر قبائل .. وفيه منهم خضاير

سألتني قالت وشو خضاير قلت لها يعني كانو من زمان قبائل وصارت لهم مشاكل وغيرو عوائلهم عشان المشاكل

المهم ان البنت حبت الخضاير .. قالت انا ابي اصير خضيريه
قلت لها يازين ماخترتي

المهم اني علمتها التفصيل بمساعدة واحد من اصدقائي لان لغتها قوويه وانا لغتي مااسعفتني


استغربت ساره من التفرقه العنصريه .. وقلت لها الرسول الكريم محمد صلى الله عليه وسلم نهانا عن العنصريه .. لكن هذي كلها عادات وتقاليد قديمه توارثتها الاجيال منذو القدم

لكن انشاء الله هذي العنصريه تزال في المستقبل القادم


قالت مين الي بدأها قلت الي بدأها الرجال هم الي اخترعوها

قالت انتمم يارجال سبب المشاكل كلها هههههههههههههههههههههههههههههههههه

والله ياحسيت اني اسولف مع سعوديه مو لاتينيه

المهم الحديث طال .. وووريتها مكه عن طريق اليوتيوب ... والمدينه وشعائر الحج والعمره والخ الخ الخ

والمفاجئه اكثررر انها سمعت لي صورة الفاتحه وقل هو الله احد


بصراحه انبسطت منها كثيررر .. وقلت لها مادام تركوك صديقاتك لازم اعرفك على سعوديات


ومن هنا بدت المعانات .. كل ماكلمت سعوديه تقول لا مالي دخل ؟؟

اقول لهم تراها توها مسلمه كونو لها عووون .. المهم تهربو


وحاولت اكلم اصدقائي المتزوجين كلن يقول انشاء الله ويسحب علي


وانا اعرف ليش السعوديات مايبون .. على اساس ماتشوف اخطائهم وهيك


بس وقتها قالت ادري انو عليك احراج لاكن انا اعودك اني اختار صديقتي بنفسي قلت لها مايصير الا الخير

المهم راحت البنت.. وتواعدنا يوم ثاني نكمل نقاشنا


اتوقف هنا

والجزء الجاي .. عزيمة سااااره

دعوه للعشاء بضيافة ساره

كان يوم الثلاثاء الي هو يوافق يوم الطلاب دعووة ساره للعشاء ..يعني ساره اعزمتني

المهم زي كل مره وانا في البيت احتار وش البس

مرات اقول والله اني ماجبت ملابس كثيره من الرياض ومرات اقول ياكثر ملابسي

المهم ماعلينا (( حسيت انكم جالسين على السرير وتقولون اخلص البس الي تبي ))

عاد لبست وهيك وشخصت واطلع وكان موعد العشاء الساعه 6 ونص بضبط

طبعاً هو موعد مهم بنسبه لي


ويجيكم ابو احمد دااااااعس رايح لي الكوين ستريت المهم يوم اني اقبلت على الكوين الا ومطرررررررررر واالا شوووووي ثللللللللللللللللللج الا شوووووووووي بردي

الا وانا اتوزى تحت المظله الا اشوووف شجرررر يمشي
اوراق تطيررررر غبااااااااااااااار << غبار نصاب مافيه نيوزلندا غبار

معليش على الشطحه .. الصنف الي اتعاطاه دسم شوي

ترانزززيت اذهب الى الجحيم يا احمق

لا والله صدق خلونا نكمل مالكم داعي


وانا مشي بجوار المطاعم الفاخره وبي جوار اصحاب المواهب الاوكلنديه الي يعزف ويغني
ويطبل والي يتميلح والي يسوي نفسه مسنم عشان اعطيه دولار


الا والقى واحد مصررري .. يطبل ويغني

اما مصري يغني وهيك ماتجي هههههههههههههههههههههههههههههههههههههههههههه

الا وامر من عنده ويغني امريكا امريكا امريكا شيكا بيكا والاقلب حتى يبيكا هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههههههههههههههههههههههههههههههههه
هههههههههههههههههههه

قلت له وش تبي انت وش جابك هنا هههه

قالي اي حاقه ياباشا ماتصبح بأي حاقه اخووك خرررمان زقاره

يلعن ام الخرمه زقاره بس .. قال ايه زقاره



قلت له خذ والله يعصمك عنه انشاء لله .. لحول المدخنين ذولا منحرفين

<< طالع منها الاخ


بصراحه هشارع اذا ضاق صدري اقعد اترج واضحك عليهم فله فله من قلب هههههه

اشكال والوان


المهم شوي الا ودق جوالي

انا من حقي اغيرر حولك العالم كثيرر كلهم يبغون قربك الخ الخ

لو تلف الكون كله ماتلقى مثل طيبي حتى كلمة حبيبي مني غيررر


طبعاً ذي نغمة جوالي


رديت المهم قالت وينك يله .. قلت جاي جاي جاي بطريق


وصلت للشقه حقتها ولقيت الباب مفتووح .. دخلت واستقبلتني وسلمت

وكان فيه بنتين وولد خكررري وساره

طبعاً المفاجاه بي الموضوع انها تبيني ادعووهم للاسلام

عز الله ابتلشنا . شكلي بترك الدراسه وبصير داعيه .. ودين جديد استغفر الله

سلمت عليهم وهيك وزهبت ساره القهوه الفرنسيه والحلى والخ الخ


بس الي مستغربه الخكري يبي يسلم ؟؟؟ عيت تدخل مخي

الا ابو الشباب معاه بيره وهو يقولي انا ابي اعرف عن الاسلام .. قلت ايه تبي تعرف عن الاسلام قالي ايه ابي اعرف قلي كلمني عنهم

قلت عادي هم زيك زيهم

بس انهم يحترمون الديانات الاخرى والعادات والتقاليد وهيك

بعدين قال .. انا احس اني خطأ وودي اصصح من وضعي قلت له يبن الحلال توك تدري انك خطأ هههههه ...وش تحس فيه بلله عليك


المهم الرجال نط يبي يضمني وانا الي اطيررر بوهتي .. خير وش بلاااك


قالت ساره .. خلك حنون عليه هههههههههههههههههههههههههههههههههههههه

قلت وش حنونه . قالت حنون انت لازم تكون حنون


قلت له وخرر لا اطررك بكف الحين بلى حنون بلى خرابيط


عاد شكله يا عيال يحووم الكبد استغفر الله استغفر الله مدري شلون صار خكري


والله لو اني خكري كان صارت رجال


من جد شووه سمعة الخكاريا عندي هههههه


الزبده قلت لساره عطيه كتب وخليه يقرأ خصوصاً انه مكسيكي


سولفت مع ساره وكيذا وتعمقنا بسواليف

وابشركم البنت صارت تصلي الصلوات الخمس وحفضة اجزاء من القران

لاكن استحيت يوم قالت اكمل الايه هههه صورت الفتح .. اكمل

قلت هاه هههه ترى نسيت


ودخلتها مخررررررررررررررج سرررررررررريع يمشي الف .. مادريتي ياساره

قالت وشو .. قلت انتقلت لمتسوى جديد بلغه قالت مبرروك تستاهل

شد حيلك وقوود لك


المهم صارو يسولفون والخ

الزبده اني خلصت السهره

ورحت للعيال اعرفهم .. وانا في الطرررريق صار شي غريب




الجزء القادم

الظلام الدامس في شارع الكوين ستريت

وانا راجع للبيت وهيك كنت امشي في شارع الكوين ستريت

مالي من الشيطان طاري طفى الكهرب بشارع والسبب مجهول ؟؟

قمت اشوف ناس اشكلهم غريبه تطلع من الشوارع الجانبيه والخلفيه .. عرفت ان هناس الي طلعو هم الهوم ليست .. صارو يسبوون ويقولون كلام غريب

قلت لنفسي يارجال رح وقف عند اقرب محل منووور .. وانا امشي الا يجيك واحد يقولي هي انت وقف

وانا امشي ولا كني اسمع شي ويسب ويلعن فيني وانا ولا كاني اسمع شي

كل الي اقوله لنفسي الله يستر لايطعني بشي في ظهري ولا يكب علي شي ولا يجوون اخوياه

لاني امشي في شارع صغير مرره .. قلت لنفسي تدري ياصديقي ازبببببببببن احسن شي

الا قلت قبل مانحاش خلني اشوف وش الوضع وراي .. الا يوم التفت القى واحد ماوري شكله شبهه

وملابسه مقطعه وشعر وجهه طالع وجسم .. قلت بس لو اطاقيت معه بيجوون اخوياه وعز الله رحت فيها


الا واحط رجلي وماتشوفون الا غبررة ترانزيت عاد هو ماقدر يلحقني لانه شايب شوي

اركض واركض واركض واركض واركض واركض واركض واركض واركض واركض واركض واركض

الا يوم التفت والقاه بعيد ماعاد ينشاف .. يوم طبيت شارع الكوين ستريت والقى زحمه وصراخ

عرفت ان الموضوع خارج السيطره

قلت بس هذولي البلطجيه حقين الكوين ستريت

واخذ لي عصا قلت والله لو يقرب احد لي افقع وجهه بذي العصا ..

وامشي بينهم وناس خايفين وانا حاط عيني على التاكسي ابي اركبه وانحاش لان موعد الباص فاتني

واركب مع التاكسي وقلت له قلين فيلد شارع السكوير ... قالي بي 50 قلت له لو بي 100 اخلص ودني الا واركب وانحااااش

بس بيني وبينكم اخطرر موقف تعرضت له هذا الموقف يعني لاقدر الله هل الماوريين ممكن يذبحك ولا احد درى عنك


حتى من بكره يوم صحيت وكيذا ورحت للمعهد تكلمو عن النور الي انقطع في المدينه وانو صارت جرائم بشعه

قلت والله اني ذهين 50 دولار مهيب حسووفه على حياتي


عاد مالكم بطويله اخليكم تريحون شوي

وارجع لكم بجزء القادم

ابو منيف الي مطفي النور

اكتشاف ابو منيف

في ذلك اليوم وانا اعاصر ايامي العجاف في اوكلند وضيقة الصدر كانت بتذبحني
حيث لايوجد لا صديق ولا ونيس واي شي من هذا

صرت امشي وامشي وامشي وامشي

الى ان وصلت الى البيت


وفي هذا اليوم كنت جالي في البلكوونه الخاصه بغرفتي ووطبعاً كنت ماحب ارووق الا على صوت ام كلثووم

يلي ضلمتو الحب وقلتو عليه مشا عارفه ايه

ده العيب فيكو وفي حبايبكم

ابد وجالس واشعل ذيك السجاره مع هل الجو البارد والمطررر الخفيف والغابه بوجهي الي ترد الروووح


واتذكر ربعي بررياض واشوف كم بقى لي من ايام عشان ارجع


الا واشوف فيه عائله جمبنا جالسين في البلكوونه ومولعين النوور وقاعدين يشووون ومنظر العائله مع بعض شي يفرح اطفالهم وابوهم ولمة العائله مع بعض

صراحه تذكرت اهلي وامي واخواني وابووي

ياربيييه مخي مشوش صار ودي اني اروح اجلس معهم
بس وش اقولهم اقوله بجلس معكم ؟؟

اكيد بيكرشووني


المهم ماعلينا الكوورس الدراسي الي اخذته باقي فيه شهر ونصوراجع عاد كل ماتذكرت ان باقي ليشهر ونص يمووت حيلي بقوه شهرر كثير مره

قلت لنفسي هذا وانا بس 3 شهور شلون لو دراستي 4 سنوات ؟ وش بيصير فيني

عز الله استخف عقلي




المهم الا وانا جالس واشرب الكوفي حقي وهيك ومسرررح واتذكر الايام الخوالي


الا شوي اسمع ترانزيت ترانزيت .. ميشيل تناديني ؟؟

انا فزيت قلت بس اكيد فيها شي

نقزت لها قلت لها وش فيك ؟؟


قالت الحق الحق الحق ؟؟ قلت اكيد فيه واحد متحررش في بنتها لان بيني وبينكم بنتها الكبيره مهيب مضبوطه

قلت وش فيك جعلك الجني روعتيني


قالت تعال تعال وبطريق بشرح لك ؟؟


انا قلت في نفسي اكيد صار شي في بنتها


قلت وش السالفه وين بتوديني ؟؟



قالت فيه صديقتي عندها طالب سعودي ومسوي ازعاج ويصررخ في البيت وازعج الجيران ومايعرف يتكلم انجليزي وتوررطت فيه

قلت طيب وانا وش اسوي

قالت شف وش سالفته وش يبي شكله مايعرف شي


قلت طيب خير انشاء الله خلينا نروح نشووف



اول مادخلت ياربع البيت حقهم وكان سبحان الله قريب من بيتنا يعني تقدرون تقولون في الحاره الي ورانا

مهوب بعيد مره بس عشان بيننا وبينهم ساقي صار بعيد شوي ولازن ناخذ لفه كبيره عشان نروح بيتهم

الزبده ولا اطولها عليكم .. دخلت البيت الا والقى واحد يووون وووون


قالت لي تسمع الا وتجيني راعيت البيت تقولي الحق علي ذا ازعجنا وهبل فينا ماندري وش نسوي فيه ؟

قلت لها ماعليك اذكري الله انا اروح اشوووفه


رقيت لغرفته فووق .. ولقيت طالب فرنسي ينظارني وكأنه يقولي فكنا من ذا العله الي عووور روسنا

دخلت عليه الا ابو الشباب متربع وطاق بنت البكار .. والسبحه ومشغل شعر بجواله ؟؟؟

قلت له ايوووه وش تحس فيه انت ؟؟ ازعجت العالم


قالي سعووودي ونقز اقلط اقلط والله ان تتكي معي ياخووك انا ماشفت عربي لي اسبوووع

ياخووك انا ضايع والله اني مدري وش اسوي

قلت وش سالفتك انت .. قالي يبن الحلال انا مضيع كل شي وماعرف احد هنا تكفى لاتخليني

بصراحه انا رحمته على انه كان مسوي ازعاج وراعيت الهوم ستي كانت ناويه تطرده من البيت

الا انه على نياته .. ومسكين يقولي صار اكثر من اسبوع ماتكلمت مع احد ولا اعرف احد ابد هنا

ولا ادري وين المعهد حقي ولا اعرف وين مكان الباص الي يودي لديره ولا اعرف افهمهم وش ابي


قلت له اذكر الله ومايصير الا الخير بس بيني وبينكم الرجال شوي ويصيح

قلت اصبر شوي واركد .. قالي معك دخان .. قلت له ايييه معي

قالي تكفى تراني مقطووع من قلب واخذو دخاني في المطار .. قلت له ابشر ابشر تعال خلنا ندخن ونشوف وش سالفتك

الا وانا طالع وياه برى البيت عشان ندخن


تناظرني راعيت البيت وميشيل .. قالو وين بتوديه .. قلت لهم لاتخافون الحين بنجي وفهمت راعيت البيت

قلت الرجال مضيع ولا يعرف اي شي ولا يعرف معهده ولا يعرف اي شي

ضحكت وكنها تقول الله يلعن الحاجه الي خلتنا نجيب هدبش عندنا


طلعت انا وياه برى واسولف معاه واقوله علمني قصتك


قالي ياولد عمي انا تخرجت من الثانوي وجبت من الاوائل على دفعتي

وجماعتي في خميس مشيط وشيخ قبيلتنا ارسلني نيوز لندا على حساب القبيله

ورحت لمكتب حق سفريات ودفعت لمعهد ef مبلغ وقدره حق 3 شهور بقيمة 30 الف من غير التذكره

طبعاً وراني ورقه كاتب اسم المعهد بي العربي


طبعاً ياربع 30 الف ريال .. مو سرقووها الا زرفوووه زرفة الله يعلم فيها حسبي الله عليهم

اول ماوراني الورقه تذكرت المعهد هذا يوم كنت بروح له بس الحمدلله الربع حقين العرب المسافرون ماقصرو وحذروني منه

قالت ايه كمل قالي سافرت وجيت لي اوكلند واستقبلوني العائله

وودووني للبيت .. قلت طيب العائله ماتدري انك تبع هل المعهد قالي مدرري عنهم هي اخذتني وجلستني بس

قلت لحضه ناديت راعيت البيت وجت .. سالتها انتي ماتعرفين المعهد حقهم قالت اصلن انا مدري عن اي معهد يتكلم .. قلت لها معهد اي اف .. قالت لي انا مدري بس واحد اعطاني فلوس وقالي بيجيك واحد

ولا حتى الايجنت ماعنده معلومات عن المعهد ؟؟

اثر المعهد حقه مزلبينه ماهتمو فيه المفروض يستقبله واحد من المعهد ويعلمه العنوان الخ

بس ماصار


قلت شف معهدك في المكان فلاني .. وتراهم يشتكون من ازعاجك لهم لانهم هم طبيعتهم تختلف عننا

يعني تغني بليل مايصلح .. هم الساعه 10 ينامون ذولا خوجات منتب في الديره الله يصلحك

واشب عليه شب

قالي طيب سم ابشر ماعاد اني ازعجهم مره ثانيه


قلت كويس .. قلت له تعال معي اقص لك تذكره عشان تقدر تركب الباص

اخذته وفعلاً قصيت له تذكره وقلت بكره الصبح تروح محطة الباص

وترى رقم الباص حقك نفس رقم باصي 955

قالي تم وعطيته شريحه حقت ماريو البرازيلي الي سافر وهو اصلن معاه جهاز

قلت الساعه 8 تسنتر في المحطه قالي اوكي


وقلت لراعيت البيت السالفه كلها .. ومسكينه صارت ترحمه وصارت تقوووله يا بيبي ههههههه

ولو تشووفوون خشته ان تضحون عليه .. يا اذ العلم تقووولي بيبي

منهو بيبي ذا هههههههههههههههههههههههههههههههههههه

قلت له يا القروي يعني راحمتك

الرجال ماجاز له الموضوع .. قال لعنة الله عليك يهوديه

تفكير سعودي جاهل الله يصلحه


واعدته بكره الصبح ومشيت




الجزء القادم

مواجهة ترانزيت ومعهد اي اف .. والطقاق الي صار

رحت البيت وعلى مثل ماتعرفون اتفقت وانا اوبو منيف على الصبح نتواعد

صحيت الصبح وعينت من الله خيررر .. وانا قاعد ومرووق دق علي ابو منيف ؟؟

رديت عليه .. وقالي وينك قلت يعني ويني اكيد في البيت

قالي يله طيب عجل مايصير كيذا ؟

قلت له وشو الي يله اصبر باقي ساعه على موعد الباص ؟ وراك عجل

قالي ياخووك انا ابي اطلع قبل مايطلعون الكلابه

قلت له وش كلابه الله يصلحك قالي الكلاب الجعرر كل ماطلعت عند الباب يردوني
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخخخخخخخخخخخ

وهو صادق لان الكلاب منتشرين مره في كل بيت كلب


قلت قلت له تدل الطريق طيب قالي يعني قلت خلاص امش ولين ضيعت دق علي


سكرت منه وقلت خلني اخذ شور قبل ماروح المعهد وانا اصلن ودي اوديه بدري عشان الحق على المعهد حقي

المهم خلصت ولبست ورحت لمحطة الانتظار

الا والقى ابو منيف بوجهي

قلت له ماشاء الله عليك سبقتني .. قالي ايه ايه مايحتاج

يا عيال الرجال طاق الكوبرا ومشخص ومسكر الغالووقه الازارير يعني وجزمه لماعي وعقال مخمل .. قلته له بلله عليك وش تحس فيه انت وش ذا اللبس

قالي ياخووك امنعنا من الردى هذي سلومنا

انا وجهي صار هيك
قلت اجل لو رحت المعهد حقك وشف الجينزات الضيقه والشورتات وش بتسوي

المهم قالي وين القهوه

قلت له مهبول ولا مهبول ترى منيب ناقص هبال .. وش قهوته انت

قالي شف شف معي هيل ومعي الدله بشنطه .. يلعن بليسك من جدك انت

قالي ايه والله تبينا نروح نحمسها

اما نحمسها هههههههههههههههههههههههههههههههههههههههههههههههههه هههه

والله ابو منيف هذا فله .. يذكرني بشياب


قلت يبن الحلال بعدين بليل نتقهوى

قالي تكفى ياولد عمي ابي اتقهوى
بس قالها بطريقه غريبه .. حسيت انه خانقته العبره

قلت يابو منيف ياجدي انت ابشرر بس خلنا نخلص من امورنا وابشر بعزك

قالي طيب

ركبنا الباص وركب ابو منيف هو وشخصية الكوبرا

والناس يناظرون هههههههههههههههههههههههههههههههههههههههههههههههههه ههههههههه

احسهم يقولون خير انشاء الله وراه لابس كيذا

قالت وحده عندكم بارتي اليوم ههههههههههههههههههههههههههههههههههههههههههه

قلت لالالا يابنت الحلال هذا الزي الوطني .. لان كان عيد الهيليون جاي بطريق
ويحسبونا نسوي بروفه

المهم الي تجي تصوره والي تقوله سوو كيوت .. ابو منيف متشقق من الانبساطه

الله يرجك يا بو منيف .. ابو منيف يقولي ياخووك هذي وشنهي هههه قلت له هذي كيويه
قال .. يعني وشهو قالت يعني نيوز لنديه .. واشرح له ان فيه ماوررين وفيه كيويين

الشعب النيوز لندي ينقسم لقسمين ماوري وكيوي

قالي وش الماوري ووش الكيوي

قلت له روقنا على الصبح جووك فكوك انت

قالي لا والله الصحيح وشهو .. قلت شف الكيوييه استعمر نيوز لندا من زمان الي هم البريطانيين .. والماورريين هم زي الهنود الحمر بدو نيوز لندا وهم السكان الاصليين
والماوريين معورفين عنهم يأكلون لحوم البشر

ناظرني ابو منيف بذمتك .. هذ الكلام صحيح

قله ايه صحيح يابو منيف انتبه لعمرك

ابو منيف قام يحنش ويكلم نفسه كنه شغاله

قلت يابو منيف ركز بطريق عشان تعرف وين محطة الوصول .. قالي والله اني كني عرفتها

قلت له مايخالف بس تراني ضعت قبلك ياب منيف ركز

بس بيني وبينكم ابو منيف ذهيين مهووب هين ابد


يووم قربنا لمحطة الوقوف قلت ابو منيف ..قالي ياعونك

قلت اضضغط الزر عشان تنور اللمبه والجرس ويوقف عند المحطه الجايه

قالي تم ويضغط الزر ووقف الباص

ونزلت الا القى ابو منيف وااااااااقف ويتشكر السواق ماقصرت وبيض الله وجهك

هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه
ه
هههههههههههههههههههههههههههههههههه

والله يا اني انفجرت ضحك السواق طايرتن بوهته وش السالفه

ابو منيف اناديه يله انزل .. قالهم فمان الهل يا طخمان ونزل

قلت له ياخي كيذا مايصلح ترى مايفهمون عليك شي

قالي يبن الحلال مصيرهم يفهمون .. قلت انا وش الله بلاني بهل المهبول

بس بيني وبينكم كلمة ابو منيف مصيرهم يفهمون كان له ابعاد ماكنت اتصورها .. وراح تعرفونها بعدين

للمعلوميه ابو منيف تراه مهوب صغير ابد يعني عمره 25 بتقولون كيف اقولكم هو دارس ليلي والي خلاه مايكمل الدراسه هو حلالهم وهيك

المهم مشينا طبعاً هنا بدت الصدمه الحضاريه لبو منيف ههههه

الشوارع نظام والكل محترم يعني قلت يابو منيف حركات السعوديين انساها
هنا خلك محترم تحترم غير هيك انا مو مسئول .. قال عرفت يا الحضررري
قلت طيب يا البدوي امش

المهم واحنا نمشي ورايحين للمعهد حق ابو منيف الا الرجل مهوب معي يناظري في هشقر ويذب حتسي مدري وش يقول .. الوكاد ان الرجال انصدم

قلت له توك ماشفت شي اصبر بس لين تترتب امورك واخليك تفهي صح

المهم فيه صورره كبيره للغنم وكيذا ومعهم اطفال .. الا شووووووي

وينقزززززززززز لك ابو منيييييييييييييييييييييييييييييف نقزززززززززززززززززززه

ويقووووووووول بصوت عالي الشحم في البل يا مطاريس الغنم

انا انظار فيه

خيرررر وش جااااااااااااااااااك .. الا الرجال يصارخ وزعلان يحطون صور الغنم هنا والبل مالهم حاجه . لعنبا الحضران

قلت انت هيي اقسم بلله لو ماركدت لا اروح واخليك وش تبي بحياتك انت

وبل وش غنم صوره ياخي الله يلعن من حطها قسم بلله انك روعتني

اركد اركد اركد


انا بيني وبينكم روعني صررخ صرخه كنه مقررووص


وصلنا لباب المعهد حقه اول مادخلت

احم احم .. ادخل برجلك اليمين ياولد

دخلت المعهد وقلت لبو منيف انت استريح هنا على الكرسي وعطني ورقة المعهد

طبعاً اول مادخلت لقيت عجووز برسبشن .. هاي

قالت هاي .. امر اخوي وش بغيت

قلت لها ابد والله ماعندكم وظايف

قالت والله ماندري على حسب احتياجنا اترك ملفك وانشاء الله بنتصل فيك

هههههههههههه تهقوون نيوز لندا عندهم هيك

ماعلينا

قلت لها يابنت الحلال فيه طالب اسمه هيك وهيك وهيك ال هيك

قالت ايه هذا موجود قلت وينه قالت مدري عنه

قلت لها شلون ماتدرون عنه .. قالت ماادري هو ماجاء

قلت طيب هو الطالب مادفع لكم رسوم الاستقبال والخ الخ والمعهد وكل التكاليف

قالت انت مين تسأل عنه ومين حضرتك

قالت انا صديقه وهو وصاني قالت سووري لازم هو يكون فيه


قالت بس كيذا .. ابو منيف تعال

جاء وقلت هذا هو الكائن اللطيف .. اسأليه قمات تبربر عليه ابو منيف

مايعرف انجلش يعني صفر بي الميه


قلت لها شوفي هو موصيني انا اساعده


قالت طيب .. تفضل .. قلت الرجال جاء ومحد استقبله من المطار وراعيت الهوم ستي ماتدري عن معهدكم شي لولا تدخلي انا كان راح عليه كل الكوورس ؟؟


قالت انا ماادري .. هي قالت انا ماادري وانا الي انشب فيها نشبه

قلت كيف ماتدرين وين المدير وين المسئول انا بروح للقنصليه السعوديه وببلفغ عليكم وبسووي

وابو منيف يقووول ايه بنبلغ

على اساس يا ابو منيف تعرف هي عربي الحين ..ابو منيف سم .. على شحم

قالت خلاص خلاص بتفضحنا انت .. قتل لا الرجال له اسبوع فاتته الدراسه وهو مايعرف موقعكم .. قالت مو خطأنا قلت الا اخطأكم هذي ورقة الاستقبال مدفعوة التكاليف وسياره خاصه والمفروض هو المندوب حقكم يوريه السكن ويقص له تذكرة باص ويوديه المعهد ويعلمه كل شي
بس انتم مقصرين هذا الكلما ماراح نسكت عنه .. وراح نبلغ القنصليه والملحقيه عنكم

طبعاً يلي قاعدين تقرون .. القنصليه والملحقيه السعوديه جداً قووووويه في نيوزلندا
ولين قلت ببلغ فا الكل بيخاف لان السعوديين يعتبرون ثروه قوميه عندهم

قالت اذكر الله يبن الحلال وراك قلب علينا .. قلت لا هذا مسكين وش عرفه بي الانظمه وقوانينكم مايعرف شي


قالت خلاص اقعد وابشر جت وجاء مدير المعهد .. وعرف المشكله واعتذر

وقالي خلاص هو يدخل يدري ولاكأن نقص منه شي

قلت على مين تلعبها على مين يبن الناس عيوني تعذبها ولاترحم الاحساس

قلت ادفع فلوس حق الاستقبال الي دفعه ... وادفع بطاقة الباص الي قصها .. ولازم تعوضونها مادياً ومعنوياً .. وبعدين ليش ماستقبلتوه

قال والله ان الموظف راح يستقبله ولا مالقاه .. قلت هل الكلام مو صحيح

ياخي الهوم ستي استقبلته ومني الي علمها تروح وشلون هي عرفت الولد ؟؟

انتم مقصرين ومستهترين في السعوديين .. يوم صارو وجهه يتلون قال يبن الحلال خلاص اسفين

حسيت اني حومت كبده .. قالي ابو منيف خلاص مسامحهم

قالي المدير حقهم خلاص هذا المبلغ حق التوصيل ومبلغ حق الكرت للباص وهذا احنا نعتذر وهذا رحلتين مجانيه على حساب المعهد لبو منيف .. اوكي الحين صافي يالبن

قلت حليب ياقشطه


دخل ابو منيف الكلاس حقه وعطوه كتبه وقلت له على الساعه 1ونص الظهر تخلص ولين بغيت شي كلمني على الجوال

قالي تم .. هو ده


ورحت خليته ودخلت معهدي اثري تأخرت على الكلاس 15 دقيقه ..

وجيت ادخل قالي المدرس حقي مدري وش اسمه المخيس نسيت اسمه ..

وين جاي متاخر وتبي تدخل قلت ايه والله بس كان صديقي جديد وووو .. قال مالي دخل في صديقك انتظر لين بعد البريك وادخل الكلاس الثاني

واقعد استريح في الصاله حقت المدرسه وشكلي غبي
كل مامر مدري يناظرني بطرف عين كني مسوي شي عظيم
والطلاب يمرون يسولفون ويقولون يووه مسكين متأخر مادخلوه الفصل

وانا سعودي وانا طيب جنى منهو يشكك في ولائي للسريه والعلن
وين الوظيفه ياوطن << شطححححححه

طبعاً بعد الساعه ونص رحت اتغدى وهيك المهم قالت لي المدرسه ترى بكره الناشينونال دي

يعني اليوم العالمي للثاقافات في نيوز لندا وكل واحد لازم يلبس زيه الوطني وهيك

قلت لها مايخالف راح اسنع اموري وهيك .. طلعت من عندهم


وانا جايع دخلت المترو وكلعاده لقيت ترقيم عيني عينك سعوديين وسعوديات

ماخفيكم اني حسيت بشعور جميل يعني نيوز لندا والى الان الشعب السعودي متمسك بثقافاته يلعن ام الفله ياحسااااااااام

المهم جاء ابو منيف والرجال جايع مرره كلنا سواء جواعى .. قلت له وش مشتهي قال وانا اخوك اكلهم لا له طعم ولا لون


قلت شف تبي كبسه ايه والله ابي

و اوديه في مطعم اسمه مطعم نوووره .. وحده هناك لبنانيه تفتح النفس

شو بتريد قلت ابي كبسه بلحم وصديقتي يبي لحم كلنا نبي لحم ..قالت بدكم لحم قلت اي نبي لحم

قالها ابو منيف انتي تدرسين قالت ايه انا بقرأ في الجامعه .. قالها ابو منيف وانا ثور في الحرس الوطني خهخهخخخخخخخخخههههههههههههههههههههههههههههههههههههه هههههههههههههه
هههههههههههههههههههههههههههههههههههههههههههههههههه ههههههههههههه

المهم طلبنا وهيك وخلصنا ويوم جيت ادفع ابو منيف لا والله عزيمتك علي قلت يبن الحلال خلاص علي انا المهم تهاوشنا
قالت اللبنانيه ولووو ياعيب الشوم تكرم عينك .. الحساب علينا

قال ابو منيف والله انس اجوديه بنت اجواد والله يحللك ويبيحك يا شقحا يامدري وش قال

قالت اللبنانيه يعني شو شي حلو ولا شو .. قلتلها ايه الرجال يتغزل فيك

قالت يسلمووووووووووو ... ابو منيف ضااااااااع

ياتسبدددديه .. قلت له مشينا مشينا

والى يومكم وابو منيف مايتعداها ههههههههههه


عاد انا قلت لبو منيف ماعندك بناطيل كاجول وتي شيرتات .. قالي لا والله ماعندي الا بجايم

قلت له لازن تشتري شكلك كيذا شبهه مايصلح في اوكلند يبو وش تحس فيه
لازم تشتري

قالي والله ماعرف افزع لي ياولد عمي .. قلت عنبو ولد العم غدى صبي


المهم رحت انا وياه لسوق اسمه نيو ماركت

وشرينا له 10 تي شيرتات و5 بناطيل جينز وكم شورت على كم بجامه زي الناس

المضحك بسالفه ان ابو منيف عيا يلبس الجنز يقووول لا والله انا مو خكري

قلت يلعن تفكيرك المخيس هههه يعني الي يلبس جينز خكري

زبدة له .. وقلت له مشينا البيت عندك خلنا نجرب اللبس ونشوف الهوم ستي حقك وش اخباره

رحنا للهوم ستي حقه .. وسلمت على راعيت البيت واستأذنك منها بدخول معي ابو منيف وافقت امهم وقالت اوكي .. تفضلو

ونلبس ذا القروي الا لبس الجينز على سنه ههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههه
هههههههههههههههههههههههههههههههههههههههههههههههههه ههههههههههههههه

تحسبونها طافت علي اشوى اني شريت له 5 بوكسرات شي قلوب
وشي سبونج بوب خخخخخخخخخخخخخخ

وعلوم


لبس وروق وقلت له الحين يبيلك الشنب الشنب حللللللللقه

ابو منيف يقول هاه والله جماعتي ينقدون علي .. قلت له اخلص بس

ترى اذا شافو الشنب عليك بيسرقون فلوسك

الرجال صدق ورحت الحلاق معه وطير الشنب وكلش صار وجهه كنه مقفى بقره

لالا امزح صار مملوح

وسوينا له قصه هيك حلوه وضبطته وصار ابو منيف يدل معهده ويعرف يكلم الهوم ستي حقه

أشك إن ميشيل جايتن من الخبوب !!

__________________
## مهم ##
هل تتعرضين للابتزاز في الانترنت؟


هنا من ينقذك