أهلا و سهلا فيكي أختي بعد غيبة و عسى الله يسهل لك طريقك .... سؤال هل أنتي متأكدة من هذا الشخص اللي راح يجيب لك المعلومات اللي تبينها عن أمك أولا؟؟ ما ودي تدفعين له المبلغ الا بضمانات لاني ماني عارف أصلا هو ليش طلب مبلغ و كم طلب أصلا؟؟ عموما الله يوفقك

لهدرجه‏ ‏ مايبين‏ ‏ العائلة‏ ‏ تعرفين‏ ‏ شي‏ ‏ عن‏ ‏ امك‏ ‏ ولو‏ ‏ حتى‏ ‏ اسمها‏ ‏ انتي‏ ‏ من‏ ‏ حقك‏ ‏ تعرفي‏ ‏ امك‏ ‏ وتليها‏ ‏ لانها‏ ‏ تعتبر‏ ‏ قطيعة‏ ‏ رحم‏ ‏ ومهما‏ ‏ سوت‏ ‏ من‏ ‏ ذنب‏ ‏ تبقى‏ ‏ امك‏ ‏ مواصلتها‏ ‏ وتبنيها‏ ‏ الرسول‏ ‏ امر‏ ‏ المصلين‏ ‏ ان‏ ‏ يبروا‏ ‏ ادائهم‏ ‏ المشركين‏ ‏ ماذا‏ ‏ بعد‏ ‏ الشرك‏ ‏ ؟‏ ‏ حتى‏ ‏ لو‏ ‏ غلطت‏ ‏ امك‏ ‏ مالهم‏ ‏ حق‏ ‏ يمنعوا‏ ‏ ابحث‏ ‏ عنها‏ ‏ ولو‏ ‏ بدون‏ ‏ علم‏ ‏ ابوك‏ ‏ بس‏ ‏ تاكد‏ ‏ من‏ ‏ هذا‏ ‏ الرجل‏ ‏ اللي‏ ‏ قال‏ك‏ ‏ هو‏ ‏ بيبحث‏ ‏ لايجيب‏ ‏ لك‏ ‏ وحده‏ ‏ مو‏ ‏ امك‏ ‏ ويقول‏ ‏ انها‏ ‏ امك‏ ‏ عشان‏ ‏ ياخذ‏ ‏ فلوس‏ ‏ كون‏ ‏ واثقه‏ ‏ منه‏ ‏ جدا‏ ‏ وا‏الا‏ انتي‏ ‏ بنفسك‏ ‏ ابحثي اقنعي‏ زوجك‏ ‏ ترا‏ ‏ مايقدر‏ ‏ احد‏ ‏ يساعد‏ ‏ غير‏ ‏ زوجك‏ ‏ فلو‏ ‏ اقنعت‏ ‏ راح‏ ‏ تنحل‏ ‏ كل‏ ‏ الامور‏ ‏

من حقك مواصلتها وبرها الرسول امر المسلمين أن يبروا أبائهم المشركين

عفواً أختي الكريمه تم دمج الموضوعين لترابط المحتوى

أسأل الله العلي القدير ان يفرج همك ويجمعك بأمك عاجلاً غير آجل

__________________
أشتقت لكم جداً 💔

الله يجزاج خير أختي الغاليه أنا صح مب متأكده من هذا الشخص ولا أعرفه بس ربيعتي خبرتني أنها خبرته بسالفتي وطلب منها بين 20 و 15 ألف قالت عشان يبحث وأخذ اسم أبوي بالكامل بس والله مب مهم المال اذا كان المقابل اني راح أوصل لها وخاصة صعب اني أطلع أي مكان عام بروحي وما أضمن درويل يوصل الخبر لأبوي أو ريلي بس .

مشكوره أختي بس والله ما يهمني شلون أبرها قدر ما أعرف ليش تركتني عقب بقرر أبرها ولا لا.

لحين خايفه من شي اذا هي جابتلي المعلومات كامله شو أسوي أروح على طول لها من غير ماحد يدري وطيب شو أقولها وشلون أعلمها انا منو وأخاف هي ترفض تكلمني أو أهلها حتى وخااااااااااااايفه بعد اذا سالتها ليش تركتيني ولييش طلقج أبوي ما ترد مب عااااااااااااااارفه وخايفه والله من أبوي حاسه في شي يمنعني مادري شو هو الله يخليكم ساعدوني والله بدعيلكم .

أنا أبغي أحد يدلني شو أسوي اذا عرفت عنها بمعنى يجاوبني على اسئلتي اسئلتي اللي فوق لو سمحتوا مب مهم كم ادفع الله يخليكم مب متخيله اني رااااااااح أشوفها قريب .

انا انصحك تعطينه الفلوس بس بشرط.....

خليه يختم باصبعه انه مايستلم كل المبلغ الا بعد مايعطيك كل المعلومات عن امك..
وخلي صديقتك وشاهد ثاني يوقع ويختم لان لازم شهود .. عشان تنفعك الورقه في حال انه خدعك

وانتظري لحد مايجيب لك المعلومات وان شاء الله خير

ليه ماتحاولين تكسبين زوجك لصفك علشان تسهل مهمتك وخاصةً انك تقولين انه رجال طيب يعني بيتفهمك اكثر من غيرك واحسن من انه احد يستغلك بالمال

همسه:

اتمنى ماتزعلين من كلامي بس ياليت تحاولين تهتمين بزوجك اكثر لأنك محاسبه عن هالشي ...مره ثانيه اتمنى ماتتضايقين مني

الله يفرج همك يارب ويكون بعونك ويوفقك لمافيه خير لك

هلا والله أختي الغاليه لجين

باذن الله يكتب لك اللي فيه خير لك ولزوجك ( من رأي نفس رأي الاخت انتبهي لعلاقتج بزوجك عشان ما تخسرينه )
أما بالنسبه للوالده حاولي تكوني حريصه اكثر في موضوع البحث قبل لتصدقين أي أحد ويكون يضحك عليكي.

الله يكتبلك اللي فيه خير ويوفقج

الله يعينك
وتلاقي امك وترتمي بحضنها
اللهم ياجامع الناس ليوم لاريب فيه رد للجين حاجتها