في اول كام يوم من المشكلة الواحد بيكون متعصب وبيكون الغضب مسيطر على تفكيره بس لما الواحد بيهدى بعد كام يوم بيفكر صح يمكن هي ماردتش عليك لانها كانت متعصبة بس دلوقتي انتو بقالكم فترة يعني اكيد بقت هادية , مافيش ست بتحب تخرب بيتها بايدها

وبعدين هي يمكن تقول زي ما انت بتقول انك ماصدقت تمشي وماسالتش عليها كانها هم وانزاح

شوف هاقولك حاجة انا ماعرفش وجهة نظرها ايه لاني ماسمعتش الا من طرف واحد بس اللي انا متاكدة منه ان مافيش ست بتحب خراب بيتها اي واحدة بتحب تشوف جوزها متمسك بيها حتى لو كانت بتطلب الطلاق صدقني بيكون من ورا قلبها زي ما الام كده بتكون بتدعي على ابنها بيكون من ورا قلبها لانها عمرها ماهتتمناله الشر

كلمها ومش هتخسر حاجة باذن الله ماحدش هيحس باللي انتو فيه غيرك انت وهي

سبحان الله وبحمده سبحان الله العظيم

الموضوع الحين صار بين العيلتين موبس بين الزوج وزوجته .. انا الصراحه الشوق يقتلني تجاه زوجتي لكن ارجع اقول لماذا هي لا تحاول الاتصال بي لماذا كل مره انا اللي ابدء هناك الكثير من الزوجات هن من يتصلون على ازواجهن ولماذا لا تحاول الاتصال بي .. يعني حلال تشوفني انا متمسك فيها وحرام انا احس انها متمسكه فيني وتحبني

ي حبينيلك بس ..

اخوي كلنا بالهوى سوى وتقريبا مشكلتي شوفها نفس مشكلتك .. والله اني اتمنى ماترسل شي لأن رسايلها سم ومتعبه ..

ممكن شافتك متمسك فيها وقاعده تتغلاء وتبي تحسسك انك ممكن تخسرها وممكن في احد يقولها اثقلي لاتكلمينه .. خليه يحس بقيمتك

عموما مشكلتك بتنحل ان شاءالله ..

للحين تميت شهر بالضبط ما سمعت صوت زوجتي وهي ما حاولت تتواصل معايا ابدا ولا حتى بمسج...يعني اشلون !!! يعني اشلون ضربت بالعشره والميثاق الغليظ عرض الحائط..انا مو غلطان بشي بس هي تشوفني غلطان كالعاده..وحتى لو انا غلطان اشلون زوجتي تستمر 30 يوم ما تحاول تتواصل معاي ابدا ولا حتى بأضعف الايمان..قلبي يعورني عليها وولهت حيل على اني اشوفها بس مو قادر احاول او اتصل لان الموضوع صار كبير وبين العيلتين وانا منتظر ابوي لين يرجع من السفر بعد اسبوعين ويقعد مع ابوها ويتفاهم..لكن اللي محيرني ومو قادر استوعبه اشلون تقدر كل هالمده ما تتصل وعلى حتى مسج نهائيا اشلون هذا قلب امرأة !!! والله انا الرجال احس اوقات راح اضعف واتصل عليها لاكن امسك نفسي باخر لحظه واقول لنفسي من يضمنلك انها ترد عليك اصلا واذا ردت يمكن تندمك انك اتصلت وتسمع منها اقبح الاساليب في الكلام لانك تراجعت وضعفت واتصلت فيها ... ابوي يقولي هذي ما تبيك هي لو تبيك جان اتصلت فيك حتى لو انت غلطان بالذات انها حامل ولازم تعرف ان بينكم طفل وما يصير تهدم بيتها بايدها يقولي لو هي عاقله واهلها عقلاء وبيت اصول جان من رديت من السفر كنت حصلت زوجتك ببيتك مو عند اهلها مستانسه وما تفكر فيك..اسمع كلام ابوي اضعف واحس ان كلامه منطقي لكن قلبي يعارضني ويقول لي لا تسمع الكلام هذي زوجتك وتذكر ايامك الجميله معها وعشرتكم التي دامت عاما كاملا ويأتي عقلي يقول ولماذا لا تتذكر مواقفها السيئه التي سوتها معك وان ناقصها كثيييير من تعاليم الاصول وكل مره طلعك غلطان هي واهلها وتردون بيتكم وكم يوم وتحدث مشكله اخرى بينكم..صرت محتار يا جماعه وكل يوم زوجتي تجيني بالاحلام من كثر التفكير فيها قبل النوم واشوف صورنا مع بعض بالجوال واموت من الحزن واقوم واصلي بالليل وادعوا لها بالهدايه وصرت ما انام الا 4 ساعات باليوم وعلى شكل متقطع .. هذي المره مشيت ورا كلام البشر قلت خلني اجرب اخذ موقف طويل معاها واشوف شن راح تسوي لاني كل مره ما اسمع كلامهم وما احب احد ينصحني على التعامل مع زوجتي وكنت ماشي ورا قلبي بشكل كامل ودائما تزعل واصالحها واجيب لها هديه واحيانا كمان هي كانت بتصالحني لمن ازعل ..هذي المره قلت خلني اجرب اخذ موقف صارم لكن احس مدري هذا صح ولا غلط اخذت الموقف وزوجتي اخذت موقف اقوى مني كنها تقول العين بالعين..اشلون تقدر المرأة تقسوا بهذا الشكل اشلون تقولي احبك وام اقدر اعيش بدونك وقدرت انها تبعد كل هذي المده عني بلا سؤال .. وانا اعلم تماما انها تنتظر مني اني اركض وراها كما عودتها لكنها تعلم اني كل مره اروحلها اصالحها لكن هي المره لا صمدت وهذي نتيجه صمودي العين بالعين وهي لا تتنازل ابدا..اشتقت لمنزلي الصغير واجواء منزلي انا الان قاعد ببيت اهلي لوحدي لانهم جميعا مسافرين عطله شهرين وباقي فيها اسبوعين وكل اهلي مستغربين اشلون زوجتك للحين ما سئلت عنك ولا مره !! يقولولي هالكلام وما اعرف ارد عليهم وعيني تطالع الارض .. كل مره زوجتي تزعل اروح اركض وراها امام العالم كله واولهم اهلها عشان يعرفون اشلون انا احبها وما ارضى تزعل وتترك بيتها والاسباب كلها ما اتفه منها وبحياتي ما مديت ايدي عليها ولا سبيتها ولا اهنتها ولا خنتها كل الاسباب تافهه جدا..والمره الوحيده اللي انا اخذ موقف منها اهلي شافوا اني رخيص بعيونها وما حاولت تركض وراي كما افعل انا معاها كل مره..احس بوحده وعزله تامه وما املك الا الدعاء والسجود الى الله وكل مره اطلع من دوامي اتذكر اني رايح بيتي وارجع واتذكر اني ببيت اهلي وبيتي فاضي محد فيه .. زوجتي بيني وبينا مشاكل كثير لكن كنت دائما اقولها نتهاوش نزعل بالايام مو مهم لكن المهم ان الفراق لا يعرف طريقنا ابد تدرون انا كل يوم انتظر زوجتي تتصل فيني وكل يوم عندي امل انها تبدأ معاي وينتهي اليوم بلا جدوى ا...صرت احس اني بحرب اعصاب بيني وبينها من يستطيع تحمل البعد اكثر انا ام انت

سبحان الله

اخي الكريم .. ترى مشكلتي مثلك .. والحين كلمنا شهرر وعليها 10 ايام .. لا حس ولا خبر ،،،

حاس فيك بكل ماتعنيه الكلمه .. بس سبحان الله قوي قلبي وجاني تبلد عجيب وغريب .. تركتها للايام .. والله شايف وعارف ،،،

اذكر خويي سنه قعدت زوجته عند اهلها وبعدها صارت تمشي معاها مضبوط ومن احسن مايكون ..

الله يسهل امرنا وامرك ي رب

يا سبحان الله .. الحال من بعضه ولا حول ولا قوه الا بالله .. الله يهديهم بس بس ان شاله بعد هالمده تنعدل الامور يا اخوي الله يصلح حالي وحالك واكيد انا حاس فيك والله عذاب ما بعده عذاب وهم مفكرين حنا عايشين حياتنا
وبالنسبه لخوك والله بشرتني والله يسمع منك وترجع مضبوطه

هذا انا باخلص 6 اشهر عند اهلي ما دراى عني
هو الغلطان علي ولافكر يتراجع او يتأسف بعد غلطه رغم اني مكثت ثلاث ايام في البيت عنده بعد غلطه


لا افكر في اني اتصل او ارسل عليه الا عشان اتحسب عليه


مالهم الا حسبي الله عليهم ونعم الوكيل

__________________
من عاش لله ومات لله فقد ربح دنياه وأخرته...

شوف مشكلتك بضبط نفس مشكلت اخوي تبي الحل وش سوينا فيها
اول شي ابوك لا يتدخل ولا يجتمع مع ابوها
طنشهم
اذا تكلم ابوها قل له مافيه شي نتفاهم عليه انا ماغلطت عليها هي زعلت بدون سبب
وطلعت من البيت ولا لها عذر تاخرت ولا ما تاخرت ما يستدعي زعل هذا كله هذا لو اني ضاربه ولا خاينها او اخلاقي معها زفت يحق لها تزعل تبي ترجع على راحتها ترجع بس اللي اخذها هو اللي يرجعها
خليك شديد شوي قل له انا طفشت منها كل يوم زعلانه من اتفه الاسباب
اهلك خط احمر وقفها عند حدها
هذي النوعيه يبي له رجال حازم وشديد عشان تتادب
الله يفرج عليك