المشاركة الأصلية كتبت بواسطة لله الامر

في اول كام يوم من المشكلة الواحد بيكون متعصب وبيكون الغضب مسيطر على تفكيره بس لما الواحد بيهدى بعد كام يوم بيفكر صح يمكن هي ماردتش عليك لانها كانت متعصبة بس دلوقتي انتو بقالكم فترة يعني اكيد بقت هادية , مافيش ست بتحب تخرب بيتها بايدها

وبعدين هي يمكن تقول زي ما انت بتقول انك ماصدقت تمشي وماسالتش عليها كانها هم وانزاح

شوف هاقولك حاجة انا ماعرفش وجهة نظرها ايه لاني ماسمعتش الا من طرف واحد بس اللي انا متاكدة منه ان مافيش ست بتحب خراب بيتها اي واحدة بتحب تشوف جوزها متمسك بيها حتى لو كانت بتطلب الطلاق صدقني بيكون من ورا قلبها زي ما الام كده بتكون بتدعي على ابنها بيكون من ورا قلبها لانها عمرها ماهتتمناله الشر

كلمها ومش هتخسر حاجة باذن الله ماحدش هيحس باللي انتو فيه غيرك انت وهي