اعقب على كلام اختي (كل الأسامي ) .. نعم صحيح ..

واحيانا ما يكون الرجل وسيم ولا فيه ميزات ..لكن الفراغ العاطفي ومافي ايمان يملى هالفراغ ..يخلي بنت ابليس تبي تجذب ""اي رجل " !!! فقط للأحساس بنشوه شعور (انها مرغوبه ) وفي احد يهتم فيها ويعطيها وجهه !!!!!!

وحصل وصارت بنات انحرفوا مع سواقيين !!!! وهو يلوع الكبد ! ضبطته و خلته يترتب وزين لهم الشيطان بالتدريج ! .. ولو ان الأمر جايهم الشيطان من البدايه وقال (ترى بأخليك تزلين مع سائق ) قالت لا مستحيل !! لكن الإستدراج !! مع ضعف الحصانه الإيمانيه والعاطفيه ! ...

الحين في دورات وكتب مترجمه كلها .. كيف تبني الحصانه العاطفيه لأولادك ... كلها علشان الأباء ما يغفلون في التربيه عن جانب مهم في تربيه ابنائهم ... مو بس اكل وشرب ومشاوير واغراض المدارس والزيارات و ترفيهه .. مو هذي التربيه .... وكل بنت منحرفه او في طريق الإنحراف ... على طول اعرفي ان تربيتها كانت فارغه من الإشباع العاطفي والإيماني .. امثال هذي الحرمه اللي تلاحق في زوج اختنا هيا وحتى وهي كبيره بالعمر ! وترسل صور فاحشه وكلام فاحش ! وداخل عليه الشيطان من باب انها الإخصائيه الإجتماعيه لزوج اختنا !!! هذا غلاف خارجي والحقيقه اخصائيه نشر الفواحش من قول وعمل !! اللهم عافها ولا تبتيلنا
وضعف الجانبين الديني والعاطفي مع بعض فيهم هو سبب الخلل .. مو بس واحد .. لذلك احيانا نستغرب لمن نشوف مطاوعه حريم ورجال وماطاحوا في الحرام على طول ولكن (من حام حول الحمى يوشك ان يقع فيه ) ؟!
تلاقينها مطوعه وتلاحق في مطوع تبيه يتزوجها وهذا المدخل اللي زين فيها الشيطان كيف وحده فيه دين وتلاحق رجل دين او العكس يكون يسوي نفسه يبي يساعدها او ينصحها ويكون باب فتنه عليه وخطوه للشيطان ومن هذا المدخل تجي التصرفات الحرام !!!!

انا انصح كل اب وام لديهم اطفال او اخوان واخوات لديهم من هم اصغر منهم سناً او ازواج مع زوجاتهم (ياكثر المتزوجات المنحرفين ) !! يقرئون و يتثقفون من ناحيه الحصانه العاطفيه وطبعا اكيد الجانب الديني امر مفروغ منه .. فلنحمي مجتمعنا عن الحرام ... فمن شرور اخر الزمان .. انتشار الزنا بين الناس .. قال رسول الله صلى الله عليه وسلم " والذي نفسي بيده ، لا تفنى هذه الأمة حتى يقوم الرجل على المرأة فيفترشها في الطريق ، فيكون خيارهم يومئذ من يقول : لو واريتها خلف هذا الحائط " [حديث صححه الألباني ] وفي الحديث الآخر عن النواس بن سمعان رضي الله عنه قال : " ويبقى شرار الناس يتهارجون فيها تهارج الحمر ، فعليهم تقوم الساعة "[ رواه مسلم ] وفي الحديث الثالث حديث بن عمر ورضي الله عنه قال : قال رسول الله صلى الله عليه وسلم لا تقوم الساعة حتى يتسافدوا في الطرق تسافد الحمير ، قلت : إن ذلك لكائن ؟ قال: نعم ليكونن " [ حديث صححه الإمام الألباني ]



الله يحفظنا وذرياتنا و اهلنا وذوينا عن الحرام وكل ماقرب اليه من قول او عمل ..

لما اعتذر منك اول مره وبكي ونزلت دموعه....حبيبتي هذا اسلوب الرجال الخونه...يتمسكنون وينزلون دموعهم غصب..ومستعدين يكسرون جوالاتهم وسياراتهم بعد عشان الزوجه تسامح طبعا مو عشان سواد عيونها...عشان اشياء ثانيه في بالهم..واذا سامحت يرجعون لتصرفاتهم لكن بحرص شديد...

مشكلتك انك أكدتليه انك تحبينه ونسيتي تقولين له انك تحبيه بس مو على حساب كرامتك..ونسيتي تهددين انه لو عادها بيكون لك تصرف ثاني...مو تقولين احبك ولو مااحبك ماازعل وكلام فاضي يزيد الطين بله...في هذي المواقف المفروض الوحده تكون حازمه وتحذر لو تكرر الموضوع بيصير ماراح يصير شي طيب..

وبعدين اعتقد لما الرجل يكون متضايق ويبي يفضفض مو يروح لحرمه يسولف معها ويفضفض لها ويكلمها في امور الجنس....ليش مايختار واحد من اقرب اصدقاءه ويفضفض له...ليييييش مايفضفض لزوجته اقرب الناس له..ليش...ليش يروح لامرأه أجنبيه...يبادلها الصور والمقاطع..بحجة انه يفضفض..

وانتي الله يهديك صدقتيه....وعذرتيه لان عمرها 48 وانه ساعدها في امور تخصها.وان كان عمرها 48 ماهي

انسانه وانثى وتحس وتقدر تسحبه منك ومن اهله بعد..اعتقد هي مو مقطوعه من شجره حتى تروح للاغراب

يساعدونها..وانا ابصم بالعشره انه هالمساعدات هذي جات بعد وقت طويل من العلاقه بينهم...

سوي الي قلتلك عليه خذي رقمها لو على جنازتك وكلميها...لانه ماراح تنقطع العلاقه الا اذا هي قطعتها..لانها هي الي فارضه نفسها وهي الي جالسه تغويه...وتتحرش فيه..وهو اعطاها المجال لاتسمحين له يهينك وانتي واقفه معه في محنته..عاقبيه..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

السلام عليكم
معليش يا اخواتي اعذروني برد رد جامع للكل ولحد يزعل مني انا يادوب سرقت الوقت علشان اجي اعلمكم باللي سار بيني وبين اخته000
شكرا لسيدة الموقف وبيتا وابو حكيم وليه الغرور وروح الطير وللحياة الوان وكل الاسامي وقرين وجراح الماضي
امس بعد صلاة العشاء رحت اعمله عشاه جيت لقيت حراراته مرتفعه مره جاته فجأه
حاولت في الحراره تنزل مانزلت الى الساعه 11 قمت علمت اخته ونزلت وشافته
وضعه كان سئ جدا حراره شديده00قالت نكلم دكتور يجيه وفعلا جا دكتور الساعه وحده تقريبا بالليل
وعطاه ابره وقال التهاب بالاذن من المكيف او مويه
والحمدلله نزلت الحراره ونام قامت اخته قبل ماتطلع وانا اودعها عند المصعد مسكت يدي قالت وشفيكم؟
انا هنا بكيت ماقدرت اتحمل المهم وحضنتني وجلست معي وعلمتها بكل شي
ماصدقتني قالت ماعملها وهو مراهق كيف الحين يعملها؟
المهم وريتها المحادثات الا وحطت يدها على راسها من قوة الكلام اللي بينهم
قالت اتركي الموضوع لي وانا بحله بطريقتي
قلت هو رجال مابنقدر عليه
قالت هو رجال لكنه الان مريض وفرصتنا نبعده عنها
قبل مايطلع ويكلمها من برا لبرا
قالت انتي عاقبيه بطريقتك وانا شغلي معاه
قلت طيب ايش بتسوين؟
قالت يبيلها تفكير وعندي بالعمل مستشاره تربويه وبطرح عليها الموضوع
وطلبت مني احاول اجيب رقمها باي طريقه000
انا ارتحت نفسيا لان اخته ثقه ولمن تقول كلمه تنفذها
اخت زوجي معدنها اصيل وبنت اجواد
وهذا احد اسباب تمسكي في زوجي ولاول مره اقولها نعم هي احد الاسباب
سيدة الموقف كلامك ارعبني ونعم زوجي ماسامح عمه للان بسبب احتقار عمه له في طفولته
يحب عماته ويواصلهم وعمه لا ويكره سيرته يقول مو قادر اسامحه لانه كان يهيني وانا صغير
واكتشفت ان موضوع رجله خط احمر وشكلي انا تعديته يعني مايسامح بموضوع يخص اعاقته
روح الطير اولا اسمك مره يحزني مدري ليه احسه يلامسني من داخل ويفكرني بأغنيه اسمها تبكي الطيور تحزن
ثانيا بعكس وضعنا وبسألك هل كنت تملكين الشجاعه وتقولين لزوجك بلحضة غضب ماقلته انا؟
وزوجك لنفترض والله لا يقولها ويخليه لك بصحه وعافيه بنفس وضع زوجي؟
طيب لنفترض جدلا قلتي نفس ما قلته انا
الان كيف راح تتصرفي وانتي السبب بكل اللي صار؟ لا حظي انتي السبب
كل الاسامي اطلب الطلاق الان؟
الوقت غلط رجله مش في جبس او غرز وخلاص رجله مركب فيها حديد خارجي ومسامير داخله بالعظم
واضحه من الركبه لمفصل القدم يعني اي سقوط او مسمار يتحرك خلاص00
انتي قلتي خليك حازمه ايش اعمل؟
اكسر جواله مثلا؟
قوليلي كيف اكون حازمه؟
كلام وماسرت اكلمه ولا اعطيه وجه من ورا قلبي
للحياة الوان انا فاهمه كل اللي قلتيه وبالنسبه للعلاقه الخاصه نعم شكلي راح اكسر كلام الطبيب
لانه ابعدني عنه فوق بعدنا اللي من قبل فتره وراح اعمل اللي قلتيه عل وعسى ربي يلهليه عنها
وبحاول يوم ارخي الحبل ويوم اشد مالي غير كذا
ليه الغرور كيف اعاقبه؟
اخليه يطلب من اخته او الشغاله تدخله الحمام و000؟
اخليهم يروشونه؟
اخليهم يلبسونه؟
علميني كيف ؟
ما اطبخله وهو بالحاله هذي؟
يمكن قرين فاهمه كلامي لان زوجها مرض قبل فتره واكيد فاهمه احساسي
انا عارفه يا ليه الغرور انك تحبيني وقصدك مصلحتي لكن اللي تطلبيه صعب اسويه
ولو انتي مكاني راح تكتشفين انه صعب00والله العظيم
تصدقون يوم شفته مريض امس بكيت حسيت اني انسانه قاسيه
احس انا دفعته يتعرف عليها وانا دفعته يعمل العمليه
لانكم ماشفتوا وجهه لمن قلت احمد ربك اني تزوجتك
ما انسى نظراته والله بكى في لحضتها مامسك نفسه
انا جرحته ما قصرت فيه لان هو كان قبل المشكله طيب
ولا يعاتب وبس يضحك ويمزح ومايزعل الا نادر ولا يفكر برجله
وين ما اروح يجي جنبي ويلصق فيني وبعد المشكله صار يتجنبني
وانقلب 180 درجه صار شخص ثاني00
عرفتوا ليه انا متحملته لانكم ماتعرفوه00
انا اللي خليته يدور كلام حلو ويدور ورا رغباته
انا اللي خليته يبكي ودمعة الرجال صعبه واهنته لان وضعه مختلف وانا متعلمه وفاهمه كيف طلعت الكلمه مني؟
انا اللي ضيعته من يدي بكل سهوله والحين ابي ارجعه بأي ثمن
والله دموعي من امس ماجفت
كيف اجيب رقمها من جوالاته هو عنده اثنين؟
اكيد كاتب اسم مايخطر على بالي ؟
لازم لو ابغاه انسخ جميع الارقام وادور بينهم على مهلي؟
وماعرف كيف اتصرف معه الحين؟

الله يعينك ويصبرك ويجزاك خيرعن كل اللي سويتيه وتسوينه بنات الرجال مايظهرون إلا بمثل هالمواقف
ماشاء الله عليك اعجبني تفكيرك واتزانك ومحاولتك لحل الامور بدون تعقيد وبدون تهور
انتبهي لا تكررين غلطك الاول وتحاولين تحسسينه بعجزه وانك تمنين عليه بمساعدتك وجلوسك معاه حسسيه انك تحبينه ورغم الألم والجرح اللي مسببه لك إلا انك لسا متمسكه فيه وإحتسبي كل شي لله وربي ماراح يضيع لك حق
الله يحفظكم ويألف بين قلوبكم ويسخره لك يارب

زحمة ذكريات
هلا وشكرا لك نعم انا مابي اقطع شعرة معاويه
لو اهنته الان او ذليته او لويت ذراعه الله بيحاسبني وبشوفها بنفسي
انا ابيه يرجع بصحته او عالاقل يدخل الحمام اكرمك الله بنفسه
ساعتها بتكلم واعافب واعمل اللي ابيه
اما الان صعب هو في حاجتي مايقدر يعمل شي بدوني
حتى اللبس لازم انا البسه
انا ارجو من الاخوات ما يزعلون مني وانا عارفه انكم تحبوني
لكن افهموا موقفي الان
عطوني حلول وسط او حلول تخصها هي اما هو لا

في حالته المرضيه انا افهم عليكي


اقول لك وانتي تحمميه حسسي على جسده وامزحي ووقولي :و الله ما حد يلمس هالجسد غيري اقطع اللي يقرب منك

وانت تطعميه وتضعي الملعقه في فمه قولي : والله هالشفاف لي انا وحدي وما حد رح يقبلهم غيري


داعبيه وهو بمكانه مش ضروري تاخذي موقع الفارس انتي التصقي به كل يومان او ثلاثه خليه ينفرج ترا بيكون مشحون

صبايا العزاب ما يقرو ردي

مرري اصابعك على رقبته وعطريه وشميه وقولي ما اجمل ريحتك اشتقت لك

ليه ياخذ الكلام من الحرام وانتي حلالك وهذا وقتك

حبيبتي انا مجنني ولكن تصدقي ما يقدر ينام الا في الغرفه للي انا موجوده فيها

وا1ا وجدته غفا وانتقلت لغرفه ثانيه ويكون بسابع نومه تلاقي عشر دقايق وقام يدور عليي

وقت تششوفي التلفون بيده خذيه منه وضعي رأسك على صدره وداعبيه بشعرك وقولي له انت ليانا ومستحيل احد يسرقك مني

وقولي له انا اغار عليك انت روحي وحياتي وعيوني


الله يآجرك احس فيكي تحميم ودخوا حمام ووووووو بس كلو يهون

__________________
http://live.gph.gov.sa/
اللهم اني استودعك اولادي

بالنسبه للي تراسله حاولي قد ماتقدري تاخذي رقمها واتصلي عليها وذكريها بالله وخليك حازمه معاها بالبدايه بالرسايل بس لاتقولين لها انك زوجة فلان وبعدين كلميها وقوليلها انك زوجته ووقفيها عند حدها ماعليك منها انتِ صاحبة حق وشوفي هل صح لو هددتيها إنك تقولين لعيالها ولا لا بس مجرد تهديد لأنه صعب تفضحينها عندهم بس يعتبرون ورقة ضغط وحتى ان كلمته وقالتله ما اظن بيعاتبك يعرف انك تحبينه وتغارين عليه إلا اذا هي لها اسلوبها الخاص وكانت اشطر منك وفهمته شي ثاني يعني استخدمت عقلها اكثر منك وحاولت بطريقتها تبين انها خايفه عليه اكثر منك وانها وانها وحاولت تكرهه فيك بإسلوب معين انتِ فاهمه زوجك اكثر وفاهمه طريقة تفكيره حطي في بالك اكثر من احتمال لو كلمتيها وراحت هي تشتكي عليك عنده وافترت عليك وقالت كلام انتِ ماقلتيه ممكن يصدق مين يصدقك ولا يصدقها؟واتناقشي انتِ واخته بردات فعله علشان لو نسيتي شي اخته تذكرك فيه بس هو ابد لاتناقشينه الحين وخليك مثل ما انتِ واجباته تقومين فيها علشان انك تحبينه وعلشان الأجر وربي يكون معاك

ما فكرتي انك تراسليه ....؟؟
ليه ما ترسلي له عبارات او ايحاءات جنسية .... انتي زوجته وأولى من اللي ما تتسحتي بدا الكلام
الله يهدي زوجك ويسخره لكي

قرين هلا فيك
شكرا على كلامك والاهم تفهمك انتي فاهمتني وعارفه لو ايش ماعمل زوجك
بفترة المرض انتي لازم راح تمشي وتتحملي لان بالنهايه احنا حريم وعاطفيات اكثر من الرجل
والدليل انا قبل عمليته كنت عصبيه واتكلم واقول اللي بخاطرك واللي مو بخاطرك
لكن الان الوضع مختلف قلبي راحمه كثير ماني قادره ازيده
وبالنسبه لافكارك والله انا مرره ماعندي سالفه ترا ما اعرف اعمل كذا
يمكن لان تربيتنا كانت شديده في بيت اهلي
بحاول طبعا لكن اعرف نفسي بالامور الجنسيه ميح
انا افهم فيها ونفسي اعملها لكن داخلي حاجز تربيت عليه انه لااااااااااااا
ممنووووووع عيييييييييييب حرااااااااااام مازال مسيطر على تفكيري

زحمة ذكريات
لمن يقوم بالسلامه وهو مازال ومصر يبقى معها على علاقه
فبيت اهلي مفتوح لي وماني مجبره اجلس معاه انا الان صابره لله
ولضميري اللي قاتلني وغير كذا ماعندي له شي
ومابتعب نفسي بعدين بحل الموضوع بحله الان
انحل كان بها ما انحل وصار بخير بقله مع السلامه
والله يهنيك فيها انا عملت بأصلي معك وانت رديته بأصلك

مس ماربل
هلا فيك
ماعرف اتكلم كلام جنسي استحي وهو زوجي
والله استحي
لكن ارسله شعر وكلام حب
وصور حلوه وكلام طيب
اما كلام جنسي والله ماقدر
بصراحه اخاف ياخذ فكره سيئه عني

هيا...غريب امرك كيف ياخذ فكره سيئه عنك انتِ مو زوجته يعني حلاله وهو حلالك
انا معاك بعض الرجال يفهمون بعض الحركات غلط بس انتِ ع قولتك ميح بهالامور انا ما اقولك خليك جريئه بزياده عن اللزوم بس بحدود المعقول ..فيه حركات وتصرفات وكلام تقدرين تعبرين بأي طريقه بس بحدود اذا كان زوجك شوي تفكيره محدود ومن الرجال اللي يقولون هي وهي يعني بصريح العباره شكاك اما اذا كان مو شكاك فنصيحه خذي راحتك ع الاخر احنا وش اخذين من الدنيا وش فيها لما تتدلعي ع زوجك وتحسسينه بقيمته كرجل في هالامور..بدون زعل اتفاجأت فيك انا معاك احنا اتربينا ع الحياء ولا هذا غلط وهذا مايصير والرجال اذا جيتيه يقول كذا وكذا ..وياكثر المفاهيم اللي انحشت براسنا بس خلاص احنا بزمن النت والانفتاح ..ممكن نستفيد من هالوسائل بهالشي لاتفهمين اني اقولك روحي لمواقع دوري هنا ولا هنا بس فيه كثير مواضيع تخليك تعرفين كيف تدلعين زوجك وتهتمين فيه وترضينه يلمحون فيها بدون تصريح...انتِ شوفي المسلسلات وشوفي العشيقات وش يسون مع الرجال وهم مو محرم لهم وعليهم اثم وذنب كبير فما بالك انتِ لما تسوين هالاشياء من دلع وغنج و, و,, بنتية تحصين زوجك ونفسك وتعتبرينها عباده تتقربين فيها لله.... << ماقالت شي