السلاااااااااااااااااااااااااام عليكم ورحمه الله وبركاته ،،،


والله العظيم أنكم كفيتوا و وفيتوا ... وهذا العشم فيكم ....


أشكر كل من كتب لي ... وساهم حتى ولو بحرف واحــــــد ..


بصرااااحه ..


ماتوقعت أني غاليـــــــه على قلوبكم بهذي الصورة !!


من قدي ،، ولوكنت أدري .. لوزعلت على زووووجي من زمان ....








هذي الهنوف ..





بنت المنتدى الغالي ..!!



اللي علمني وش هو الصح من الغلط ....



اللي نور عقلي ودربي وحياااااااااااااااااااااااااااتي ....



هذي الهنوف ..




رجعت لكم ... مره ثانيه ... بروحها المرحه ... وابتسامتها المشرقه ... وعقلها الراكد ....


وأحب ابشركم ...



أنــــــــــــــي
رجعـــــــــت



للغالي ...



وااااااااااااااااااااااااااااااااااااااااااااااااا اااااااي فديته ... بيني وبينكم .. كان بيغمى علي أووووول ماشفته ... بس سوووويت نفسي شايفه خير ..!!


أقسم لكم بالله ... أن الوحده ماتعرف قدر زوجها إلا لي حست أنها بتفقده ... أو أنه هجرها ....



كلاااااااااااااااااااااااااااااااااااامكم .. شجعني كثير أني ارجع له ..... وخصوصاً ..
كلمه الغاليه .. طبيبه القلوب ... أن مابين الزوجين كرامه ...


والله جد جد جد أنكم ماقصرتوا بأي حاجه ...


كلكم بدون استثناء ...


وتسلمين ياعيوني ياحبيبه الكل ونور هالمنتدى .... أم جمانه ... بالفعل ... كلماتك أثرت فيني كثير ...


وأخوي وجه الخير والسعد .. أحب أقولك .. أنت وجه الخير على الاعضاء كلهم وعلى هذا المنتدى ... وأشكرك من كل قلبي على الرابط ..

وأخوي مناجي الصمت .. ومسموسي ... وأخووووووي الفاضل اللي ضحكني ...رام ..

والكل الكل ....

والأخ المحب الدائم ... هماااااااااااااااااااام ...وأخوي سكاي ..


والله اسمحوا لي ...

مش متذكره الاسماء من زود فرحتي للرجوع لكم باخبار سااااااااره ....

أشكر كل من كتب لي وآسفه لوأني ماذكرت أي أسم المهم انكم في قلبي وعيوني والله الشهد على كلامي ...




وبقول لكم وشلون رجعت لزوجي ..


أولا ,,

أنا لما كتبت في المنتدى كانت السالفه طاااااااازه [على قولتهم] ..

وكانت اعصابي مشدوده .... وماكنت افكر بعقلي ... وطبعاً الشيطان مش شاطر وبس في هذي المواااااضيع .... إلا ممتاز ,,,,!!


المهم ..


رحت بيتي عشان أخذ ملابسي ... بعد ماجلست في بيت الوالد لمده 4 أيام ..


دخلت البيت ..

وفتحت باب المجلس .. وكان المكان هاااادئ ..

أتجهت صوب غرفتي ...


وكانت المفاجأه .......!!












باب غرفتي مقفول !!





استغربت ..




دعيت الخدم ..


سألتهم ..؟؟



مين اللي أخذ مفتاح الغرفه ....


وكلهم قالوا لي ....



بابا ......






المهم ..


قمت وأتصلت فيه ...

وقلت له .........


ألو ... [بغيت أموت من الفرحه لما سمعت صوته :14: ] ..

قال لي ..

هلا أبووووووي . ...!!

قلت له ..

حضرتك ليه قافل الباب .....؟؟

ممكن تجيب لي المفتاح ....


قال لي ... ثواني ... هووووووا ...


شوووي إلا هو دخل ...


وتأكدت أنه يموووووووووووووووووووووووووووووووت فيني ....... بعد هذا الجواب !!



قلت له ..
ليه أخذت مفتاح غرفتي ....

قال لي .......

عشان ماتخذين ملاااااااابسك !!!


والله .. ثم والله ...

أني لويت عليه .. ومت من الصياااح ....

كان شكلي يكسر الخاطر ..فديتني !!


بس هذا حال الدنيا ...


وطاح الحطب...

ومسك إيدي ... وكلمني في الموضوع .... وقال لي ,,

حبيبتي ..

أنا ولله الحمد .. ربي منعم علي .. وقدرت أشتري فلل في الخارج .. وأقل شقه أخذتها يعني بعد موفلا .. بسبعين ألف ... وهذي الشقه أخذتها لك في سوريا ... وكنت بسوي لك مفاجأه أني مسجلها بأسم ...!!

وأسم جنون سجلته على موبايلي ... لأن اللي في محكمه سوريا جنني !!

قلت له ابغيك تسجل هذي الشقه باسم زوجتي قال لي لازم هي تحضر ... وتوقع على عقد الاستلام و ..و...و .....

ومن زود كلااااااااااااااااامه لي سميته جنون !!!




والله ..

أني ظلمته كثير ...

ماقلت إلا حسبي الله على هالشيطان ..

في وقت غضب ..

كنت بفقد أغلا وأعز إنسان في حياتي ...

والله العظيم ..

حتى أختي اللي هي أختي تحسدني عليه !!

وتقول لي .. ياليت لومن زوجك أثنين ....




والله العظيم أنه عور قلبي ...

تخيلوا هو يدور على راحتي وسعادتي وانا افكر في أيش ...؟؟


وقال لي ..

لو أني مفكر أني أتزوج ... باخذ وحده من ديرتي بعد علمك ..









الحمدلله .. الحمدلله ..

أني ماتسرعت في أي شي ...


وهذا بفضل الله ومن ثم فضلكم اللي عمري ماراح انساه .......


أشكر كل من دعا لي بظهر الغيب ... وأعتبرني أخت غاليه على قلبه ...


والله ماتوقعت انكم تغلوني بهذي الصوره ....

فرحتوني ياجعل ربي يفرحكم دنيا وآخره ....


وهذي نصيحه ...


أرجوكم ياخواتي المتزوجات ..

لاتظلمين زوجك قبل لا تتاكدين ....!!


وعلى فكره ..

زوجي قال لي ..

عقاباً لك ... أنا بكره مسافر وبعود يوم الجمعه بالليل إن شاءالله ... وقلت له الله يحفظك ......