أنا :
كم مرة بالجوال تكلمتوا ؟

هي :
12:45ص, سبتمبر 1 - ه.: قال لي هي ما جت على كذا
12:45ص, سبتمبر 1 - ه.: يوميا كان يكلمني
12:45ص, سبتمبر 1 - ه.: ولما اتصل ما يرد ويقول كنت نائم

أنا :
قال لي بس 3 مكالمات والباقي واتس

هي :
12:46ص, سبتمبر 1 - ه.: هوؤ كان يبغاني استر عليه عندك واتركك محتاره ولما أنا قلت لك كل شيء صار يهدد ولما شاف التهديد ماجاإب نتيجه صار يقول لك ندمان
12:46ص, سبتمبر 1 - ه.: كذااإاإب
12:47ص, سبتمبر 1 - ه.: كل يوم يقول لي وحشتيني مووت وبكلمك
12:47ص, سبتمبر 1 - ه.: ولما ما أكلمه يزعل

أنا :
يهدد بايش

هي :
12:47ص, سبتمبر 1 - ه.: بالصور
12:47ص, سبتمبر 1 - ه.: قلت لك روحي فندق xxxx واسالي هوؤ حجز هناك غرفه عشان يشوفني

أنا :
يقول يضحك عليك عشان يبين لك إنه شبعان و مو طمعان بفلوسك

هي :
12:48ص, سبتمبر 1 - ه.: أنا المهم سويت اللي علي وما خليتك كذا

أنا :
ايش يجلس يتكلم ؟ هو اصلا كلامه قليل..

هي :
12:48ص, سبتمبر 1 - ه.: والله كان نفسي أصور لك كلامه
12:49ص, سبتمبر 1 - ه.: كله حب وغزل
12:49ص, سبتمبر 1 - ه.: لأني مسحته قبل أعرفك
12:49ص, سبتمبر 1 - ه.: ما كنت أدري انك موجوده بحياته وكان كلما أجيب شيرتك يقول لا تنكدي علي

أنا :
يقول مخطط انه ياخد منك 15 ألف بعد ما توثقي فيه، يقولي قردة اخليها تصدق حالها

هي :
12:49ص, سبتمبر 1 - ه.: هههههههههههه
12:50ص, سبتمبر 1 - ه.: يأخذ مني وأنا أصلا طالبه

أنا :
مو قلتي مستشفى ......... ؟

هي :
12:50ص, سبتمبر 1 - ه.: انت مصدقه كلامه ؟

أنا :
لا ما همني
ابغى بس ارتاح من التفكير


هي :
12:50ص, سبتمبر 1 - ه.: لا قابلني عند مستشفى .............

أنا :
مو قلتي بس الفندق ؟

هي :
12:51ص, سبتمبر 1 - ه.: شوفي هوؤ طلب مني حتى أصور جسمي
12:51ص, سبتمبر 1 - ه.: أيش تتوقعي يبغئ

أنا :
كم مرة تقابلتوا

هي :
12:51ص, سبتمبر 1 - ه.: أول مره بالمستشفى
12:51ص, سبتمبر 1 - ه.: يوم ٢٠ الساعه ١٢ باليل
12:51ص, سبتمبر 1 - ه.: وبعدين طلب يقابلني بالفندق
12:52ص, سبتمبر 1 - ه.: وقتها كان مأخذ منك فلوس وغير جواله

أنا :
وليه مارحتي له الفندق، مو اعطاك رقم الغرفة

هي :
12:52ص, سبتمبر 1 - ه.: لأني أنا أصلا كنت بالفندق

أنا :
مو انت ساكنة هنا ، ليه جالسة بفندق

هي :
12:52ص, سبتمبر 1 - ه.: انتي مو تبغئ ترتاحي من التفكير

أنا :
انا عشان كذا متلخبطة كنت

هي :
12:52ص, سبتمبر 1 - ه.: شوفي خليني افهمك
12:53ص, سبتمبر 1 - ه.: وحده وحده
12:53ص, سبتمبر 1 - ه.: أنا كنت ساكنه ب(............... نفس منطقتنا ) فتره
12:53ص, سبتمبر 1 - ه.: وصديقتي جات المدينه وأنا جيت عندها بالفندق
12:54ص, سبتمبر 1 - ه.: بس حاليا أنا خلصت تدريب وطلعت عند إمي
12:54ص, سبتمبر 1 - ه.: وأنا ما قلت له لأني ما وثقت فيه بعد كلامه عنك

أنا :
مو نقلتوا تبوك ؟

هي :
لا ، أنا قلت له كذا

أنا :
طيب راح المستشفى متى ؟

هي :
الساعه ١١ يوم 20
12:55ص, سبتمبر 1 - ه.: كان لابس توب وشماغ
12:56ص, سبتمبر 1 - ه.: ويوم ٢١ الصباح
12:56ص, سبتمبر 1 - ه.: جاء كمان
12:56ص, سبتمبر 1 - ه.: صدقيني أنا ما كذبت عليك ومقهوره مثلك
12:56ص, سبتمبر 1 - ه.: مستشفى (.................) نفس المستشفى

أنا :
ليش جا الصبح

هي :
12:57ص, سبتمبر 1 - ه.: لأني كان عندي موعد الصباح
12:57ص, سبتمبر 1 - ه.: أنا حاليا بسكن بدبي
12:57ص, سبتمبر 1 - ه.: بفندق هارموني

أنا :
هو ايش يعمل اذا عندك موعد

هي :
12:57ص, سبتمبر 1 - ه.: يبغئ يشوفني بعد الموعد

أنا :
طيب شافك ؟

هي :
12:57ص, سبتمبر 1 - ه.: إيوه

أنا :
طيب ايش عمل

هي :
12:58ص, سبتمبر 1 - ه.: جلس معي بالسياره
12:58ص, سبتمبر 1 - ه.: ولفينا وتكلمنا
1:00ص, سبتمبر 1 - ه.: عموما أنا حبيت اتطمن عليك لأن ضميري يعدبني وما حبيت انك تفكرين اني خفت من تهديده وانسحبت وهو يعرف رقمي هذا
1:00ص, سبتمبر 1 - ه.: وقلت بتطمن عليك

أنا :
كيف يعرفه ؟

هي :
1:00ص, سبتمبر 1 - ه.: اتصلت عليه أنا منه

أنا :
متى دحين ؟

هي :
1:01ص, سبتمبر 1 - ه.: لا لا
1:01ص, سبتمبر 1 - ه.: زمان أول
1:01ص, سبتمبر 1 - ه.: دحين لا اتصلت ولا هوؤ اتصل

أنا :
طيب بعد مالفيتوا ، طيب مسك يدك
ايش صار

هي :
1:01ص, سبتمبر 1 - ه.: رجعت أنا المستشفى وهو مدري عنه

* أحس كلامها متناقض مع قبل ، و زوجي يحلف بالقران إنها كذابة و تتبلى عليه عشان نتطلق
و بعد شوي راح تقول إنه نفس اليوم كان معاها بالفندق من الساعة 8 إلى 11 الصبح *

أنا :
طيب مسك يدك ؟

هي :
1:01ص, سبتمبر 1 - ه.: إيوه
1:01ص, سبتمبر 1 - ه.: وطلب بوسه

أنا :
و أعطيتيه ؟

هي :
لا ما أعطيته

1:02ص, سبتمبر 1 - ه.: وعموما لو حسيت منه أي ازعاج بكمل شغلي اللي وقفته
1:02ص, سبتمبر 1 - ه.: أتمنئ ما يعرف اني كلمتك من جوالي هذا
1:03ص, سبتمبر 1 - ه.: بس كان قصدي اتطمن عليك وأريح ضميري لو عندك أي سؤال
1:03ص, سبتمبر 1 - ه.: واكرر اعتذاري وربي يجازي اللي كان السبب


* هي قبل قالت إنه ما لمسها *

.
.

أنا :
ليه ماتكملي شغلك ؟
ايوة ارتاح لو مسكته الهيئة

هي :
والله ،
1:03ص, سبتمبر 1 - ه.: مو قلت ما إبعئ أولادي يعيشون بدون اب
1:03ص, سبتمبر 1 - ه.: انتي قلت أمه مريضه وابوه
1:04ص, سبتمبر 1 - ه.: أصلا أنا بلغتهم بس قلت لو جاني منه أي تهديد أو ازعاج أبلغكم

أنا :
يعني تقابلتوا مرتين، و ليش ماكمل مقابلات

هي :
1:04ص, سبتمبر 1 - ه.: أكثر من مرتين

أنا :
مو قلتي بس مرة

هي :
1:04ص, سبتمبر 1 - ه.: بالمستشفى مرتين وبالفندق وبالمطعم
1:05ص, سبتمبر 1 - ه.: ما قلت لك بس مره ، هو اللي قال لك مره

أنا :
بللفندق فين !؟
الصورة الي بالفندق كانت في بيتي

هي :
1:05ص, سبتمبر 1 - ه.: نزلت أنا
1:05ص, سبتمبر 1 - ه.: أنا قلت لك
1:05ص, سبتمبر 1 - ه.: هوؤ رسلها لي من جواله قلت لك واحنا بالفندق
1:05ص, سبتمبر 1 - ه.: انتي متلخبطه واضح
1:06ص, سبتمبر 1 - ه.: الساعه ٨ الصباح
1:06ص, سبتمبر 1 - ه.: جاء للفندق

* هنا كلامها متعارض مع كلامها عن المستشفى ، و كلهم بيوم 21 *
زوجي ينكر و يقول صدقيها لو بتخربي بيتك ، و يحلف إنها كذابة


أنا :
هذا اليوم كان بالبيت كان
افتكر
حتى وقتها قلت له ايش بتعمل ؟
ترسل صورتك لصاحبتك ؟

هي :
1:06ص, سبتمبر 1 - ه.: روحي الفندق يعطوكي الوصل إذا مو مصدقه

أنا :
انت متاكدة ؟ يمكن كذب عليك

هي :
1:07ص, سبتمبر 1 - ه.: لأنه حجز وأنا تحت واستعربت . قال لي حجزت غرفه بكون جنبك
1:07ص, سبتمبر 1 - ه.: أقسم بالله العظيم هذا الصدق
1:07ص, سبتمبر 1 - ه.: لا عطاني مفتاح الغرفه

سيدة بس سؤال ..

( لمتى ) ؟

لإني بجد ما أعرف ،.

.
.

و الموضوع هذاك قفلته خلاص ، و ما عاد أسأله ..
بس مرات غصب ( أرمي كلمة )
أحسسه الفرق بين زوجته الطاهرة و العفيفة و بين البنات الوسخات و الرخيصات ..
هو طبعا مذنب كمان ..

.
.

و بالنسبة للغرفة ، فهي مو صالة صالة ..
غرفي كبيرة مرة ، بس قليلة ..
غرفة ولدي تنام فيه الشغالة ،، و غرفة نومي ،، و غرفة المجلس أو التلفزيون و له ( باب ) ..
و الممر ..

أنا أنام بغرفة التلفزيون و فيه باب له ..

.
.

و بجد كنت محتاجة لنصيحتك ،، لإنها تريحني و ترضيني جداً ..

اليوم قال لي ، ما حسيتي بيا جيت سلمت عليك عالساعة 10 الصبح و إنت نايمة ؟
قلت له ( لأ ) ..

وقت كنت أنام معاه بعد المشكلة ،،
كنت أنا غبية ، كأني أنا اللي جالسة أراضيه ؟؟؟

.
.

أنا كذا أحس حالي مرتاحة ..

أبغى أسألكم ..

ليش ما أتطلق منه ؟؟؟؟

:*

لأن العقل والمنطق يقول إن البيت والعشرة والأولاد
حرام ينهدموا بسبب زلة ممكن إصلاحها ولأن مافي
مخلوق معصوم من الخطأ وكل بني آدم خطاء
وخير الخطائين التوابون

:*
وأنتِ عطيتيه فرصة
عشان أولادك قبل نفسك
فأذا تغير الحمدلله
وإذا ماتغير وكرر خطاه
تكوني بيض الله وجهك ماقصرتي
وماعليك أي ملامة لو تركتيه

:*

__________________

الثقة ( معدومة ) ..

.
.

ليش ما أحكم عقلي و خلاص ؟

طلاق علشان مكالمه!!!

استهدي بالله يا روح... ابليس انتقل من قلوب حائره لعندج الظاهر...

روح تدرين وين اشوف المشكلة بالتحديد

المشكلة مو بالخيانة

المشكلة في اختيارك له كزوج من البداية

طبعا الرسول عليه الصلاة والسلام وصانا بصاحب الدين والاخلاق انت اعتمدتي على هذان المعيارين
وهو طلع مو متدين بحيت انه كان مهمل للصلاة والشك حتى في انه افطر برمضان وبالنسبة للاخلاق طلع يكذب عليك وعلى البنت عشان يكسب منها المال,,,
يعني هنا المعيارين اللي اعتمدتي عليهم في موافقتك عليه طلعو مغشوشين

وايضا النجاح في الاختيار يتطلب بان يكون هناك تكافؤ بين الاثنين
تكافؤ مادي وانا هذا ايضا مو ملحظاتو بينكم لان دخلك اكبرر من دخلو فهذا سوا لكم العديد من المشاكل والفروقات
ايضا التكافؤ الفكري او العلمي هذا مو ملاحظاتو بينكم بحيث انك متعلمة وتفكيرك يمكن انضج منو وهذا قاعد يسبب تفاوت بينك وتباعد في الحوار والميول وكل ما يخص العلم والمعرفة

ذكرت لك كل هذا الشي عشان ما تركزين على موضوع الخيانة انا اشوف المشكلة بدات من طريقة اختيارك
يعني ما في تكافؤ واضح ولو قلنا ان الجوانب اللي ذكرتها مب مهمة الاهم الدين والاخلاق نعم صحيح وانت اعتمدتي عليهم
وفي النهاية كانت المشكلة الخيانة والخيانة تتعلق بغياب الوازع الديني والاخلاقي

اذن كاني اشوف ان كل المعايير في اختيار الزوج اختفت

انا ما ابي اندمك او اشكك في اختيارك ولكن اشووف اذا بدك تكملي حياتك لابد ان اخلااقو تتغير ودينو يزييد
تصدقي انا مو هامني موضوع الخيانة بكثر ما هامني ان هدفو كان كسب المال هذا يدل انو بجب عليه تعديل عميق لاخلاقو وتحسينها عشان يبطل كذب وعشان تستقيم حياتو

يعني الاخلاق والدين لااازم يجتهد فيهم لانو ما دام مافي تكافؤ بينك ببعض الجوانب فعليه تحسيين اخلاقة وعلاقته مع ربه
عشان باقي الجوانب اللي مو متكافئين فيها ما تاثر على علاقتكم ويكون الدين والاخلاقهو الركيزة اللي قايم عليها زواجكم

ما ادري اذا قدرت اوصل لك الفكرة
اتمنى انك فهمتيني

لانك بترجعي تثقي فيه ..
اصبري

الاخت روح الطير..
سبق لي ان كتبت رد اقصد منه تشجيعك على انهاء مالديك من سرد لما حدث لك.. ولكي اخرج من حالة المتابعة لك بصمت نحو ترجمة ذلك.. ولكن الرد حذف .. لعل في ذلك خير..

باختصار..
كلام البليغ وسيدة الموقف مزيجهما هو الحل في وجهة نظري..
انتي كريمة اصل وطبع والناس ماهم مثلك فلا تتوقعي منهم الايجابيه عشان ترتاحي
عشان كذا يجب الا تجرحيه بترديد الموقف وتفاصيله ولكن خليك رسمية شوي معاه
وخليه يحسب لصمتك وكلامك الف مرة..
انه يحترق من الداخل من هذه المعاملة بس بروده يبين لك العكس..
كرمك معاه يجعل وجهه مثل حبة السمسم قدامك اذا فكر بخيانته لك
لانه يعلم اي حقارة وذلة تتمكن منه حينما يضع غيرك في مكانك.. فهمتي..!!؟
ولا تستقطبي المواقف السلبية وتجعلين من نفسك شماعة لها..
استمري بحياتك واعلمي ان هذه فترة تدريب له والقادم سيكون افضل

__________________
ان انت اكرمت الكريم ملكته.. وان انت اكرمت اللئيم تمردَ!!