لو تعود ينام برة البيت ، أعرف زوجي ( مثل الطفل ) ..
ممكن خلال الأسبوع هذا ( يتعرف على صحبة تخربه )

.
.

زوجي ليش تعود عالسهر ؟؟؟؟

لإننا رجعنا من برة ، و كنت أجلس أغلب وقتي مع أمي و هي مريضة ..
كانت أمي تبغاني مرات أنام عندها ، و هو يقولي رايح أنام في بيت أهلي

و هو يروح يسهر يلعب بلياردوا ..

تعود عالسهر ، و كنت بعيدة عنه ..
و كنت مشغولة بحملي و الوحام ، و بأمي ..

.
.

و أنا ما راح أخذ أي قرار دحين ..

و زوجي ما وعدته للحظة هذه إني نسيت أو سامحت ..
عشان لا يقول ( إيش فيك فتحتي الموضوع من جديد ؟ )

لإني منتظرة رأيكم ..

.
.

أنا ما عندي كنترول حالياً ..

هو من 5 أيام ..

يروح العمل ، يخلص دوامه ، يصلي ( بالحرم ) المغرب ..
يرجع ، يجلس معاي يتكلم و مع الأولاد و يتفرج تلفزيون و يلعب ولده ،
بعدين يناديني اجلس معاه ، أو يخرجني أي مكان ..

الفرق بين دحين و قبل ..

إنه أول أحسه جالس و يستنى أحد من أصحابه يتصل عشان يخرج بسرعة ..
قبل ما يتكلم ، و بس يعصب عالأولاد
ما يحكي لي أي شي
يرجع متأخر


أما حكاية إنه يخرجني معاه ، فهذه من زمان ..
بس إنه صار يتكلم و يسمع لي بإنصات ..

.
.

بس أنا بداخلي ( خوف ) ..

.
.

هو يقول إنت ما تخليتي عني ، عهد أمام الله ما أتخلى عنك طول العمر إيش ما صار ..
كله بسبب الموقف هذا ..

.
.